ഭക്തരുടെ വോട്ട് ബാങ്കിന്റെ ശക്തിയില് മുട്ടിടിച്ച് സി.പി.എം യുവതീപ്രവേശനത്തില് നിന്ന് പിന്മാറി. കോടതിവിധിയില് അവ്യക്തതയുള്ളതിനാല് യുവതികളെ പ്രവേശിപ്പിക്കേണ്ടെന്ന് സി.പി.എം
ഭക്തരുടെ വോട്ട് ബാങ്കിന്റെ ശക്തിയില് മുട്ടിടിച്ച് സി.പി.എം യുവതീപ്രവേശനത്തില് നിന്ന് പിന്മാറി. കോടതിവിധിയില് അവ്യക്തതയുള്ളതിനാല് യുവതികളെ പ്രവേശിപ്പിക്കേണ്ടെന്ന് സി.പി.എം സംസ്ഥാന സെക്രട്ടറിയേറ്റ് തീരുമാനിച്ചു. ഭരണഘടനാ ബെഞ്ചില് തന്നെ അഭിപ്രായവ്യത്യാസവും വിധിയില് അവ്യക്തതയും നിലനില്ക്കുന്നതിനാലാണ് ഇത്തരമൊരു തീരുമാനമെന്നും ലിംഗനീതിയുടെ കാര്യത്തില് പാര്ട്ടി നിലപാടില് മാറ്റമില്ലെന്നും ശബരിമല ദര്ശനം ആഗ്രഹിക്കുന്ന യുവതികള് സുപ്രീംകോടതിയില് നിന്ന് വ്യക്തത വാങ്ങി വരട്ടെയെന്നും നിയമമന്ത്രി എ.കെ ബാലന് മാധ്യമങ്ങളോട് പ്രതികരിച്ചു. യാതൊരു പ്രശ്നവും ശബരിമലയില് ഇപ്പോഴില്ലെന്നും ആരെങ്കിലും മാന്തി പുണ്ണാക്കാന് ശ്രമിച്ചാല് സര്ക്കാര് അനുവദിക്കില്ലെന്നും മന്ത്രി വ്യക്തമാക്കി.
വിധിയില് വ്യക്തത വേണമെന്നും സി.പി.എം സെക്രട്ടറിയേറ്റ് അഭിപ്രായപ്പെട്ടു. വിധിയില് വ്യക്തത ആവശ്യപ്പെട്ട് കോടതിയെ സമീപിക്കാന് സര്ക്കാര് തയ്യാറല്ലെന്നാണ് സെക്രട്ടറിയേറ്റ് നിലപാട് വ്യക്തമാക്കുന്നത്. സര്ക്കാരിന് ലഭിച്ച നിയമോപദേശം യുവതികളെ പ്രവേശിപ്പിക്കേണ്ടെന്നാണ്. അതിന് ശേഷം വധി പുറപ്പെടുവിച്ച ജസ്റ്റിസ് നരിമാന് വിധി നടപ്പാക്കണമെന്ന് സോളിസിറ്റര് ജനറല് തുഷാര്മേത്തയോട് നിര്ദ്ദേശിച്ചു. വിധി വായിച്ച് നോക്കണമെന്നും പറഞ്ഞു. അതിന് ശേഷവും സര്ക്കാര് നിലപാട് മാറ്റിയോ എന്നതില് ഇതുവരെ വ്യക്തത വരുത്തിയിട്ടില്ല. സി.പി.എം സെക്രട്ടറിയേറ്റ് തീരുമാനം ലോക്സഭാ തെരഞ്ഞെടുപ്പിലെ കനത്തപരാജയവും വട്ടിയൂര്ക്കാവിലെയും പാലായിലേയും വിജയം മുന്നിര്ത്തിയാണ്. വിശ്വാസികളെ പിണക്കേണ്ടെന്നും അത് വഴി ബിജെപിക്കും കോണ്ഗ്രസിനും രാഷ്ട്രീയമുതലെടുപ്പിനുള്ള അവസരം നല്കേണ്ടെന്നുമാണ് തീരുമാനം.
തദ്ദേശസ്വയംഭരണ തെരഞ്ഞെടുപ്പ് അടുത്തതിനാല് മണ്ഡലകാലം കലുഷിതമാക്കിയാല് പാര്ട്ടിക്കും മുന്നണിക്കും അത് ക്ഷീണമാകും. പ്രാദേശിക നേതാക്കളും പ്രവര്ത്തകരുമെല്ലാം വിശ്വാസികളാണ്. അവരെ ബുദ്ധിമുട്ടിച്ച് തദ്ദേശതെരഞ്ഞെടുപ്പിലേക്ക് നീങ്ങുക പ്രയാസമാണ്. അത് കൂടി കണക്കിലെടുത്താണ് സെക്രട്ടറിയേറ്റ് ഇത്തരത്തിലൊരു തീരുമാനം എടുത്തത്. യുവതികള്ക്ക് പൊലീസ് സംരക്ഷണം നല്കേണ്ടെന്ന തീരുമാനവും അങ്ങനെയുണ്ടായതാണ്. വിധി നടപ്പാക്കുന്നതിന് സര്ക്കാരും പൊലീസും എല്ലാ സംവിധാനങ്ങളും ഒരുക്കണമെന്ന് സുപ്രീംകോടതി മുമ്പ് നിര്ദ്ദേശിച്ചതാണ്. അക്കാര്യത്തില് നിലവില് വ്യക്തതവേണമെന്നാണ് സി.പി.എം പറയുന്നത്. എന്നാല് വിധി സ്റ്റേ ചെയ്യാത്തിടത്തോളം കാലം വ്യക്തതയുടെ ആവശ്യമില്ലെന്നും സംഘര്ഷം ഉണ്ടാകാതിരിക്കാനാണ് ഇത്തരത്തിലൊരു തീരുമാനം എടുത്തതെന്നും അറിയുന്നു.
സി.പി.എമ്മിനും മുഖ്യമന്ത്രി പിണറായിവിജയനും രാഷ്ട്രീയമായി തിരിച്ചടിയാണ് ഈ തീരുമാനം. എന്ത് വന്നാലും സുപ്രീംകോടതി വിധി നടപ്പാക്കുമെന്ന് കട്ടായം പറഞ്ഞ മുഖ്യമന്ത്രി പിന്നോട്ട് പോകുമ്പോള്, തങ്ങള് പറഞ്ഞത് ശരിയായെന്നും ആക്ടിവിസ്റ്റുകളെ കൊണ്ടുവന്ന് സംഘര്ഷം സൃഷ്ടിക്കാനാണ് സര്ക്കാരും പൊലീസും ശ്രമിച്ചതെന്നും യു.ഡി.എഫിനും ബി.ജെ.പിക്കും ആരോപിക്കാനാകും. അതേസമയം മരട് ഫഌറ്റിലേത് പോലെ ജസ്റ്റിസ് നരിമാന് ചീഫ് സെക്രട്ടറിയോട് വിധി നടപ്പാക്കണമെന്ന് ആവശ്യപ്പെടുകയോ, കോടതിയിലേക്ക് വിളിച്ചുവരുത്തുകയോ ചെയ്താല് സര്ക്കാരും സി.പി.എമ്മും വെട്ടിലാകും.
https://www.facebook.com/Malayalivartha