ഇന്ത്യ പാക് സമാധാന പ്രസ്ഥാനത്തിന്റെ നേതാവും പാക്കിസ്ഥാനിലെ രാഷ്ട്രീയ പ്രവര്ത്തകനുമായ തിരൂര് വൈലത്തൂര് ചെലവില് സ്വദേശി ബി.എം. കുട്ടി അന്തരിച്ചു
ഇന്ത്യ പാക് സമാധാന പ്രസ്ഥാനത്തിന്റെ നേതാവും പാക്കിസ്ഥാനിലെ രാഷ്ട്രീയ പ്രവര്ത്തകനുമായ തിരൂര് വൈലത്തൂര് ചെലവില് സ്വദേശി ബി.എം. കുട്ടി (89) അന്തരിച്ചു. ഇന്നു പുലര്ച്ചെ കറാച്ചിയിലായിരുന്നു അന്ത്യം. 1930 ല് തിരൂരില് ജനിച്ച ബി.എം. കുട്ടി ആറ് പതിറ്റാണ്ടിലധികമായി പാക്കിസ്ഥാനിലെ വിവിധ രാഷ്ട്രീയ സംഭവവികാസങ്ങളുടെ ഭാഗമായിരുന്നു. ഇടതുപക്ഷ ആഭിമുഖ്യമുള്ള പാക്കിസ്ഥാനി അവാമി ലീഗ്, നാഷണല് ഡെമോക്രാറ്റിക് പാര്ട്ടി, പാക്കിസ്ഥാന് നാഷണല് പാര്ട്ടി എന്നിവയില് ബി.എം. കുട്ടി പ്രവര്ത്തിച്ചിട്ടുണ്ട്.
പാക്കിസ്ഥാന് ലേബര് പാര്ട്ടിയുടെ സ്ഥാപകരില് ഒരാളുമാണ് അദ്ദേഹം. നാട്ടില് പഠനകാലത്ത് കേരള സ്റ്റുഡന്റ്സ് ഫെഡറേഷന് പ്രവര്ത്തകനുമായിരുന്നു. തിരൂരിലും ചെന്നൈയിലും ആദ്യകാല കമ്മ്യൂണിസ്റ്റ് നേതാക്കളുമായി അടുപ്പം പുലര്ത്തി. ജി.ബി. ബിസഞ്ചോ ബലൂചിസ്ഥാന് ഗവര്ണറായിരുന്നപ്പോള് അദ്ദേഹത്തിന്റെ രാഷ്ട്രീയ ഉപദേഷ്ടാവായിരുന്നു കുട്ടി. നിലവില് പാക്കിസ്ഥാന് പീസ് കൊയലിഷന്(പിപിഎല്) സെക്രട്ടറി ജനറലും പാക്കിസ്ഥാന് ലേബര് എഡ്യുക്കേഷന് ആന്ഡ് റിസര്ച്ച് ഡയറക്ടറുമായിരുന്നു അദ്ദേഹം.
"
https://www.facebook.com/Malayalivartha
