സിസിടിവിയില്‍ കുടുങ്ങിയ ബൈക്ക് മോഷണം
കോഴിക്കോടുള്ള റോയല്‍ എന്‍ഫീല്‍ഡിന്റെ ഷോറൂമില്‍ വന്‍ മോഷണം.
ഫ്രാന്‍സിസ് റോഡില്‍ ഗ്രാന്‍ഡ് ഓഡിറ്റോറിയത്തിന്റെ എതിര്‍വശം പ്രവര്‍ത്തിക്കുന്ന ബ്‌ളൂമൗണ്ടന്‍ ഓട്ടോസിന്റെ ഷോറൂമിലാണ് പുലര്‍ച്ചെ മൂന്നരയോടെ മോഷണം നടന്നത്.
പുത്തന്‍ ബുള്ളറ്റും 1.60 ലക്ഷം രൂപയുമാണ് മോഷ്ടിക്കപ്പെട്ടത്. വാതില്‍ക്കലെ സിസിടിവി ക്യാമറ മറയ്ക്കാന്‍ മോഷ്ടാവ് ശ്രമിച്ചിരുന്നെങ്കിലും കടയ്ക്കുള്ളിലും പുറത്തുമുള്ള ക്യമറകളില്‍ കൃത്യമായി കുടങ്ങി.
മേശയ്ക്കുള്ളില്‍ നിന്നു പണം മോഷ്ടിച്ച് ബാഗിലാക്കുന്നതിന്റെയും ബുള്ളറ്റുമായി ഗേറ്റ് കടന്നു പോകുന്നതിന്റെയും ദൃശ്യങ്ങള്‍ പൊലീസിനു ലഭിച്ചു.
ടൗണ്‍ പൊലീസില്‍ പരാതി നല്‍കിയിട്ടുണ്ട്. ഡോഗ് സ്‌ക്വാഡ് ഉള്‍പ്പെടെ എത്തി. മണം പിടിച്ച നായ ഒന്നര കിലോമീറ്റര്‍ അകലെ ജംക്ഷനില്‍ എത്തി മടങ്ങി.
അവിടെ ബൈക്ക് വളഞ്ഞു പോയതിന്റെ ടയര്‍ പാടുകള്‍ ഉണ്ടായിരുന്നു. ക്‌ളാസിക് 350 എക്‌സ് ബുള്ളറ്റാണ് മോഷ്ടിച്ചത്.
https://www.facebook.com/Malayalivartha
