ദയാ ദാക്ഷിണ്യം വേണ്ട... സംസ്ഥാനത്തെ മാവോയിസ്റ്റ് ആക്രമണത്തിന് പിന്നാലെ ശക്തമായ നിലപാടുമായി അമിത്ഷാ; കേരളം ഉള്പ്പടെയുള്ള സംസ്ഥാനങ്ങളിലെ കമ്മ്യൂണിസ്റ്റ് ഭീകര പ്രവര്ത്തനങ്ങള് ഒഴിപ്പിക്കണം; ദയാ ദാക്ഷിണ്യം ഇല്ലാതെ കര്ശന നടപടി സ്വീകരിക്കാന് സിആര്പിഎഫിനോട് നിര്ദേശം
കേരളം ഏറെ എതിര്പ്പോടെയും അതിന് ശേഷം സത്യമാണെന്നറിഞ്ഞപ്പോള് അത്ഭുതത്തോടെയുമാണ് കോഴിക്കോട്ടെ വിദ്യാര്ത്ഥികളുടെ മാവോയിസ്റ്റ് ബന്ധം നോക്കിക്കണ്ടത്. അതിന് പിന്നാലെ ശക്തമായ നിലപാടുമായി കേന്ദ്ര ആഭ്യന്തരമന്ത്രി അമിത്ഷാ രംഗത്തെത്തിയിരിക്കുകയാണ്.
ആറുമാസത്തിനുള്ളില് രാജ്യത്ത് നിന്ന് കമ്മ്യൂണിസ്റ്റ് ഭീകര പ്രവര്ത്തനങ്ങള് ഇല്ലാതാക്കണമെന്ന് കര്ശ്ശന നിര്ദ്ദേശവുമായി അമിത്ഷാ നിര്ദേശം നല്കി. കേരളം അടക്കമുള്ള സംസ്ഥാനങ്ങളിലെ നഗരങ്ങള് കേന്ദ്രീകരിച്ചുള്ള കമ്മ്യൂണിസ്റ്റ് ഭീകരവാദം ഒഴിപ്പിക്കണം. ജമ്മു കശ്മീര് താഴ്വരയില് അരങ്ങേറി വരുന്ന ഭീകര പ്രവര്ത്തനങ്ങള് ഇല്ലാതാക്കണമെന്നും അമിത് ഷാ സിആര്പിഎഫിന് കര്ശന നിര്ദ്ദേശം നല്കി.
ദല്ഹി സിആര്പിഎഫ് ആസ്ഥാനത്ത് സേനയുടെ പ്രവര്ത്തനം അവലോകനം ചെയ്യുന്നതിനിടെയാണ് ആഭ്യന്തരമന്ത്രി ഇക്കാര്യം വ്യക്തമാക്കിയത്. ആഭ്യന്തര മന്ത്രാലയത്തിന്റെ ചുമതല ഏറ്റെടുത്ത ശേഷം അമിത് ഷായുടെ ആദ്യ സൈനിക ആസ്ഥാന സന്ദര്ശനമാണിത്. നഗരങ്ങള് കേന്ദ്രീകരിച്ച് പ്രവര്ത്തിക്കുന്നവര്ക്കും അവര്ക്ക് പിന്തുണ നല്കുന്നവര്ക്കുമെതിരെ കര്ശ്ശന നടപടി സ്വീകരിക്കണം. ഇക്കാര്യത്തില് യാതൊരു ദയാ ദാക്ഷിണ്യവും കാട്ടരുതെന്നും നിര്ദ്ദേശമുണ്ട്. ഇതുസംബന്ധിച്ച് പാരാമിലിട്ടറി വിഭാഗത്തിലെ ഉന്നത ഉദ്യോഗസ്ഥരുമായും അദ്ദേഹം ചര്ച്ച നടത്തിക്കഴിഞ്ഞു.
ജമ്മു കശ്മീരിലും മറ്റ് നക്സല് ബാധിത പ്രദേശങ്ങളിലും പാരാമിലിട്ടറിയെ വിന്യസിക്കുന്നതിനെക്കുറിച്ച് സിആര്പിഎഫ് ഡയറക്ടര് ജനറല് ആര്ആര് ഭട്നഗര് ഷായെ അറിയിച്ചു. കേരളത്തിലേതടക്കം രാജ്യത്തെ വിവിധയിടങ്ങളില് നടക്കുന്ന കമ്മ്യൂണിസ്റ്റ് ഭീകര പ്രവര്ത്തനങ്ങളെ കുറിച്ചുള്ള വിവരങ്ങളും സിആര്പിഎഫ് ഉന്നത ഉദ്യോഗസ്ഥരുമായി അമിത് ഷാ ചര്ച്ച ചെയ്തെന്നാണ് സൂചന.
കോഴിക്കോട് പന്തീരാങ്കാവില് യുഎപിഎ ചുമത്തിയ ഡിവൈഎഫ്ഐ പ്രവര്ത്തകരായ അലന് ശുഹൈബിനും താഹയ്ക്കും പ്രഥമ ദൃഷ്ടിയാല് മാവോയിസ്റ്റ് ബന്ധമുണ്ടെന്ന് കോടതി വെളിപ്പെടുത്തിയതോടെ പാര്ട്ടി പ്രതിരോധത്തിലായിരുന്നു. ഇതോടെ പാര്ട്ടിയ്ക്കെതിരെ ബിജെപിയും രംഗത്തെത്തിയിരുന്നു. മാവോയിസ്റ്റ് ബന്ധം ആരോപിച്ച് രണ്ട് സിപിഎം പ്രവര്ത്തകരെ അറസ്റ്റ് ചെയ്ത സംഭവം അതീവ ഗൗരവകരമാണെന്നും ഈ കേസ് അട്ടിമറിക്കാന് പാര്ട്ടിയും പോലീസും ശ്രമിക്കുന്നുവെന്നും അദേഹം പറഞ്ഞു. നിരോധിത സിപിഐ മാവോയിസ്റ്റ് ഭീകരവാദ സംഘടനയുടെ കേഡറുകളാണ് അറസ്റ്റിലായവര്. ഇവര്ക്ക് മറ്റ് ഭീകരവാദ സംഘടനകളുമായി ബന്ധമുണ്ടെന്ന് എഫ്ഐആര് വ്യക്തമാക്കുന്നു. പോലീസ് തെളിവുകളുടെ അടിസ്ഥാനത്തിലാണ് പ്രതികളെ അറസ്റ്റ് ചെയ്തതെന്നും എഫ്ഐആര് വായിക്കാതെയാണ് പ്രതികളെ രക്ഷിക്കാന് പ്രതിപക്ഷ നേതാവ് രമേശ് ചെന്നിത്തല മുറവിളി കൂട്ടുന്നതെന്നും സുരേന്ദ്രന് വ്യക്തമാക്കി.
അതേസമയം ഡിവൈഎഫ്ഐ പ്രവര്ത്തകരുടെ ജാമ്യാപേക്ഷ തള്ളിക്കൊണ്ടുള്ള ഉത്തരവില് മാവോയിസ്റ്റ് ബന്ധത്തിന് സൂചനയും നല്കുന്നു. പോലീസ് ഹാജരാക്കിയ തെളിവുകളില് ഇവര് സിപിഐ മാവോയിസ്റ്റുകളാണെന്ന് സാധൂകരിക്കുന്ന രേഖകളുണ്ടെന്നും കോടതി കണ്ടെത്തിയിരുന്നു. ഇവരില് നിന്ന് പിടിച്ചെടുത്ത പുസ്തകങ്ങളും, നോട്ടീസുകളും, ബാനറുകളും കേന്ദ്രസര്ക്കാര് നിരോധിച്ച സിപിഐ (മാവോയിസ്റ്റ്) കേന്ദ്രകമ്മിറ്റിയുടേതാണ്. ഇതില് നിന്ന് പ്രാഥമിക ഘട്ടത്തില് മനസ്സിലാക്കാന് കഴിയുന്നത് ഇവര്ക്ക് സംഘടനയുമായി ബന്ധമുണ്ടെന്നാണെന്നും കോടതി പറഞ്ഞു. അതിനിടേയാണ് കമ്മ്യൂണിസ്റ്റ് ഭീകര പ്രവര്ത്തനങ്ങള്ക്കെതിരെ നീക്കങ്ങള് ശക്തമാക്കാന് അമിത്ഷായുടെ നിര്ദേശം.
https://www.facebook.com/Malayalivartha
