' എന്റെ കൈയിലും തോക്കുണ്ട്, നിന്നെ ഞാന് വെടിവച്ച് കൊല്ലും; സി.ഐയെ വെടിവച്ച് കൊല്ലുമെന്ന് ഭീഷണിപ്പെടുത്തിയ കുപ്രസിദ്ധ ഗുണ്ടയ്ക്കെതിരെ കേസ്
കുപ്രസിദ്ധ ക്രിമിനല് മുണ്ടയ്ക്കല് പെരുമ്പള്ളി തൊടിയില് മംഗല് പാണ്ഡെ എന്ന് വിളിക്കുന്ന എബിന് പെരേരയ്ക്കെതിരെ പോലീസ് കേസ്. സി.ഐയെ വെടിവച്ച് കൊല്ലുമെന്ന് ഭീഷണിപ്പെടുത്തിയതിനാണ് കേസെടുത്തത്. ഇരവിപുരം സി.ഐ അജിത്തിനെയാണ് കഴിഞ്ഞ ദിവസം ഔദ്യോഗിക ഫോണില് വിളിച്ച് ഭീഷണിപ്പെടുത്തിയത്. ഇതോടെ ഇരവിപുരം പൊലീസ് സ്റ്റേഷനില് മാത്രം മൂന്ന് കേസുകളില് എബിന് പ്രതിയായി. കൊല്ലം വെസ്റ്റ് പൊലീസ് സ്റ്റേഷന് പരിധിയിലെ ബീയര് പാര്ലറില് മുന് മിസ്റ്റര് കൊല്ലത്തെ കുത്തി കൊലപ്പെടുത്താന് ശ്രമിച്ചതിന് വധശ്രമകേസിലും എബിന് പ്രതിയാണ്.
' എന്റെ കൈയിലും തോക്കുണ്ട്, നിന്നെ ഞാന് വെടിവച്ച് കൊല്ലും. ഞാന് വെടിവച്ചാല് പ്രശ്നമൊന്നുമില്ല, നീ വെടിവച്ചാല് മനുഷ്യാവകാശ ലംഘനമാകും' എന്നായിരുന്നു ഭീഷണി. എബിന് പെരേരയ്ക്കെതിരെ കഴിഞ്ഞ ദിവസം ഇരവിപുരം പൊലീസ് ലുക്ക് ഔട്ട് നോട്ടീസ് പുറപ്പെടുവിച്ചിരുന്നു. ഈ വിരോധത്തിലാണ് ശനിയാഴ്ച രാത്രി ഫോണില് വിളിച്ച് ഭീഷണിപ്പെടുത്തിയത്. സെപ്തംബര് 12 ന് എബിന്റെ നേതൃത്വത്തിലുള്ള സംഘം മാടന്നടയില് സി.പി.എം പ്രവര്ത്തകനും മുന് അബ്കാരിയുമായ രംഗനാഥിന്റെ വീടിന് മുന്നില് ഉച്ചഭാഷിണിയിലൂടെ അസഭ്യവര്ഷം നടത്തിയിരുന്നു. തൊട്ടടുത്ത ദിവസം രാത്രി പള്ളിമുക്കില് വച്ച് വാളത്തുംഗല് സ്വദേശി ഫിറോസിനെ തടഞ്ഞുനിറുത്തി മര്ദ്ദിച്ച ശേഷം 2,500 രൂപ അടങ്ങിയ പഴ്സ് തട്ടിയെടുത്തു. ഈ കേസുകളില് തെരച്ചില് നടത്തിയെങ്കിലും കണ്ടെത്താന് കഴിയാത്ത സാഹചര്യത്തിലായിരുന്നു ലുക്ക് ഔട്ട് നോട്ടീസ് പുറപ്പെടുവിച്ചത്.
സെപ്തംബര് 12 നാണ് ബീയര് പാര്ലറില് വച്ച് യുവാവിനെ കുത്തിയത്. സി. ഐ യെ ഭീഷണിപ്പെടുത്തിയതൊഴികെയുള്ള മൂന്ന് കേസുകളിലും വടക്കേവിള മണക്കാട് ക്രസന്റ് നഗര് 19ല് (ചിറയഴികത്ത് വീട്) നിയാസിനെതിരെയും കേസടുത്തിരുന്നു. നിയാസിന്റെ പേരിലും പൊലീസ് തെരച്ചില് നോട്ടീസ് പ്രസിദ്ധീകരിച്ചിരുന്നു. നിരവധി കേസുകളില് പ്രതിയായ മംഗല് പാണ്ഡയെ കാപ്പ ചുമത്തി നേരെത്തെ ഒരു വര്ഷത്തേക്ക് നാട് കടത്തിയെങ്കിലും കേസുകളുടെ കാലയളവിലെ പഴുത് ചൂണ്ടിക്കാട്ടി കാപ്പ കേസുകളില് അപ്പീല് പരിഗണിക്കുന്ന െ്രെടബ്യൂണലില് നിന്ന് എബിന് പെരേര അനുകൂല വിധി സമ്പാദിച്ചിരുന്നു. പുതിയ കേസുകളുടെ പശ്ചാത്തലത്തില് കാപ്പ ചുമത്താനുള്ള നടപടികള് കൊല്ലം സിറ്റി പൊലീസ് ആരംഭിച്ചു.
https://www.facebook.com/Malayalivartha