വാ​ള​യാ​റി​ല്‍ സ​ഹോ​ദ​ര​ങ്ങ​ങ്ങളായ പെൺകുട്ടികൾ ദു​രൂ​ഹ സാ​ഹ​ച​ര്യ​ത്തി​ല്‍ മ​ര​ണ​പ്പെ​ട്ട സം​ഭ​വ​ത്തി​ല്‍ സി​ബി​ഐ അ​ന്വേ​ഷ​ണം വേ​ണ​മെ​ന്ന ആ​വ​ശ്യം ഇ​പ്പോ​ള്‍ പ​രി​ഗ​ണി​ക്കാ​നാ​വി​ല്ലെ​ന്ന് ഹൈ​ക്കോ​ട​തി. വി​ധി​ക്കെ​തി​രെ അ​പ്പീ​ല്‍ ന​ല്‍​കാ​ന്‍ നി​ല​വി​ല്‍ സാ​ഹ​ച​ര്യ​മു​ണ്ട്. പോ​ക്‌​സോ കോ​ട​തി​യു​ടെ വി​ധി റ​ദ്ദാ​ക്കി​യാ​ലെ കേ​സ് ഏ​റ്റെ​ടു​ക്കാ​നാ​കൂ​വെ​ന്നും ഹൈ​ക്കോ​ട​തി വ്യ​ക്ത​മാ​ക്കി.

പാ​ല​ക്കാ​ട് പോ​ക്‌​സോ കോ​ട​തി​യു​ടെ ഒ​രു വി​ധി കേ​സി​ലു​ണ്ടാ​യി​ട്ടു​ണ്ടെ​ന്നും ഈ ​വി​ധി റ​ദ്ദാ​ക്കി​യാ​ലെ ഒ​രു പു​നഃ​ര​ന്വേ​ഷ​ണ​ത്തി​ന് സാ​ധി​ക്കു​വെ​ന്നും സി​ബി​ഐ അ​ഭി​ഭാ​ഷ​ക​ന്‍ കോ​ട​തി​യെ അ​റി​യി​ച്ചു. ഇ​തി​നു പി​ന്നാ​ലെ​യാ​ണ് സി​ബി​ഐ അ​ന്വേ​ഷ​ണം ഇ​പ്പോ​ള്‍ പ​രി​ഗ​ണി​ക്കാ​നാ​കി​ല്ലെ​ന്ന് കോ​ട​തി പ​റ​ഞ്ഞ​ത്. കേ​സി​ല്‍ സ​ര്‍​ക്കാ​രി​ന് വേ​ണ​മെ​ങ്കി​ല്‍ അ​പ്പീ​ലി​ന് പോ​കാ​മ​ല്ലോ​യെ​ന്നു കോ​ട​തി അ​റി​യി​ച്ച​പ്പോ​ള്‍ അ​പ്പീ​ലി​ന് പോ​കു​മെ​ന്നും അ​തി​നു​ള്ള ന​ട​പ​ടി​ക്ര​മ​ങ്ങ​ള്‍ ആ​രം​ഭി​ച്ചി​ട്ടു​ണ്ടെ​ന്നും സ​ര്‍​ക്കാ​ര്‍ അ​റി​യി​ച്ചു.

കേസില്‍ സര്‍ക്കാര്‍ എന്തുകൊണ്ട് അപ്പീല്‍ നല്‍കുന്നില്ലെന്ന് കോടതി ആരാഞ്ഞു. അപ്പീല്‍ ഉടന്‍ നല്‍കുമെന്ന് സര്‍ക്കാരും വ്യക്തമാക്കി. കേസ് ഉച്ചയ്ക്ക് ശേഷം വീണ്ടും പരിഗണിക്കും. നേരത്തെ കേസ് പരിഗണിക്കുമ്ബോള്‍, വാളയാര്‍ കേസില്‍ പ്രതികളെ വെറുതെവിട്ട കോടതി ഉത്തരവ് നിലനില്‍ക്കുന്ന സാഹചര്യത്തില്‍ സി.ബി.ഐ അന്വേഷണം സാധ്യമല്ലെന്ന് സി.ബി.ഐ അഭിഭാഷകനും അറിയിച്ചു. മലയാളം വേദി പ്രവര്‍ത്തകന്‍ ജോര്‍ജ് വട്ടുകുളമാണ് സിബി.ഐ അന്വേഷണം ആവശ്യപ്പെട്ട് ഹൈക്കോടതിയെ സമീപിച്ചത്. കേസുമായി ഹര്‍ജിക്കാരന് എന്ത് ബന്ധമാണുള്ളതെന്ന് ഹൈക്കോടതി ആരാഞ്ഞു. പത്രവാര്‍ത്തകളുടെ അടിസ്ഥാനത്തിലാണോ അതോ ഊഹാപോഹത്തിന്റെ അടിസ്ഥാനത്തിലാണോ ഹര്‍ജി. ഹര്‍ജിക്കാരന്റെ പക്കല്‍ എന്തെങ്കിലും തെളിവുണ്ടോ എന്നും കോടതി ആരാഞ്ഞു. പത്രവാര്‍ത്തകളുടെ അടിസ്ഥാനത്തിലാണെങ്കില്‍ സി.ബി.ഐ അന്വേഷണം എങ്ങനെ ആവശ്യപ്പെടാന്‍ കഴിയുമെന്നും കോടതി ചോദിച്ചു. ഉച്ചയ്ക്കു ശേഷം ഹര്‍ജി പരിഗണിക്കുമ്ബോള്‍ വിധി ഉണ്ടാകുമെന്നാണ് സൂചന.