ഒത്തു തീര്പ്പിനെന്ന പേരില് ഗള്ഫിലേക്ക് ക്ഷണം, ഒടുവില് അറസ്റ്റ്... ചെക്കുകേസില് യുഎഇയില് അറസ്റ്റിലായ തുഷാര് വെള്ളാപ്പള്ളിയെ ജയില് മോചിതനാക്കാനുള്ള ശ്രമങ്ങള് ഊര്ജ്ജിതത്തില്....
ചെക്കുകേസില് യുഎഇയില് അറസ്റ്റിലായ തുഷാര് വെള്ളാപ്പള്ളിയെ ജയില് മോചിതനാക്കാനുള്ള ശ്രമങ്ങള് ഊര്ജ്ജിതമാക്കുന്നു. ഇന്നലെയാണ് ബിഡിജെഎസ് നേതാവ് തുഷാര് വെള്ളാപ്പള്ളി യുഎഇയിലെ അജ്മാനില് വച്ച് അറസ്റ്റിലായത്. വണ്ടിച്ചെക്ക് നല്കിയെന്ന ബിസിനസ് പങ്കാളിയുടെ പരാതിയിലാണ് അറസ്റ്റ് ചെയ്തത്. പത്തുമില്യണ് യുഎഇ ദിര്ഹത്തിന്റെ വണ്ടിചെക്ക് കേസില് അറസ്റ്റിലായ തുഷാര് ഇപ്പോള് അജ്മാന് ജയിലിലാണ്. എങ്ങനെയെങ്കിലും തുഷാറിനെ പുറത്തിറക്കാനുള്ള ഊര്ജ്ജിത ശ്രമത്തിലാണ് സുഹൃത്തുക്കള്. വ്യാഴാഴ്ചയായതിനാല് ഇന്ന് പുറത്തിറക്കാന് കഴിഞ്ഞില്ലെങ്കില് അടുത്ത ദിവസങ്ങളില് പൊതു അവധിയായതിനാല് രണ്ട് ദിവസം കൂടി തുഷാര് ജയിലില് കിടക്കേണ്ടി വരും. വ്യവസായി എം എ യൂസഫലിയുടെയും കേന്ദ്രസര്ക്കാരിന്റെ സഹായവും തുഷാറിന്റെ കുടുംബം തേടിയതായി റിപ്പോര്ട്ടുണ്ട്. കഴിഞ്ഞ ദിവസം രാത്രി അജ്മാനിലെ ഒരു പഞ്ചനക്ഷത്ര ഹോട്ടലില് വച്ചാണ് ബിഡിജെഎസ് നേതാവ് തുഷാര് വെള്ളാപ്പള്ളിയെ യുഎഇ പൊലീസ് അറസ്റ്റ് ചെയ്തത്.
പത്തുവര്ഷം മുമ്പ് അജ്മാനില് ബോയിംഗ് എന്ന പേരില് നിര്മ്മാണ കമ്പനി നടത്തിയിരുന്ന കാലത്ത് ഉപകരാര് ജോലികള് ഏല്പിച്ച തൃശ്ശൂര് സ്വദേശി നാസില് അബ്ദുള്ളയ്ക്ക് നല്കിയ വണ്ടിച്ചെക്ക് കേസിലാണ് പോലീസ് നടപടി. പത്തുമില്യണ് യുഎഇ ദിര്ഹത്തിന്റെ (പത്തൊമ്ബതര കോടി രൂപ)യുടേതാണ് ചെക്ക്. ബിസിനസ് പൊളിഞ്ഞതോടെ, നാട്ടിലേക്ക് കടന്ന തുഷാര് വെള്ളാപള്ളി പിന്നീട് രാഷ്ട്രീയരംഗത്ത് സജീവമായി.
ഇതിനിടെ പലതവണ നാസില് അബ്ദുള്ളയ്ക്ക് കാശ് കൊടുത്തുതീര്ക്കാമെന്നേറ്റെങ്കിലും സ്വാധീനം ഉപയോഗിച്ച് ഒഴിഞ്ഞു മാറുകയായിരുന്നു. ഒടുവില് സ്വദേശിയുടെ മധ്യസ്ഥതയില് ഒത്തുതീര്പ്പിനു തയ്യാറാണെന്ന് അറിയിച്ച് തുഷാറിനെ നാസില് ഗള്ഫിലേക്ക് ക്ഷണിച്ചു. ഇതുപ്രകാരം ചൊവ്വാഴ്ച രാത്രി അജ്മാനിലെത്തിയ തുഷാറിനെ താമസസ്ഥലത്ത് വച്ച് നാസിലിന്റെ പരാതിയില് പോലീസ് അറസ്റ്റ് ചെയ്യുകയായിരുന്നു.
https://www.facebook.com/Malayalivartha
