വിയ്യൂരിലെ ജയിലധികൃതര്‍ക്ക് ഇപ്പോള്‍ ഒന്നിനും സമയം തികയുന്നില്ല. ജയിലിലെ വിഐപിയെ പരിചരിക്കണം. ജയിലിലെ ഉദ്യോഗസ്ഥര്‍ ചന്ദ്രബോസ് കൊലക്കേസിലെ പ്രതി മുഹമ്മദ് നിസാമിനെ പ്രീതിപ്പെടുത്താനുള്ള പരിശ്രമത്തിലാണ്. നിസാമിന്റെ പ്രീതി കിട്ടിയാല്‍ ആനൂകുല്യങ്ങള്‍ വീട്ടിലെത്തും. ആരും അറിയുകയും ഇല്ല. ജയിലിലെ സഹ തടവുകര്‍ക്കും നിസാമിപ്പോള്‍ നിസാമിക്കയാണ്. സിനാമിക്ക മഹാമനസ്‌കനാണെന്നാണ് ജയില്‍ പുള്ളികള്‍ പറയുന്നത്. ജാമ്യത്തിനിറങ്ങാനും, അത്യാവിശ്യം ചില്ലറയും മറ്റുസഹായവുമൊക്കെ നിസമിക്ക ചെയത് തരും. ജയിലിലെ എല്ലാപേരുടെയും കണ്ണിലുണ്ണിയാണ് കൊലയാളി നിസാമിപ്പോള്‍.
നിസാമിന് കഴിക്കാന്‍ എന്നും സ്‌പെഷല്‍ ദം ബിരിയാണി, സര്‍ എന്ന് വിളിച്ച് പരിചരിക്കാന്‍ കാക്കി ധാരികളായ പോലീസ് കാര്‍. സാര്‍ എന്ന് വിളിച്ചാല്‍ ആനനുകൂല്യം വേറെ. മാത്രമല്ല നിസാം ഒന്ന് മാത്രമേ പോലീസുകാരോട് പറഞ്ഞിട്ടുള്ളു. നിസാമിനെ സഹായിക്കുന്നവരെ നിസാം മറക്കില്ല. ഇത് വിശ്വസിച്ചാണ് പോലീസ് കാരുടെ പരിചരണ. ജയില്‍ജീവിതം ശരിക്കും ആസ്വദിക്കുകയാണ് നിസാം. അകത്തുള്ള തങ്ങളുടെ മുതലാളിക്ക് എല്ലാ സൗകര്യവും എത്തിച്ചുകൊടുക്കാന്‍ വേണ്ടി വിയ്യൂര്‍ സെന്‍ട്രല്‍ ജയിലിനു പുറത്തു സദാ ചുറ്റിക്കറങ്ങുന്നുണ്ട്്് ഇയാളുടെ മാനേജര്‍മാരും മറ്റ് ആശ്രിതരും. ഇതിനു കൂട്ടുനില്‍ക്കുന്നതാകട്ടെ ജയില്‍ സൂപ്രണ്ടിനു താഴെയുള്ള ഉദ്യോഗസ്ഥനും ഒരു ഓഫീസറും, പ്രമുഖനായ ഒരു വാര്‍ഡര്‍ തുടങ്ങിയവരും.
ജയിലിനുള്ളില്‍ മര്യാദരാമനാണു നിസാം എന്നാണു വിവരം.
മാനസാന്തരം വന്നിട്ടൊന്നുമല്ലത്രേ, ജയില്‍ അധികൃതരുടെ ഉപദേശം അനുസരിച്ചാണ് സ്വഭാവമാറ്റം. ജയിലിലെ പെരുമാറ്റം ജാമ്യം ലഭിക്കാന്‍ സഹായിക്കുമെന്നും മറ്റു തടവുകാരോട് സൗഹൃദത്തോടെ പെരുമാറണമെന്നും ഉപദേശിച്ചത് ഇദ്ദേഹത്തിന്റെ അടുത്ത അനുയായിയും ജയില്‍ സൂപ്രണ്ടിനു താഴെയുള്ള ഉദ്യോഗസ്ഥനുമാണ്. എന്നാല്‍ സഹതടവുകാരോട് നന്നായി പെരുമാറാന്‍ മാത്രമേ ഈ ഉദ്യോഗസ്ഥന്‍ ഉപദേശിച്ചുള്ളു. അതേസമയം അതില്‍നിന്ന് ഒരുപടികൂടി മുകളിലാണ് നിസാമിന്റെ പ്രവര്‍ത്തനങ്ങള്‍. സഹതടവുകാര്‍ക്ക് ജാമ്യത്തിന് അപേക്ഷ നല്‍കാനും അപ്പീലിനുമൊക്കെ പണം നല്‍കിക്കൊണ്ടാണ് നിസാം എല്ലാവരുടെയും തലൈവനായി വിലസുന്നത്. തടവുകാര്‍ക്കും ജയില്‍ ഉദ്യോഗസ്ഥര്‍ക്കും നിസാമിനെ പേടിയും ബഹുമാനവുമാണ്. സാര്‍ എന്നാണ് സീനിയര്‍ ഉദ്യോഗസ്ഥര്‍ പോലും ഇയാളെ വിളിക്കുന്നത്.
മറ്റു തടവുകാരുടെ ഉച്ചയൂണിനുശേഷം നിസാമിനു പുറത്തെ മുന്തിയ ഹോട്ടലില്‍നിന്ന് പ്രത്യേകം ദം ബിരിയാണി എത്തിക്കുന്ന ചുമതല ഗേറ്റ് ഡ്യൂട്ടിയിലുള്ള പ്രമുഖവാര്‍ഡര്‍ക്കാണ്. ഇദ്ദേഹം അത് കൃത്യമായി ചെയ്യുന്നുണ്ട്. അതിനുള്ള പ്രതിഫലം വീട്ടിലെത്തും. നിസാമിന് എന്നും സന്ദര്‍ശകരാണ്. ഇയാളുടെ മാനേജര്‍മാരും സുഹൃത്തുക്കളും ജയിലിനു പുറത്ത് മുറിയെടുത്ത് നില്‍ക്കുകയാണ് നിസാമിനെ സഹായിക്കാന്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha