ആത്മഹത്യ ചെയ്യാന്‍ ചാടിയ കുട്ടിയെ രക്ഷിക്കാന്‍ വേണ്ടി ജോണ്‍സനും പിറകെ കടലിലേക്ക് ഓടിയിറങ്ങുകയായിരുന്നു. കുട്ടിയെ കരയിലെത്തിച്ച ശേഷം ജോണ്‍സനെ കാണാതാകുകയായിരുന്നു. ശംഖ്മുഖത്താണ് സംഭവം നടന്നത്. ചെറിയതുറ സ്വദേശിയാണ് ജോണസന്‍ ഗബ്രിയേൽ ..

കുട്ടിയെ കരയിലേക്ക് എത്തിച്ച ശേഷം ജോണ്‍സന്‍ വലിയൊരു തിരയില്‍ പെടുകയായിരുന്നു. വലിയ തിരമാലയായതിനാല്‍ കനത്ത ആഘാതം ഏല്‍ക്കാന്‍ സാധ്യതയുള്ളതിനാല്‍ അബോധാവസ്ഥയിലാകാൻ
സാധ്യതയുണ്ടെന്നും ഉടന്‍ തന്നെ രക്ഷാപ്രവര്‍ത്തനത്തിനുള്ള സജീകരണങ്ങള്‍ ചെയ്യണമെന്നും നാട്ടുകാര്‍ ആവശ്യപ്പെട്ടു.

ശംഖുമുഖത്ത് ശക്തമായ കടല്‍ക്ഷോഭം ഉണ്ടായിരുന്നു. ഇതേ തുടര്‍ന്ന് സന്ദര്‍ശകര്‍ക്ക് നിയന്ത്രണം ഏര്‍പ്പെടുത്തിയിരിക്കുകയായിരുന്നു. ജൂണ്‍ 20 മുതലാണ് ശംഖുമുഖത്ത് ഒരാഴിച്ചത്തേക്ക് ജില്ലാ ഭരണകൂടം വിലക്കേര്‍പ്പെടുത്തിയത്. ബീച്ചിലേക്ക് പ്രവേശിക്കുന്ന ഭാഗങ്ങളിലെ അപകടാവസ്ഥയിലുള്ളതും തകര്‍ന്നതുമായ കല്‍ക്കെട്ടുകളുടെ ഭാഗങ്ങളില്‍ പ്രത്യേകം സുരക്ഷാ വേലി നിര്‍മ്മിച്ചിരുന്നു.സംഭവസ്ഥലത്ത് ജോണ്‍സന്റെ ബന്ധുക്കളടക്കം എത്തി പ്രതിഷേധിക്കുകയാണ്.