സി.പി.ഐ സംസ്ഥാന സെക്രട്ടറിയായി തന്നെ തിരഞ്ഞെടുത്തത് ഏകകണ്ഠമായാണെന്ന് കാനം രാജേന്ദ്രന്‍ പറഞ്ഞു. ദേശീയ നേതൃത്വമാണ് തന്റെ പേര് സെക്രട്ടറി സ്ഥാനത്തേക്ക് നിര്‍ദ്ദേശിച്ചതെന്നും അദ്ദേഹം വാര്‍ത്താ സമ്മേളനത്തില്‍ പറഞ്ഞു. കെ.ഇ.ഇസ്മയിലിന്റെ പേരും സെക്രട്ടറി സ്ഥാനത്തേക്ക് ഉയര്‍ന്നുവന്നു. എന്നാല്‍ മത്സരത്തിന് ഇല്ലെന്ന് ഇസ്മയില്‍ അറിയിക്കുകയായിരുന്നു. അതോടെയാണ് തന്നെ സെക്രട്ടറിയായി തിരഞ്ഞെടുത്തതെന്നും കാനം പറഞ്ഞു. അഭിപ്രായ വ്യത്യാസങ്ങള്‍ തുറന്നു പറയുന്നത് വിഭാഗീയതയല്ല. എല്ലാ പ്രശ്‌നങ്ങളും അവസാനിച്ചു കഴിഞ്ഞു. പാര്‍ട്ടി ഒറ്റക്കെട്ടായി തന്നെ മുന്നോട്ട് പോവുമെന്നും കാനം പറഞ്ഞു.അതേസമയം സെക്രട്ടറി സ്ഥാനത്തേക്ക് തന്റെ പേര് ചില സഖാക്കള്‍ ഉയര്‍ത്തിയിരുന്നു എന്ന് കെ.ഇ.ഇസ്മയില്‍ പറഞ്ഞു. മത്സരിക്കാന്‍ ഇല്ലെന്ന് താന്‍ അറിയിക്കുകയായിരുന്നു. താനും കേന്ദ്ര നേതൃത്വവും ഒരുമിച്ചിരുന്ന് ഉണ്ടാക്കിയ ധാരണപ്രകാരമാണ് കാനം സെക്രട്ടറിയായതെന്നും ഇസ്മയില്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha