കാട്ടാക്കട ക്രിസ്ത്യന് കോളജ് കായികാധ്യാപിക ട്രെയിന് തട്ടി മരിച്ച സംഭവം ആത്മഹത്യയെന്ന് പൊലീസ്
ഇക്കഴിഞ്ഞ ദിവസം ട്രെയിന് തട്ടി കാട്ടാക്കട ക്രിസ്ത്യന് കോളജ് കായികാധ്യാപിക ആശാ എല്.സ്റ്റീഫന് മരിച്ച സംഭവം ആത്മഹത്യയെന്ന് പൊലീസ്. ആശ ഒരു വര്ഷത്തിലേറെയായി മാനസികമായി തകര്ന്ന നിലയിലായിരുന്നുവെന്ന് ബന്ധുക്കളും അറിയിച്ചു.
ആശയുടെ ബാഗില് നിന്നു കണ്ടെടുത്ത കത്തില് രണ്ടു പേരുകള് വെളിപ്പെടുത്തിയിട്ടുണ്ട്. 'രണ്ട് അധ്യാപകര് മാനസികമായി പീഡിപ്പിക്കുന്നുവെന്നും അതിനാല് ഞാന് പോകുന്നുവെന്നും' എഴുതിയിരുന്നതായി പൊലീസ് സിഐ:ജെ.പ്രദീപ് പറഞ്ഞു.
കോളജില് കഴിഞ്ഞ ദിവസം സ്പോര്ട്സ് ക്വാട്ടയിലെ കുട്ടികള്ക്ക് പ്രവേശനം നല്കവെ കായികാധ്യാപിക എന്ന നിലക്ക് ആശയുടെ നിര്ദേശം അംഗീകരിച്ചില്ലെന്ന് ബന്ധുവിനോട് പറഞ്ഞതായും സൂചനയുണ്ട്. ഉച്ചയോടെ കോളജില് നിന്ന് ഇറങ്ങി നെയ്യാറ്റിന്കരയിലേക്കും തുടര്ന്ന് ഇരുമ്പില് ഭാഗത്തേക്കും പോയ സാഹചര്യം പൊലീസ് അന്വേഷിക്കുന്നുണ്ട്.
കായിക താരങ്ങളുടെ യൂണിഫോം വാങ്ങിയ ബില് തുക ലഭിക്കാത്തതിന്റെയും മുമ്പുണ്ടായിരുന്ന എന്സിസി ചുമതലക്കാര് വരുത്തിയ ചില ബാദ്ധ്യതകള് തന്റെ പേരിലേക്ക് മാറുന്നതിന്റെയും പിരിമുറുക്കത്തിലായിരുന്നു കോളജിലെ ഫിസിക്കല് എഡ്യൂക്കേഷന് ഡിപ്പാര്ട്ട്മെന്റ് ഹെഡും എന്സിസി ചുമതലക്കാരിയുമായിരുന്ന ആശയെന്ന് ബന്ധുക്കളും സഹപ്രവര്ത്തകരും പറഞ്ഞു.
ആശ സ്റ്റീഫന് വിദ്യാര്ഥികളും സഹപ്രവര്ത്തകരും അന്ത്യാഞ്ജലി അര്പ്പിച്ചു. 1 മണിയോടെ കോളെജ് ഓഡിറ്റോറിയത്തിലെത്തിച്ച മൃതദേഹത്തില് ഐ.ബി. സതീഷ് എംഎല്എ ആദരാഞ്ജലി അര്പ്പിച്ചു. ചാങ്ങയിലെ ഭര്തൃഗൃഹത്തില് .സംസ്കാര ചടങ്ങുകള്ക്ക് ബിഷപ്പ് .എ.ധര്മ്മരാജ് റസ്സാലം നേതൃത്വം നല്കി.മഹായിടവക സെക്രട്ടറി ഡോ.പി.കെ.റോസ് ബിസ്റ്റ് പങ്കെടുത്തു.
https://www.facebook.com/Malayalivartha
