നിസാമിന്റെ അവിഹിത ബന്ധം പുറത്ത് വിട്ട് ഭാര്യ അമലിനെ വെള്ള പൂശി രക്ഷിക്കാനുള്ള ശ്രമത്തില്‍ പോലീസ്
ചന്ദ്രബോസിനെ കൊലപ്പെടുത്തിയ മുഹമ്മദ് നിസാമിന്റെ ഭാര്യ അമലിനെ വെള്ള പൂശി കേസില്‍ നിന്നും രക്ഷപ്പെടുത്താന്‍ പോലീസ്. അമലിനെ സാക്ഷിയാക്കിയതിന്റെ പേരില്‍ വിമര്‍ശനം നേരിടുന്നതോടെയാണ് നിസാമും ഭാര്യയും തമ്മില്‍ ഉടക്കാണെന്നു വരുത്താന്‍ പൊലീസിന്റെ തന്നെ ശ്രമം നടക്കുന്നത്. നിസാമിനെ ഭാര്യയും കൈവിട്ടു എന്ന തരത്തില്‍ ആദ്യം പൊലീസ് വൃത്തങ്ങള്‍ വാര്‍ത്ത പുറത്തുവിട്ടിരുന്നു.
എന്നിട്ടും വിമര്‍ശനം കടുത്തതോടെയാണ് നിസാമിന്റെ അവിഹിത ബന്ധത്തില്‍ ഭയപ്പെട്ട് ഭാര്യ മൊഴി ചൊല്ലാന്‍ ശ്രമിച്ചു എന്ന കഥ ഇപ്പോള്‍ പുറത്ത് വിട്ടിരിക്കുന്നത്. രണ്ട് പേരും തമ്മില്‍ ഉടക്കാണ് എന്ന് വരുത്തിയ ശേഷം സാക്ഷിയാക്കി അമലിനെ രക്ഷിക്കാനുള്ള ഒത്തുകളിയുടെ ഭാഗമാണ് ഇതെന്നാണ് ആക്ഷേപം.
ഭാര്യയുമായി ഇപ്പോള്‍ പെട്ടെന്ന് പിണങ്ങാന്‍ ഒരു കാരണവും ഇല്ലെന്നാണ് നിസാമിന്റെ സുഹൃത്തുക്കള്‍ പറയുന്നത്. നിസാമിന്റെ ചെയ്തികള്‍ക്കെല്ലാം ഭാര്യ കൂട്ട് ഉണ്ടായിരുന്നു എന്ന് വ്യക്തമാക്കുന്ന നിരവധി ഉദാഹരണങ്ങളാണ് ചൂണ്ടിക്കാട്ടുന്നത്. ചന്ദ്രബോസിനെ വലിച്ച് കയറ്റി വണ്ടിയില്‍ ഇട്ട് ഡ്രൈവ് ചെയ്തത് ഭാര്യയെയും കയറ്റിക്കൊണ്ടാണ്. മുമ്പ് പല കേസുകള്‍ ഉണ്ടായപ്പോഴും ഇവര്‍ ന്യായീകരിച്ച് രംഗത്ത് വന്നിരുന്നു.
മുമ്പ് ബംഗളൂരുവിലെ ഒരു യുവതിയുമായി നിസാമിന് അടുപ്പമുണ്ടായപ്പോള്‍ ആ വിഷയത്തില്‍ ഭാര്യ അമല്‍ വിവാഹമോചനത്തിന്റെ വക്കുവരെ എത്തിയിരുന്നെന്നും മറ്റുമുള്ള കഥകളാണ് ഇപ്പോള്‍ അന്വേഷണസംഘം പറയുന്നത്.
പല സ്ത്രീകളുമായും നിസാമിന് ബന്ധമുണ്ടായിരുന്നെന്നും ബാംഗ്ലൂരിലെ ഫ്‌ളാറ്റില്‍ ഒരു യുവതിയുമായി ഒരുമിച്ച് താമസിച്ചുവെന്നുമുള്ള കാര്യങ്ങള്‍ ഭാര്യയുടെ വിമര്‍ശനത്തിന് ഇടയാക്കിയിരുന്നുവെന്നാണ് അന്വേഷണ സംഘം പറയുന്നത്. തൃശൂരിനടുത്ത് ഒരു കോടി രൂപ വിലയുള്ള ഫഌറ്റ് ഈ യുവതിക്കായി നിസാം വാങ്ങിയെന്നാണ് കഥ. ഇതിനു പിന്നാലെ യുവതിക്കായി ഒരു കോടിയിലധികം രൂപ വിലയുള്ള ആഡംബര കാര്‍ വാങ്ങി. പുതിയ കാറില്‍ കയറുന്നതിന് തൊട്ടുമുമ്പ് ഇരുവരും ചേര്‍ന്നെടുത്ത ഫോട്ടോ ഫേസ് ബുക്കില്‍ പോസ്റ്റ് ചെയ്തു. ഫേസ് ബുക്കില്‍ വന്ന ഫോട്ടോ അമലിന്റെ കണ്ണില്‍പ്പെട്ടു. നിസാമുമായി ഒത്തുപോകാന്‍ കഴിയാതെ തൃശൂരിലെ ഫ്‌ളാറ്റില്‍ നിന്ന് നിരവധി തവണ സ്വന്തം വീട്ടിലേക്ക് ഇറങ്ങിപ്പുറപ്പെട്ട അമല്‍ പിന്നീട് തിരിച്ചു വന്നിരുന്നുവെന്നുമാണ് പറയപ്പെടുന്നത്.
ഫേസ്ബുക്കില്‍ മറ്റൊരു പെണ്ണുമൊത്തുള്ള നിസാമിന്റ ഫോട്ടോ കണ്ടതോടെ ബന്ധം അവസാനിപ്പിക്കാന്‍ തന്നെ അമല്‍ തീരുമാനിച്ചതായും പറയുന്നു. ഇക്കുറി താന്‍ ബന്ധം വേര്‍പെടുത്തുമെന്ന് അമല്‍ തറപ്പിച്ചു പറഞ്ഞത്രെ. നിസാമിന്റെ ഭൂരിഭാഗം സ്വത്തുക്കളും അമലിന്റെ പേരിലായിരുന്നു. മൊഴി ചൊല്ലി പിരിഞ്ഞാല്‍ കോടിക്കണക്കിന് രൂപ നഷ്ടമാകുമെന്ന് ബോധ്യമായതിനാലാണ് നിസാം അമലുമായി ഒത്തുതീര്‍പ്പിന് തയ്യാറായതെന്നും പറയപ്പെടുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
