ബൈക്കിലെത്തി മാല പറിക്കുന്ന മോഷ്ടാക്കളെ കബളിപ്പിക്കാന്‍ മുക്കുപണ്ടം ധരിച്ച വീട്ടമ്മക്ക് ഒടുവില്‍ കിട്ടിയത് മോഷ്ടാവിന്റെ കരണത്തടി. മണര്‍കാട് കവലയ്ക്ക് സമീപം പെരുമാനൂര്‍ക്കുളത്താണ് സംഭവം. ബൈക്കിലെത്തി മാല പറിച്ച നിരവധി സംഭവങ്ങള്‍ ഉണ്ടായതിനാല്‍ ഈ പ്രദേശത്തെ വീട്ടമ്മമാര്‍ക്ക് സ്വര്‍ണമാല ധരിച്ച് നടക്കാന്‍ പേടിയാണ്. ഇന്നലെ പള്ളിയില്‍ പോയി മടങ്ങിയ വീട്ടമ്മയുടെ സമീപം ബൈക്കില്‍ രണ്ടുപേരെത്തി. ബൈക്കോടിച്ചയാള്‍ ഹെല്‍മറ്റ് ധരിച്ചിട്ടുണ്ട്. പിന്നിലിരുന്നയാള്‍ പൊടിശല്യത്തില്‍ നിന്നു രക്ഷ നേടുന്നതിന് ടവല്‍ കെട്ടിയിട്ടുണ്ട്. വഴി ചോദിക്കാനെന്ന ഭാവേന എത്തിയ ഇവര്‍ വീട്ടമ്മയുടെ മാല തട്ടിയെടുത്ത് രക്ഷപ്പെട്ടു. മാല നഷ്ടപ്പെട്ടതോടെ വീട്ടമ്മ കരഞ്ഞ് ശബ്ദമുണ്ടാക്കി ആളെക്കൂട്ടി. മോഷണം പെരുകുകയാണെന്നും പോലീസില്‍ ഉടന്‍ പരാതി നല്കാനും ഉപദേശിച്ച് നാട്ടുകാര്‍ പിരിഞ്ഞു. 
അല്‍പം കഴിഞ്ഞപ്പോള്‍ ബൈക്കില്‍ രണ്ടു പേരെത്തി. ചേച്ചിയുടെയാണോ മാല നഷ്ടപ്പെട്ടത് എന്നു ചോദിച്ചാണ് ബൈക്ക് അടുത്തു നിര്‍ത്തിയത്. അതേ എന്നു പറഞ്ഞ തീര്‍ന്നതും കരണത്തടിച്ച് മാല വലിച്ചെറിഞ്ഞ് ബൈക്കിലെത്തിയവര്‍ പാഞ്ഞു. പോകുമ്പോള്‍ ഒരുപദേശവും നല്കി. മേലാല്‍ വരവ് മാല ഇട്ടോണ്ടു നടക്കരുത്. അടികൊണ്ട് കരണം പുകഞ്ഞ വീട്ടമ്മയ്ക്ക് ബൈക്കിന്റെ നമ്പര്‍ പോലും നോക്കാന്‍ കഴിഞ്ഞില്ല. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha