കളി തുടങ്ങിയപ്പോള്... പൗരത്വ ഭേദഗതി നിയമത്തെ അനുകൂലിച്ച ഗവര്ണര് ആരിഫ് മുഹമ്മദ് ഖാനെ കണ്ണൂര് സര്വകലാശാലയില് വെച്ച് നടന്ന ചരിത്ര കോണ്ഗ്രസില് ആക്ഷേപിച്ച ചരിത്രകാരന് ഇര്ഫാന് ഹബീബിനെതിരെ വക്കീല് നോട്ടീസ്; ഭാരതത്തിന്റെ അഖണ്ഡതയെയും നാനാത്വത്തില് ഏകത്വത്തെയും ചോദ്യം ചെയ്തെന്നാണ് നോട്ടീസ്
കണ്ണൂര് സര്വകലാശാലയില് വെച്ച് നടന്ന ചരിത്ര കോണ്ഗ്രസില് പൗരത്വ ബില്ലിനെ എതിര്ക്കുന്നവരുടെ പൊള്ളത്തരങ്ങള് തുറന്നു കാണിച്ച കേരള ഗവര്ണര് ആരിഫ് മുഹമ്മദ് ഖാനെ ആക്ഷേപിക്കുകയും കായികമായി ആക്രമിക്കാനും ശ്രമിച്ച ചരിത്രകാരന് ഇര്ഫാന് ഹബീബിന് ഉഗ്രന് പണിയാണ് വരുന്നത്. ഭാരതത്തിന്റെ അഖണ്ഡതയെയും നാനാത്വത്തില് ഏകത്വത്തെയും ചോദ്യം ചെയ്ത ഇര്ഫാന് ഹബീബിനെതിരെ വക്കീല് നോട്ടീസ് അയച്ചിരിക്കുകയാണ്. ഇന്ത്യയിലെ മുസ്ലീങ്ങളെ ആക്രമിക്കാനാണ് ആര്എസ്എസ് എന്ന സംഘടന രൂപീകരിച്ചത്. ദ്വിരാഷ്ട്ര വാദം മുന്നോട്ടുവെച്ചത് മുഹമ്മദാലി ജിന്ന ആണെങ്കിലും, സവര്ക്കര് രാജ്യത്തെ വിഭജിക്കാന് ശ്രമിച്ചു.
കേന്ദ്രസര്ക്കാരിന്റെ സ്വച്ഛത അഭിയാന് പദ്ധതിയില് ഗാന്ധിജിയുടെ കണ്ണട ഉപയോഗിക്കുന്നതിനെ കളിയാക്കി തുടങ്ങിയ ആരോപണങ്ങളാണ് അദേഹത്തിനെതിരെ ഉള്ളത്. അലിഗഡ് സിവില് കോടതി അഭിഭാഷകനാണ് ഇര്ഫാനെതിരെ വക്കീല് നോട്ടീസ് അയച്ചിരിക്കുന്നത്. അലിഗഡ് സര്വകലാശാലയിലാണ് ഇര്ഫാന് ഇത്തരത്തിലൊരു വിവാദ പ്രസ്താവന നടത്തിയിരിക്കുന്നത്.
വിവാദ പ്രസംഗത്തില് ഏഴു ദിവസത്തിനകം ഇര്ഫാന് ഹബീബ് മ മാപ്പ് പറയണമെന്നും ഹര്ജിക്കാന് ആവശ്യപ്പെട്ടു. മാപ്പു പറഞ്ഞില്ലെങ്കില് നിയമനടപടിയുമായി മുന്നോട്ടു പോകുമെന്നും അഭിഭാഷകന് സന്ദീപ് കുമാര് ഗുപ്ത മുന്നറിയിപ്പ് നല്കി.
ദേശീയ ചരിത്ര കോണ്ഗ്രസ് വേദിയില് പൗരത്വ നിയമ ഭേദഗതിയുമായി ബന്ധപ്പെട്ട് ഉയര്ന്ന പ്രതിഷേധ വിവാദം വളരെയേറെ ചര്ച്ചയായിരുന്നു. ഈ വിഷയത്തെപ്പറ്റി ആരോപണങ്ങളും പ്രത്യാരോപണങ്ങളും കനത്തു. ചാനലുകാരെ വിളിച്ചുവരുത്തി അഭിമുഖം നല്കി. അത് വലിയ പ്രാധാന്യത്തോടെ തന്നെ അവര് ടെലികാസ്റ്റ് ചെയ്യുകയും ചെയ്തു. സംഭവത്തില് തന്റെ നിലപാട് മാധ്യമങ്ങള്ക്ക് നല്കിയ അഭിമുഖങ്ങളിലൂടെ കേരള ഗവര്ണര് ആരിഫ് മുഹമ്മദ് ഖാന് സ്പഷ്ടമാക്കി. തന്നെ വിമര്ശിച്ച സിപിഎം സംസ്ഥാന സെക്രട്ടറിക്കുള്പ്പെടെ ശക്തമായ മറുപടി നല്കാന് ശ്രമിക്കുന്ന ഗവര്ണര് പാര്ലമെന്റ് പാസാക്കിയ നിയമം സംരക്ഷിക്കാന് പ്രവര്ത്തിക്കുമെന്നും വ്യക്തമാക്കുന്നു.
ഈ തര്ക്കം തുടരുന്നതിനിടെ സംസ്ഥാന സര്ക്കാരുമായി ഏറ്റുമുട്ടാനില്ലെന്ന് ആരിഫ് മുഹമ്മദ് ഖാന് അടുത്തിടെ വ്യക്തമാക്കി. സര്ക്കാരിനെ ഉപദേശിക്കാന് മാത്രമേ ഉള്ളൂവെന്നും രാഷ്ട്രീയ പ്രചാരണത്തിന് പൊതുപണം ഉപയോഗിക്കുന്നത് ശരിയല്ലെന്ന് ഗവര്ണര് പറഞ്ഞു.
പൗരത്വ നിയമ ഭേദഗതിയില് സംസ്ഥാന സര്ക്കാര് നല്കിയ പത്ര പരസ്യത്തെ പരോക്ഷമായി പരാമര്ശിച്ചുകൊണ്ടാണ് സംസ്ഥാന സര്ക്കാരിനെതിരെ ഗവര്ണറുടെ വിമര്ശനം. ഇത് കേരളത്തിലെ ജനങ്ങളുടെ പണമാണ്. കേരളത്തില ജനങ്ങള് ഇന്ത്യന് പൗരന്മാരാണ്. വിഭിന്നാഭിപ്രായം പ്രകടിപ്പിക്കാന് എല്ലാവര്ക്കും അവകാശമുണ്ട്. എന്നാല് പാര്ലമെന്റ് പാസാക്കിയ നിയമത്തിനെതിരെ പ്രചാരണം നടത്തുന്നതിനായി പൊതുപണം വിനിയോഗിക്കുന്നത് തെറ്റാണ്. പൊതുപണം ഉചിതമായി വിനിയോഗിക്കണമെന്ന് മാത്രമാണ് തന്റെ അഭിപ്രായം. അത് ജനങ്ങളുടെ ക്ഷേമത്തിന് വേണ്ടിയാണ് ഉപയോഗിക്കേണ്ടതെന്നും ഗവര്ണര് വ്യക്തമാക്കി. എന്നാല് രാഷ്ട്രീയ പാര്ട്ടികള്ക്ക് വിഭിന്നാഭിപ്രായം പ്രകടിപ്പിക്കാനും പ്രചാരണം നടത്താനും തെറ്റില്ലെന്നും ഗവര്ണര് പറഞ്ഞു.
പൗരത്വനിയമം കേരളത്തെ ഒരു രീതിയിലും ബാധിക്കില്ല. നൊബേല് സമ്മാന ജേതാവ് മൈക്കല് ലെവിറ്റിനെ തടഞ്ഞ സംഭവം സംസ്ഥാനത്തിനു നാണക്കേടെന്നുമാണ് അദ്ദേഹം ഡല്ഹിയില് പറഞ്ഞത്. എന്തായാലും ആരിഫ് മുഹമ്മദ് ഖാന് ശക്തമായ പിന്തുണയാണ് കേന്ദ്രം നല്കുന്നത്. അത് വരും ദിവസങ്ങളില് കാണാന് സാധിക്കും.
https://www.facebook.com/Malayalivartha
