മോഹനന് വൈദ്യര്ക്ക് എതിരെ കേസ് എടുക്കണമെന്ന് ആവശ്യപ്പെട്ട് ആരോഗ്യമന്ത്രി
മോഹനന് വൈദ്യര്ക്ക് എതിരെ കേസ് എടുക്കണമെന്ന് ആരോഗ്യമന്ത്രി കെ കെ ശൈലജ. മോഹനന് വൈദ്യരുടെ ചികിത്സയില് ഒന്നര വയസുള്ള കുട്ടി മരിച്ചെന്ന ആരോപണത്തെ തുടര്ന്ന് പോലീസ് അന്വേഷണം നടത്തി കര്ശന നടപടിയെടുക്കണമെന്നും മന്ത്രി ഫേയ്സ് ബുക്കില് കുറിച്ചു.
ആരോഗ്യമന്ത്രിയുടെ ഫേയ്സ് ബുക്ക് പോസ്റ്റിന്റെ പൂര്ണ്ണരൂപം
മോഹനന് വൈദ്യര് എന്നറിയപ്പെടുന്ന വ്യക്തിയുടെ ചികിത്സാ പിഴവിനെ തുടര്ന്ന് ഒന്നര വയസുള്ള കുട്ടി മരണമടഞ്ഞെന്ന ആരോപണത്തെപ്പറ്റി പോലീസ് അന്വേഷണം നടത്താന് മുഖ്യമന്ത്രിക്ക് കത്ത് നല്കി. ഈ സംഭവം സോഷ്യല് മീഡിയ ഉള്പ്പെടെയുള്ള മാധ്യമങ്ങളില് വ്യാപകമായി പ്രചരിച്ചിരുന്നു. സാമൂഹ്യ രാഷ്ട്രീയ രംഗത്തുള്ളവരും ഡോക്ടര്മാരുടേയും വിദ്യാര്ത്ഥികളുടേയും സംഘടനകളും ഇദ്ദേഹത്തിനെതിരെ നടപടിയെടുക്കാന് രംഗത്തെത്തിയിരുന്നു. പോലീസ് അന്വേഷണം നടത്തി കര്ശന നടപടിയെടുക്കാന് കത്തില് ആവശ്യപ്പെട്ടിട്ടുണ്ട്.
https://www.facebook.com/Malayalivartha
