പത്മകുമാര് പത്വ്യൂഹത്തില്പ്പെട്ടു, കമ്മീഷണറായ വാസുവിന് ദേവസ്വം പ്രസിഡന്റ് പദം പുലിവാലാകുമോ?
തിരുവിതാംകൂര് ദേവസ്വം ബോര്ഡിന്റെ പുതിയ പ്രസിഡന്റായി അഡ്വ.എന്.വാസുവും ബോര്ഡ് അംഗമായി
അഡ്വ.കെ.എസ്.രവിയും സത്യപ്രതിജ്ഞ ചെയ്ത് അധികാരമേറ്റു. മുന് പ്രസിഡന്റ് എ.പത്മകുമാര് യുവതീപ്രവേശനത്തെ തുടര്ന്ന് പത്മവ്യൂഹത്തിലായിരുന്നു. സര്ക്കാര് നിലപാടിനെ എതിര്ക്കുകയും യുവതീപ്രവേശനത്തെ അനുകൂലിക്കാതിരിക്കുകയും ചെയ്തതാണ് പത്മകുമാറിന് വിനയായത്. അതുകൊണ്ട് രണ്ടാം ടേം കിട്ടിയില്ല.
സത്യപ്രതിജ്ഞയ്ക്കായി നന്തന്കോട് ബോര്ഡ് ആസ്ഥാനത്ത് എത്തിയ നിയുക്ത പ്രസിഡന്റ് എന്.വാസുവിനെയും ബോര്ഡ് അംഗം കെ.എസ്.രവിയെയും ബോര്ഡ് ആസ്ഥാനത്ത മുന്ഗേറ്റില് വച്ച് പഞ്ചവാദ്യത്തിന്റെ അകമ്പടിയോടെ ബോര്ഡ് അംഗം അഡ്വ.എന്.വിജയകുമാര്,ദേവസ്വം ബോര്ഡ് സെക്രട്ടറി എസ്സ്.ജയശ്രീ,ദേവസ്വം കമ്മീഷണര് എം.ഹര്ഷന്,ചീഫ് എഞ്ചീനീയര്മാര്,ബോര്ഡിലെ ഉന്നത ഉദ്യോഗസ്ഥര് എന്നിവര് ചേര്ന്ന് സ്വീകരിച്ച് ആനയിക്കുകയായിരുന്നു.ദേവസ്വം ബോര്ഡ് ജീവനക്കാരും മുന് ജീവനക്കാരും പെന്ഷനേ!ഴ്സ് സംഘടനാ നേതാക്കളും സ്വീകരണ ചടങ്ങില് സംബന്ധിച്ചു. ഉച്ചയ്ക്ക് 12.10 ന് തന്നെ സത്യപ്രതിജ്ഞാ ചടങ്ങുകള്ക്ക് സോപാനസംഗീതത്തിന്റെ പ്രാര്ത്ഥനയോടെ തുടക്കമായി.തിരുവിതാംകൂര് ദേവസ്വം ബോര്ഡ് ആസ്ഥാനമായ നന്തന്കോട്ടെ സുമംഗലി ഓഡിറ്റോറിയത്തിലാണ് സത്യപ്രതിജ്ഞ ചടങ്ങുകള് നടന്നത്.
സത്യപ്രതിജ്ഞാ ചടങ്ങുകള് ദേവസ്വം സഹകരണം ടൂറിസം വകുപ്പ് മന്ത്രി കടകംപള്ളി സുരേന്ദ്രന് നിലവിളക്ക് തെളിച്ച് ഉദ്ഘാടനം ചെയ്തു.ദേവസ്വം ബോര്ഡ് അംഗം അഡ്വ.എന്.വിജയകുമാര് ചടങ്ങില് സംബന്ധിച്ച എല്ലാ വിശിഷ്ടാതിഥികള്ക്കും ഉള്പ്പെടെ വേദിയിലും സദസ്സിലും സന്നിഹിതരായിരുന്ന എല്ലാപേര്ക്കും സ്വാഗതം ആശംസിച്ചു.ശേഷം തിരുവിതാംകൂര് ദേവസ്വം ബോര്ഡ് പബ്ലിക് റിലേഷന്സ് ഓഫീസര് പുതിയ പ്രസിഡന്റിന്റെയും അംഗത്തിന്റെയും നിയമനം സംബന്ധിച്ച സര്ക്കാര് വിജ്ഞാപനം മൈക്കിലൂടെ വായിച്ചു.പിന്നേട് ദേവസ്വം ബോര്ഡ് സെക്രട്ടറി എസ്.ജയശ്രീ ആണ് പുതിയ പ്രസിഡന്റിനും അംഗത്തിനും സത്യവാചകം ചൊല്ലിക്കൊടുത്തത്.
സത്യപ്രതിജ്ഞയ്ക്ക് ശേഷം പ്രസിഡന്റ് എന്.വാസുവിനെയും അംഗം കെ.എസ്.രവിയെയും ദേവസ്വം വകുപ്പ് മന്ത്രി ബൊക്ക നല്കി പൊന്നാട അണിയിച്ച് അനുമോദിച്ചു.ദേവസ്വം സെക്രട്ടറി എസ്.ജയശ്രീയും ദേവസ്വം ബോര്ഡ് മുന് പ്രസിഡന്റ് എ.പത്മകുമാറും പുതിയ പ്രസിഡന്റിനെയും അംഗത്തിനെയും പൊന്നാട അണിയിച്ചു.ചടങ്ങില് ദേവസ്വം ബോര്ഡ് മുന് അംഗങ്ങളായ കെ.പി.ശങ്കരദാസ്,കെ.രാഘവന്,കുമാരന്,ഗുരുവായൂര് ദേവസ്വം ബോര്ഡ് ചെയര്മാന് മോഹന്ദാസ്,ദേവസ്വം റിക്രൂട്ട് മെന്റ് ബോര്ഡ് ചെയര്മാന് രാജഗോപാലന് നായര്, പ്രധാനമന്ത്രിയുടെ പ്രിന്സിപ്പല് സെക്രട്ടറിയായിരുന്ന റ്റി.കെ.നായര്,ദേവസ്വം മന്ത്രിയുടെ െ്രെപവറ്റ് സെക്രട്ടറി കല്ലറ മധു,തുടങ്ങി നിരവധി പ്രമുഖരും ചടങ്ങില് പങ്കെടുത്തു. ഔദ്ദ്യോഗിക ചടങ്ങുകള്ക്ക് ശേഷം പുതിയ പ്രസിഡന്റിനും അംഗത്തിനും സംഘടനകളും വ്യക്തികളും സ്വീകരണവും നല്കി. സത്യപ്രതിജ്ഞാ ചടങ്ങുകള്ക്ക് ശേഷം പ്രസിഡന്റും അംഗവും ഓഫീസിലെത്തി അധികാരം ഏറ്റെടുത്തു. തുടര്ന്ന് പ്രസിഡന്റ് എന്.വാസുവിന്റെ അദ്ധ്യക്ഷതയില് ആദ്യബോര്ഡ് യോഗവും ചേര്ന്നു.
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha