സിപിഎമ്മിന്റെ പുതിയ സംസ്ഥാന കമ്മിറ്റിയുടെ ആദ്യയോഗം ഇന്ന് എകെജി സെന്ററില്‍ ആരംഭിക്കും. ഇന്നും നാളെയും നടക്കുന്ന യോഗത്തില്‍ നിന്നു പ്രതിപക്ഷ നേതാവ് വി.എസ്.അച്യുതാനന്ദന്‍ വിട്ടു നില്‍ക്കുമെന്നാണ സൂചന. പാര്‍ട്ടി വിരുദ്ധനായുള്ള സംസ്ഥാന സെക്രട്ടറിയേറ്റിന്റെ പ്രമേയം ഇപ്പോഴും നിലനില്‍ക്കുന്ന സാഹചര്യത്തിലാണ് വിഎസ് വിട്ട് നില്‍ക്കുന്നത്. വിഎസിനെ സമ്മേളനത്തില്‍ സംസ്ഥാന കമ്മിറ്റിയില്‍ ഉള്‍പ്പെടുത്തിയില്ലെങ്കിലും കേന്ദ്ര കമ്മിറ്റി അംഗമെന്ന നിലയില്‍ അദ്ദേഹത്തിനു യോഗത്തില്‍ പങ്കെടുക്കാവുന്നതാണ്.
നിലവില്‍ സംസ്ഥാന കമ്മിറ്റിയില്‍ ഒരു ഒഴിവുണ്ട്. അത് വിഎസിനു വണ്ടിയാണെന്ന സൂചനയുണ്ടെങ്കിലും വിഎസിന്റെ നിഷേധാത്മക നിലപാട് അതിന് തടസം നില്‍ക്കുമെന്നാണ് മുതിര്‍ന്ന നേതാക്കളുടെ വാദം.
ആലപ്പുഴ സംസ്ഥാനസമ്മേളന വേദിയില്‍നിന്ന് ഇറങ്ങിപ്പോന്ന വിഎസ് പാര്‍ട്ടിക്കു വഴിപ്പെട്ടു നീങ്ങുന്നതിന്റെ സൂചനകളൊന്നും ഇതുവരെ നല്‍കിയിട്ടില്ല.
തന്നെ പാര്‍ട്ടിവിരുദ്ധനായി ചിത്രീകരിക്കുന്ന സംസ്ഥാന സെക്രട്ടേറിയറ്റിന്റെ പ്രമേയത്തില്‍ പൊളിറ്റ്ബ്യൂറോ തിരുത്തല്‍ വരുത്താത്തപക്ഷം സംസ്ഥാനത്തെ പാര്‍ട്ടി ഫോറങ്ങളില്‍ പങ്കെടുക്കേണ്ടതില്ലെന്നാണു വിഎസിന്റെ മനോഭാവം. 20, 21 തീയതികളിലാണു പിബി യോഗം. അവിടെ തീരുമാനമാകുന്നതുവരെ പാര്‍ട്ടി വേദികളില്‍നിന്നു വിട്ടുനില്‍ക്കാനാണു വിഎസിന്റെ തീരുമാനം. അതേസമയം, നിയമസഭയുടെ ബജറ്റ് സമ്മേളനത്തില്‍ പ്രതിപക്ഷനേതാവ് എന്ന നിലയിലുള്ള തന്റെ ചുമതലകള്‍ നിറവേറ്റുമെന്ന് അദ്ദേഹം അടുത്ത സുഹൃത്തുക്കളെ അറിയിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha