മുന്‍കൂട്ടി സ്ഥാനാര്‍ഥികളെ നിശ്ചയിക്കാന്‍ സാധിച്ചതും ചിട്ടയായ പ്രവര്‍ത്തനങ്ങളുമാണ് ഇടത് മുന്നേറ്റത്തിനു കാരണമെന്ന് യുഡിഎഫ് സ്ഥാനാര്‍ഥി കെ. മോഹന്‍ കുമാര്‍. വട്ടിയൂര്‍ക്കാവില്‍ വോട്ടെണ്ണല്‍ പൂര്‍ത്തിയാകുന്നതിനു മുമ്പെ മണ്ഡലം കൈവിട്ട് യുഡിഎഫ്. ജൂണ്‍ ആദ്യവാരം മുതല്‍ തന്നെ ഇടത് പക്ഷം മണ്ഡലം തിരിച്ചുപിടിക്കാനുള്ള പ്രവര്‍ത്തനങ്ങള്‍ ആരംഭിച്ചിരുന്നു. ഇതിന്റെ അടിസ്ഥാനത്തിലായിരുന്നു വെള്ളപ്പൊക്കകാലത്ത് മേയറുടെ നേതൃത്വത്തില്‍ ദുരിതാശ്വാസ പ്രവര്‍ത്തനങ്ങള്‍ നടത്തിയതും ഇതിനെ ഉയര്‍ത്തികാട്ടിയതും.
യുഡിഎഫിന് സ്ഥാനാര്‍ഥി നിര്‍ണയത്തിലും പ്രവര്‍ത്തനങ്ങളിലും ഇടതിനൊപ്പം എത്താനായില്ലെന്നും മോഹന്‍ കുമാര്‍ പറഞ്ഞു.