വിദ്യാര്ഥിനിയെ പീഡിപ്പിച്ചു ഗര്ഭിണിയാക്കിയ സംഭവത്തില് ഒളിവില് പോയ അധ്യാപകന് കീഴടങ്ങി
മലപ്പുറത്തെ പള്ളിക്കലില് വിദ്യാര്ഥിനിയെ പീഡിപ്പിച്ച് ഗര്ഭിണിയാക്കിയ സംഭവത്തില് ഒളിവില് പോയ മദ്രസ അധ്യാപകന് കീഴടങ്ങി. ഒളിവിലായിരുന്ന അധ്യാപകന് പി ടി അബ്ദുല് മസൂദ് ആണ് ഉച്ചയോടെ മഞ്ചേരി ജില്ലാ സെഷന്സ് കോടതിയില് കീഴടങ്ങിയത്. ഇയാളെ 14 ദിവസത്തേക്ക് കോടതി റിമാന്ഡ് ചെയ്തു. ഇയാളെ സ്കൂള് മാനേജ്മെന്റ് അന്വേഷണ വിധേയമായി സസ്പെന്ഡ് ചെയ്തിരുന്നു.
രണ്ട് മാസം മുമ്ബാണ് പള്ളിക്കലില് ഏഴാം ക്ലാസ് വിദ്യാര്ഥിനി പീഡിപ്പിക്കപ്പെടുന്നത്. ജൂണ് അവസാനം പെണ്കുട്ടിയുടെ വീടിനുസമീപത്തെ ആളൊഴിഞ്ഞ പറമ്ബില്വെച്ചാണ് ഇയാള് പെണ്കുട്ടിയെ പീഡിപ്പിച്ചതെന്നാണ് റിപ്പോര്ട്ടുകള്. വയറുവേദന അനുഭവപ്പെട്ടതിനെ തുടര്ന്നാണ് രക്ഷിതാക്കള്ക്കൊപ്പം പെണ്കുട്ടി ആശുപത്രിയിലെത്തിയത്.
ആശുപത്രിയില് നടത്തിയ പരിശോധനയിലാണ് കുട്ടി ഗര്ഭിണിയാണെന്ന് അറിയുന്നത്. ആശുപത്രി അധികൃതര് വിവരമറിയിച്ചതിന്റെ അടിസ്ഥാനത്തിലാണ് പോലീസ് ആശുപത്രിയില് എത്തിയത്. തുടര്ന്ന് അറബിക് അധ്യാപകനായ മസൂദിനെതിരെ രക്ഷിതാക്കളുടെ പരാതിയുടെ അടിസ്ഥാനത്തില് തേഞ്ഞിപ്പാലം പൊലീസ് പോക്സോ നിയമപ്രകാരം കേസെടുത്തിരുന്നു.
https://www.facebook.com/Malayalivartha
