കൊക്കയിന് കേസില് വന് അട്ടിമറി നടന്നതായി സൂചന
കൊക്കെയ്ന് കേസിലെ പ്രതികളെ രക്ഷിക്കാനായി അന്വേഷണത്തില് വന് അട്ടിമറി നടന്നതായി സൂചന.കഴിഞ്ഞ ദദിവസം പോലീസ് കോടതിയില് സമര്പ്പിച്ച രക്തസാമ്പിളുകളുടെ പരിശോധന ഫലം നെഗറ്റീവ് ആയതോടെയാണ ് ഈ സംശയം ബലിപ്പെടുന്നത്.
പ്രതികള് രക്ഷപ്പെടാന് ഇടയാക്കിയേക്കാവുന്ന ലാബ് റിപ്പോര്ട്ട് വളരെ തിടുക്കത്തില് കോടതിയിലെത്തിയതും ദുരൂഹതയുയര്ത്തുന്നുണ്ട്. പ്രതികള്ക്ക് ഇപ്പോഴും ജാമ്യം ലഭിക്കാത്ത സാഹചര്യത്തിലാണ് അനുകൂലമായ ലാബ് റിപ്പോര്ട്ട് കോടതിയുടെ മുന്നിലെത്തിയിരിക്കുന്നത്. കേസിലെ പ്രതികളായ യുവനടന് ഷൈന് ടോം ചാക്കോ, സഹ സംവിധായക ബ്ളെസി സില്വസ്റ്റര്, രേഷ്മ രംഗസ്വാമി, ടിന്സി ബാബു, സ്നേഹ ബാബു എന്നിവരെ ജനുവരി 31 നാണ് പൊലീസ് അറസ്റ്റു ചെയ്തത്. ഇവരുടെ രക്ത സാമ്പിളുകള് ഇക്കഴിഞ്ഞ രണ്ടിന് കാക്കനാട് റീജണല് ലാബിലേക്ക് അയയ്ക്കുകയും ചെയ്തു. എന്നാല്, രക്തത്തില് കെക്കെയ്നിന്റെ അംശമില്ലെന്ന റിപ്പോര്ട്ട് വളരെ വേഗത്തിലാണ് ലാബില് നിന്ന് പുറത്തുവന്നത്.
സാധാരണഗതിയില് ലാബില് നിന്ന് ഒരു റിപ്പോര്ട്ട് ലഭിക്കണമെങ്കില് വര്ഷങ്ങള് കാത്തിരിക്കണം. മുന്ഗണനാക്രമം പരിഗണിക്കാതെ റിപ്പോര്ട്ട് നല്കണമെന്ന് അന്വേഷണസംഘം ആവശ്യപ്പെട്ടിട്ടുമില്ല. അതേസമയം, കെക്കെയ്ന് രക്തത്തില് കലര്ന്നാല് എഗ്ളോനൈന് മീഥൈല് എസ്റ്റര്, ബെന്സോയില് ഗ്ളോനൈന് എന്നിവയായി മാറും. ഇവയുടെ സാന്നിദ്ധ്യം തിരിച്ചറിയണമെങ്കില് ഡല്ഹിയിലെ നാഷണല് കെമിക്കല് ലാബില് ഹൈ പ്രിസിഷന് ലിക്വിഡ് ക്രൊമോട്ടോഗ്രഫി (എച്ച്.എല്.പി.സി)എന്ന പരിശോധന നടത്തണമെന്നാണ് ഈ രംഗത്തെ വിദഗ്ദ്ധരില് നിന്ന് പൊലീസിന് ലഭിച്ചിരിക്കുന്ന നിര്ദ്ദേശം. ഇതിന്റെ അടിസ്ഥാനത്തില് പ്രതികള് ഉപയോഗിച്ച സിഗരറ്റിലെ സ്രവവും രക്തവും ഡി.എന്.എ പരിശോധനയ്ക്ക് വിധേയമാക്കാന് അന്വേഷണസംഘം കോടതിയുടെ അനുമതി തേടിയിട്ടുണ്ട്.
കാക്കെയ്ന് ഉപയോഗിച്ചില്ലെന്ന റിപ്പോര്ട്ട് രേഷ്മ രംഗസ്വാമി ഒഴിച്ചുള്ള പ്രതികള്ക്ക് കേസില് നിന്ന് രക്ഷപ്പെടാനുള്ള അനുകൂല ഘടകമാകും. രേഷ്മയില് നിന്ന് ഏഴു ഗ്രാം കൊക്കെയ്ന് പിടിച്ചെടുത്തതിനാല് ഇവര്ക്കെതിരെയുള്ള കേസ് ദുര്ബലമാകില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha
