വിശ്വാസത്തെ മറികടന്നതിന് ക്രൂരമായ ചോദ്യങ്ങള്‍ വേട്ടയാടുകയാണ് ഒരു മകളെ. വിവാഹത്തിന് വിധവയായ അമ്മ താലി എടുത്ത് നല്‍കിയതാണ് പ്രശ്നങ്ങൾക്ക് വഴിവച്ചത്. കുത്തി നോവിച്ചുകൊണ്ടുള്ള ചോദ്യങ്ങള്‍ക്ക് തക്കതായ മറുപടി നല്‍കി താരമാവുകയാണ് ഈ മകള്‍. സാധാരണ ആണ്‍മക്കളുടെ അച്ഛനാണ് താലിയെടുത്ത് നല്‍കുന്നത്. ഈ രീതിയിലാണ് മാറ്റം വന്നത്. സുനില്‍, ഷീബ ദമ്പതികളുടെ മകളുടെ വിവാഹത്തിനായിരുന്നു ചരിത്രം തിരുത്തിയുള്ള നിമിഷങ്ങള്‍ ഉണ്ടായത്.

ഫേസ്ബുക്ക് പോസ്റ്റിന്റെ പൂര്‍ണ്ണ രൂപം ഇങ്ങനെ...

അമ്മ വിധവ അല്ലേ…? എങ്ങനെ കല്യാണം ചടങ്ങിന് അമ്മയെ പങ്കെടുപ്പിക്കും.. വിധവകള്‍ മംഗള കര്‍മങ്ങളില്‍ അശ്രീകരം ആണത്രേ….. അച്ഛന്റെ സ്ഥാനത്തു കുടുംബത്തിലെ മറ്റാരെങ്കിലും നിന്നാല്‍ മതിയല്ലോ….. ഞങ്ങളുടെ വിവാഹത്തില്‍ പ്രധാനപെട്ട ഒരു പ്രശ്‌നം (ഞങ്ങളുടെ അല്ല ) ഇതായിരുന്നു….. അച്ഛന്റെ മരണ ശേഷം ഒരു കുറവും അമ്മ വരുത്തിയിട്ടില്ല…. എപ്പോഴും ഞങ്ങള്‍ക്കിടയില്‍ ഞങ്ങള്‍ക്ക് വേണ്ടി മാത്രം ജീവിക്കുന്ന അമ്മ… രണ്ടു അമ്മമാരും ഇങ്ങനെ തന്നെ…

ഈ അമ്മമാര്‍ താലി എടുത്തു തരുമ്പോഴും കൈപിടിച്ച്‌ കൊടുക്കുമ്പോഴും കിട്ടുന്ന അനുഗ്രഹവും പ്രാര്‍ത്ഥനയും മറ്റൊന്നില്‍ നിന്നും ഞങ്ങള്‍ക്ക് കിട്ടാനില്ല….അതുകൊണ്ട് അച്ഛന്റയും ദൈവത്തിന്റെയും പൂജാരിയുടെയും ഒക്കെ സ്ഥാനം ഞങ്ങള്‍ അമ്മമാരേ ഏല്പിച്ചു……. അവര് നടത്തിയ കല്യാണം ഭംഗിയായി നടന്നു……ഇന്ന് വിവാഹം കഴിഞ്ഞു കൃത്യം ഒരു മാസം..

വിധവകള്‍ അശ്രീകരം അല്ല…. ഒരു ഭര്‍തൃമതിയെക്കാള്‍ ഐശ്വര്യം തികഞ്ഞവര്‍ ആണ്… ഭര്‍ത്താവിന്റെയോ കുടുംബത്തിന്റെയോ പോലും തണല്‍ ഇല്ലാതെ കുഞ്ഞുങ്ങളെ വളര്‍ത്തി…. കുടുംബം നോക്കി സമൂഹത്തിന്റെ ഒറ്റപെടുത്തലില്‍ ജീവിക്കുന്നവര്‍………ഇവരെ ആണ് ചേര്‍ത്തു നിര്‍ത്തേണ്ടത്……