പ്രധാനാധ്യാപകന്റെ ആത്മഹത്യ: ജയിംസ് മാത്യു എംഎല്എയെ പൊലീസ് അറസ്റ്റു ചെയ്തു; തെറ്റിദ്ധാരണ മൂലമാണ് ആത്മഹത്യക്കുറിപ്പില് തന്റെ പേരെഴുതിയതെന്ന് എംഎല്എ
തളിപ്പറമ്പില് പ്രധാനാധ്യാപകന് ആത്മഹത്യ ചെയ്ത സംഭവത്തില് ജെയിംസ് മാത്യു എംഎല്എയെ പൊലീസ് അറസ്റ്റു ചെയ്തു. ഇന്ന് കസ്റ്റഡിയില് ചോദ്യം ചെയ്യലിനായി ഹാജരായ അദ്ദേഹത്തെ പൊലീസ് കസ്റ്റഡിയിലെടുത്ത ശേഷം അറസ്റ്റ് രേഖപ്പെടുത്തുകയായരുന്നു. അദ്ധ്യാപകന്റെ ആത്മഹത്യാക്കുറിപ്പില് എംഎല്എയുടെ പേര് പരാമര്ശിച്ചിരുന്നു. നേരത്തെ എംഎല്എയുടെ മുന്കൂര് ജാമ്യാപേക്ഷ ഹൈക്കോടതി തള്ളിയതിനെ തുടര്ന്നു നാലു ദിവസത്തിനകം ഹാജരാവാന് ശ്രീകണ്ഠപുരം പൊലീസ് നോട്ടിസ് നല്കുകയായിരുന്നു. എം എല് എ അന്ന് വീട്ടില് ഇല്ലായിരുന്നു.
ആലപ്പുഴയില് സിപിഐ(എം) സംസ്ഥാന സമ്മേളനത്തില് പങ്കെടുത്തു തിരിച്ചെത്തിയ എംഎല്എ ചികില്സയ്ക്കും മറ്റുമായി കൂടുതല് സമയം ആവശ്യപ്പെട്ടിരുന്നുവെങ്കിലും മൂന്നു ദിവസത്തെ പ്രകൃതി ചികില്സയ്ക്കു ശേഷമാണ് ഇന്ന് ഉച്ചയോടെ ശ്രീകണ്ഠപുരം സിഐ മുമ്പാകെ ഹാജരായത്.
അറസ്റ്റ് രേഖപ്പെടുത്തിയെ ജയിംസ് മാത്യുവിനെ മജിസ്ട്രേറ്റ് മുമ്പാകെ ഹാജരാക്കും. തളിപ്പറമ്പ് ടാഗോര് വിദ്യാനികേതന് പ്രധാനാധ്യാപകന് ശ്രീകണ്ഠപുരം ചുഴലി സ്വദേശി ഇ.പി. ശശിധരനെ ഡിസംബര് 15നാണു കാസര്കോട് ലോഡ്ജില് ആത്മഹത്യ ചെയ്ത നിലയില് കണ്ടെത്തിയത്. 10 വര്ഷം വരെ തടവുശിക്ഷ ലഭിക്കാവുന്ന ആത്മഹത്യാ പ്രേരണാ കുറ്റമാണ് അദ്ധ്യാപകനും എംഎല്എയ്ക്കുമെതിരെ ചുമത്തിയിരിക്കുന്നത്. കഴിഞ്ഞ ദിവസം കീഴടങ്ങിയ ഷാജി റിമാന്ഡില് ജയിലിലാണ്.
തളിപ്പറമ്പ് ടാഗോര് വിദ്യാനികേതന് ഹയര് സെക്കന്ഡറി സ്കൂളിലെ പ്രധാനാധ്യാപകന് ഇപി ശശിധരന് ആത്മഹത്യ ചെയ്തതുമായി ബന്ധപ്പെട്ടാണ് എംഎല്എയെ അറസ്റ്റു ചെയ്തത്. കേസിലെ രണ്ടാം പ്രതിയാണ് ജയിംസ് മാത്യു. ടാഗോര് വിദ്യാനികേതന് സ്കൂളിലെ തന്നെ അദ്ധ്യാപകനായ എംവി ഷാജിയാണ് ഒന്നാം പ്രതി. സ്കൂളിലെ നിര്മ്മാണപ്രവര്ത്തനങ്ങളുമായി ബന്ധപ്പെട്ട് ജയിംസ് മാത്യു എംഎല്എ അനാവശ്യഇടപെടലുകള് നടത്തിയിരുന്നതായി അന്വേഷണസംഘം കണ്ടെത്തിയിട്ടുണ്ട്.
എം എല് എയും ഒന്നാം പ്രതിയും സ്കൂളിലെ നിര്മ്മാണ പ്രവര്ത്തനങ്ങളുമായി ബന്ധപ്പെട്ട് അഴിമതി നടത്താന് പ്രേരിപ്പിച്ചിരുന്നു എന്നും, നിരന്തരം സമ്മര്ദ്ദത്തിലാക്കിയതിനെ തുടര്ന്നാണ് അധ്യാപകന് ആത്മഹത്യചെയ്തതെന്നും വീട്ടുകാര് പോലീസില് പരാതി നല്കിയിരുന്നു.
തെറ്റിദ്ധാരണ മൂലമാണ് അദ്ധ്യാപകന് ആത്മഹത്യക്കുറിപ്പില് തന്റെ പേരെഴുതിയതെന്ന് ജയിംസ് മാത്യു എംഎല്എ നേരത്തെ പ്രതികരിച്ചിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
