ഡിവൈഎഫ്ഐ മാര്ച്ചിലേയ്ക്ക് കാര് പാഞ്ഞുകയറി; 10 പേര്ക്ക് പരിക്ക്
നിസാം കേസില് ആരോപണവിധേയനായ പേരാമംഗലം സിഐക്കെതിരേ നടപടിയാവശ്യപ്പെട്ട് ഡിവൈഎഫ്ഐ നടത്തിയ മാര്ച്ചിനിടയിലേക്ക് കാര് പാഞ്ഞുകയറി 10 പ്രവര്ത്തകര്ക്കു പരിക്കേറ്റു. അമല മെഡിക്കല് കോളജിനു മുന്വശത്ത് രാവിലെ 11.15 ഓടെയാണ് സംഭവം. കുന്നംകുളം ഭാഗത്തു നിന്നും വന്ന അംബാസിഡര് കാറാണ് ജാഥയിലേക്ക് ഇടിച്ചുകയറിയത്.
പരിക്കേറ്റവരെ അമല ആശുപത്രിയില് പ്രവേശിപ്പിച്ചു. ജാഥ കണ്ട ഡ്രൈവര് അല്പനേരം വണ്ടി നിര്ത്തുകയും പിന്നീട് അമിതവേഗത്തില് ജാഥയ്ക്കു നേരേ ഓടിച്ചുകയറ്റുകയുമായിരുന്നെന്നാണ് ഡിവൈഎഫ്ഐ നേതാക്കളുടെ ആരോപണം. ഡ്രൈവര് അമിതമായി മദ്യപിച്ചിരുന്നതായും ആരോപണമുണ്ട്. സമീപത്തെ കടയില് ഇടിച്ചാണ് കാര് നിന്നത്. കാര് പ്രവര്ത്തകര് തല്ലിതകര്ത്തു. ഡ്രൈവറെക്കുറിച്ചുള്ള കൂടുതല് വിവരങ്ങള് ലഭ്യമായിട്ടില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha