ഇടനെഞ്ച് പൊട്ടി കുരുന്നുകള്; വയനാട് ബത്തേരി സാര്വജന സ്കൂളില് സര്വജന സ്കൂളില് വിദ്യാര്ഥി പാമ്പു കടിയേറ്റു മരിച്ച സംഭവത്തില് സ്കൂള് അധികൃതര്ക്കെതിരെ കൂടുതല് വെളിപ്പെടുത്തലുകളുമായി വിദ്യാര്ഥികള്
വയനാട് ബത്തേരി സാര്വജന സ്കൂളില് സര്വജന സ്കൂളില് വിദ്യാര്ഥി പാമ്പു കടിയേറ്റു മരിച്ച സംഭവത്തില് സ്കൂള് അധികൃതര്ക്കെതിരെ കൂടുതല് വെളിപ്പെടുത്തലുകളുമായി വിദ്യാര്ഥികള്. ഷെഹ്ല മരിക്കുന്നതിനു തോട്ടുതലേന്നും സ്കൂളില് പാമ്പിനെ കണ്ടിരുന്നു. എന്നാല് ഇതു പറഞ്ഞപ്പോള് അധ്യാപകര് അടിക്കാന് വന്നെന്നും വിദ്യാര്ഥികള് പറഞ്ഞു.
കുട്ടികള് ചെരുപ്പിട്ട് ക്ലാസില് കയറിയാല് പത്തു രൂപ ഫൈന് ഈടാക്കും. എന്നാല് അധ്യാപകര്ക്കും അവരുടെ മക്കള്ക്കും ചെരുപ്പിട്ട് ക്ലാസ് മുറിയില് കയറാമെന്നും വിദ്യാര്ഥികള് പറഞ്ഞു. അധ്യാപകര്ക്കുള്ളിലും വിഷമാണ്. ആ കുട്ടിയെ കൊലയ്ക്കു കൊടുത്തതാണ്. ഷെഹ്ലയുടെ മരണത്തിനു കാരണക്കാരായവര്ക്കെതിരെ ശക്തമായ നടപടി വേണമെന്നും വിദ്യാര്ഥികള് ആവശ്യപ്പെട്ടു.
അതേസമയം, സംഭവത്തില് പ്രതിഷേധം ശക്തമാക്കുകയാണു വിദ്യാര്ഥികള്. ഷെഹ്ലയുടെ മരണത്തിനു കാരണക്കാരായ എല്ലാവര്ക്കുമെതിരെ നടപടിയെടുക്കണമെന്നും വിദ്യാര്ഥികള് ആവശ്യപ്പെട്ടു. സംഭവത്തെ തുടര്ന്ന് വയനാട് ജില്ലയിലെ മറ്റ് സ്കൂളുകളിലും ഇഴജന്തുക്കളുടെ സാന്നിധ്യമുണ്ടോ എന്ന് പരിശോധിക്കാന് ദേശീയ ദുരന്തനിവാരണ അതോറിറ്റി ചെയര്മാന് കൂടിയായ കലക്ടര് ഉത്തരവിട്ടു.
സ്കൂളുകളില് അടിയയന്തര ശുചീകരണ പ്രവര്ത്തനങ്ങള് നടത്തി സുരക്ഷ ഉറപ്പുവരുത്തണമെന്ന് വിദ്യാഭ്യാസ വകുപ്പും നിര്ദേശം നല്കി. ഇഴജന്തുക്കളുടെ സാന്നിധ്യം കണ്ടെത്തിയാല് അവയെ കൈകാര്യം ചെയ്യുന്നതിന് വനംവകുപ്പിന്റെ സേവനം ഉറപ്പുവരുത്താനും നിര്ദേശമുണ്ട്. പാമ്പ് കടിയേറ്റ് വരുന്ന രോഗികള്ക്ക് ചികിത്സ ഉറപ്പാക്കണമെന്ന് ജില്ലാ മെഡിക്കല് ഓഫീസര്ക്കും കലക്ടര് നിര്ദേശം നല്കി. പരിശോധന മറ്റ് ജില്ലകളിലേക്കും വ്യാപിപ്പിച്ചു. പത്തനംതിട്ട, ഇടുക്കി ജില്ലയിലെ സ്കൂളുകളിലും സുരക്ഷാ പരിശോധന നടത്തുകയാണ്. തിങ്കളാഴ്ച റിപ്പോര്ട്ട് നല്കണമെന്ന് ഡിഡിഇയോട് പത്തനംതിട്ട കലക്ടര് പി.ബി നൂഹ് ഉത്തരവിട്ടു. എല്ലാ സ്കൂളുകളും പരിശോധിച്ച് ശുചീകരണം നടത്തണമെന്ന് ഇടുക്കി കലക്ടറും ആവശ്യപ്പെട്ടു.
https://www.facebook.com/Malayalivartha
