സോളാര്ക്കേസില് 10,000 കോടിരൂപയുടെ അഴിമതി നടന്നതായി വിഎസ്:സോളാര് തട്ടിപ്പില് മുഖ്യമന്ത്രിയുടെ ഓഫീസിന് ബന്ധമുണ്ടെന്ന് വി.എസ് രേഖാമൂലം കമ്മീഷനെ അറിയിച്ചു
സോളാര് തട്ടിപ്പ് കേസില് 10,000 കോടിയുടെ അഴിമതി നടന്നതായി പ്രതിപക്ഷ നേതാവ് വി.എസ് അച്യുതാനന്ദന് ജുഡീഷ്യല് കമ്മീഷന് മുന്പാകെ മൊഴി നല്കി. സോളാര് തട്ടിപ്പില് മുഖ്യമന്ത്രിയുടെ ഓഫീസിന് ബന്ധമുണ്ടെന്ന് വി.എസ് രേഖാമൂലം കമ്മീഷനെ അറിയിച്ചു. മുഖ്യമന്ത്രിയുടെ ഓഫീസില് ഉള്ളവര് തട്ടിപ്പുകാരെ സഹായിച്ചെന്നും അദ്ദേഹം വ്യക്തമാക്കി.
സോളാര് അഴിമതി കേസില് നിയമസഭയ്ക്ക് അകത്തും പുറത്തും ഉന്നയിച്ച ആരോപണങ്ങളുമായി ബന്ധപ്പെട്ട തെളിവുകള് നല്കാനായി ഇന്ന് രാവിലെ 10.40 ഓടെയാണ് തൈക്കാട് ഗസ്റ്റ് ഹൗസില് നടന്ന സിറ്റിങ്ങില് അദ്ദേഹം എത്തിയത്.
കഴിഞ്ഞ ദിവസങ്ങളിലായി സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്, തോമസ് ഐസക്, വി.എസ് സുനില്കുമാര് തുടങ്ങിയവരും കമ്മീഷന് മുമ്പാകെ ഹാജരായി വിവരങ്ങള് ബോധിപ്പിച്ചിരുന്നു. ഇന്നലെ കമ്മീഷന് മുന്നില് ഹാജരാകേണ്ട സി.പി.ഐ നിയമസഭാ കക്ഷി നേതാവ് സി. ദിവാകരന് കോട്ടയത്ത് സമ്മേളനം നടക്കുന്നതിനാല് മറ്റൊരു ദിവസം ഹാജരാകുമെന്ന് അറിയിച്ചിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
