അന്തംവിട്ട് പോലീസ്... വിവാഹ വാഗ്ദാനം നല്കി പീഡിപ്പിച്ച ശേഷം മുങ്ങിയ കാമുകനെ കണ്ടെത്താന് ഗര്ഭിണിയായ പെണ്കുട്ടിയുടെ അന്വേഷണം തുടരുന്നു; എല്ലാ പിന്തുണയും നല്കി പോലീസ്; കാട്ടാക്കട സ്വദേശിക്ക് തൃശൂരിലും കേസ്
അന്യനാട്ടില് പോയി അടിച്ച് പൊളി ജീവിതം നയിച്ച് പെണ്കുട്ടികളെ വഴിതെറ്റിക്കുന്ന മലയാളികള് കുറവല്ല. അവരുടെ വലയില് വീണ് കാര്യം നടത്തി മുങ്ങുന്നവര് ചിലപ്പോഴെങ്കിലും കുടുങ്ങുകയും ചെയ്യും. പക്ഷെ അവരുടെ കുടുംബ പശ്ചാത്തലം കാണുമ്പോഴാണ് ദരിദ്രാവസ്ഥ മനസിലാക്കുന്നത്. ഇതിന് സമാനമാണ് തിരുവനന്തപുരം കാട്ടാക്കടയില് കഴിഞ്ഞ ദിവസം നടന്ന സംഭവം.
വിവാഹവാഗ്ദാനം നല്കി പീഡിപ്പിച്ച് ഗര്ഭിണിയാക്കി മുങ്ങിയ കാമുകനെ കണ്ടെത്താന് അന്വേഷണവുമായി ബംഗളൂരു സ്വദേശിയായ യുവതിയാണ് രംഗത്തെത്തിയിരിക്കുന്നത്. വീട്ടുകാര് ഉപേക്ഷിച്ച പെണ്കുട്ടി അഭയകേന്ദ്രത്തില് താമസിച്ച് കേരള പോലീസിന്റെ സഹായത്തോടെയാണ് യുവാവിനെ കണ്ടെത്താന് അന്വേഷണം നടത്തുന്നത്. തിരുവനന്തപുരം കുറ്റിച്ചല് സ്വദേശിയായ 25 കാരനായ മുഹമ്മദ് ദിലീപിനെതിരേയാണ് പെണ്കുട്ടി കാട്ടാക്കട പോലീസില് പരാതി നല്കിയിരിക്കുന്നത്. ഇയാള്ക്കെതിരേ തൃശൂരിലും കേസ് ഉണ്ടെന്നതിനാല് തൃശ്ശൂര് പോലീസും അന്വേഷിക്കുന്നുണ്ട്.
ഒരു വര്ഷം മുന്പ് പഠനത്തിനിടെ ബെംഗളൂരുവില് വച്ചാണ് മുഹമ്മദ് ദിലീപും പെണ്കുട്ടിയും പരിചയപ്പെടുന്നത്. പ്രേമം നടിച്ച് പെണ്കുട്ടിയെ വളച്ചെടുത്ത് പല സ്ഥലങ്ങളില് കൊണ്ടുപോയി വിവാഹ വാഗ്ദാനം നല്കി പീഡിപ്പിച്ചു. ഗര്ഭിണിയായെന്ന് അറിഞ്ഞതോടെ ഇയാള് സ്ഥലം വിട്ടു. സംഭവം അറിഞ്ഞ സ്വന്തംവീട്ടുകാരും പെണ്കുട്ടിയെ കൈയൊഴിഞ്ഞു.ഇതോടെയാണ് പെണ്കുട്ടി കാമുകന് വേണ്ടി അന്വേഷണം തുടങ്ങിയത്.
മാസങ്ങള്ക്ക് മുന്പ് ഇയാളെ അന്വേഷിച്ച് തിരുവനന്തപുരത്തെത്തിയ പെണ്കുട്ടി പൊലീസിനെ സമീപിച്ചു. മ്യൂസിയം പൊലീസ് സ്റ്റേഷനില് പരാതിയും നല്കി. പെണ്കുട്ടി ആത്മഹത്യയ്ക്കും ശ്രമിച്ചു. കേസ് എടുത്ത മ്യൂസിയം പൊലീസ് മുഹമ്മദ് ദിലീപിനെയും രക്ഷിതാക്കളെയും വിളിച്ചുവരുത്തി. വിവാഹം കഴിക്കാമെന്ന് രക്ഷിതാക്കളുടെ സാന്നിധ്യത്തിലും യുവാവ് സമ്മതിച്ചു. മാസങ്ങള് കഴിഞ്ഞിട്ടും വിവാഹം കഴിക്കാന് തയ്യാറായില്ല. ഇതോടെയാണ് വീണ്ടും പെണ്കുട്ടി എത്തിയത്.
തിരുവനന്തപുരത്തെത്തി അന്വേഷിച്ചപ്പോള് മുഹമ്മദ് ദിലീപ് മുങ്ങിയെന്നും മനസിലായി. വീട്ടുകാരോട് ചോദിച്ചപ്പോള് അവര്ക്കും അറിയില്ലെന്ന് പറഞ്ഞൊഴിഞ്ഞു. ഇതോടെ പെണ്കുട്ടി റൂറല് ജില്ലാ പൊലീസ് മേധാവിക്ക് പരാതി നല്കി. തുടര്ന്ന് കാട്ടാക്കട പൊലീസ് കേസ് രജിസ്റ്റര് ചെയ്തു. പെണ്കുട്ടിയെ അഭയകേന്ദ്രത്തിലുമാക്കി. കഴിഞ്ഞ വ്യാഴാഴ്ച കാട്ടാക്കട മജിസ്ട്രേറ്റിന് മുന്നിലും പീഡനത്തെക്കുറിച്ച് പെണ്കുട്ടി മൊഴി നല്കി. ഇതോടെ എഫ് ഐ ആര് വന്നു.
അന്വേഷണത്തില് മുഹമ്മദ് ദിലീപിനെതിരേ സമാനമായ ആരോപണങ്ങള് പലരും ഉന്നയിച്ചിട്ടുള്ളതായി മനസിലായെന്ന് കാട്ടാക്കട സി.ഐ. ബിജു കുമാര് പറഞ്ഞു. ഇയാള്ക്കെതിരേ ഒരു കേസ് തൃശ്ശൂരിലും ഉണ്ട്. അവിടെയും അന്വേഷണം നടക്കുന്നതായി സി.ഐ. പറഞ്ഞു.
നിരവധി സമാന പരാതികളാണ് ബംഗളരൂവില് നിന്നും വരുന്നത്. ബംഗളൂരുവില് മലയാളി യുവതിയെ മലപ്പുറം സ്വദേശി വിവാഹ വാഗ്ദാനം നല്കി പീഡിപ്പിച്ചെന്നു പരാതിയെ തുടര്ന്ന് മലപ്പുറം വളാഞ്ചേരി സ്വദേശിയായ അജ്മല് ബാബുവിനെ അറസ്റ്റ് ചെയ്തിരുന്നു. യുവതിയുമായി ഇയാള് ഫേസ്ബുക്കിലൂടെയാണ് പരിചയപ്പെട്ടത്. എന്നാല് പ്രണയത്തിനൊടുവില് യുവതി ഗര്ഭിണിയായതോടെ ഇയാള് നാട്ടിലേക്ക് കടക്കുകയായിരുന്നു. 1.07 ലക്ഷം രൂപ തട്ടിയെടുത്തതിനു ശേഷമാണ് അജ്മലിനെ കാണാതായത്.തുടര്ന്ന് ഈ യുവതിയെ വിവാഹം കഴിക്കാമെന്നും പണം തിരിച്ചു തരാമെന്നും പറഞ്ഞു നാട്ടിലേക്കു വിളിച്ചു വരുത്തിയ ശേഷം യുവതിയെ കൊല്ലുമെന്നു ഭീഷണിപ്പെടുത്തുകയായിരുന്നു. സ്ത്രീത്വത്തെ അപമാനിച്ചതിനും ഭീഷണിപ്പെടുത്തിയതിനുമെതിരെയാണ് അജ്മല് മുഹമ്മദിനെതിരെ വളാഞ്ചേരി പൊലീസ് കേസെടുത്തത്.
https://www.facebook.com/Malayalivartha