കോതമംഗലം കുട്ടമ്പുഴ പഞ്ചായത്തിലെ പന്തപ്ര കോളനിയിലെ കുടുംബങ്ങള്‍ക്ക് രണ്ടേക്കര്‍ ഭൂമി നല്‍കുമെന്ന് മുഖ്യമന്ത്രി ഉമ്മന്‍ ചാണ്ടി. പന്തപ്ര കോളനി സന്ദര്‍ശിച്ചാണ് മുഖ്യമന്ത്രി ഇക്കാര്യം അറിയിച്ചത്. വാരിയം കുടിയില്‍ നിന്ന് പന്തപ്രയിലേക്ക് മാറി താമസിക്കുന്ന കുടുംബങ്ങള്‍ക്കാണ് ഭൂമി ലഭിക്കുക.
ഊരുവാസികളുടെ വിദ്യാഭ്യാസം, മറ്റ് വികസനം തുടങ്ങിയ കാര്യങ്ങള്‍ ചര്‍ച്ച ചെയ്ത് പദ്ധതി തയ്യാറാക്കന്‍ കളക്ടര്‍ എം.ജി രാജമാണിക്യത്തെ മുഖ്യമന്ത്രി ചുമതലപ്പെടുത്തി. പന്തപ്രയിലേക്ക് മാറിയ 218 കുടുംബങ്ങളില്‍ 66 പേര്‍ക്ക് കൈവശരേഖയില്ലെന്ന് ഊരുമൂപ്പന്‍ മുഖ്യമന്ത്രിയെ അറിയിച്ചു. അപേക്ഷ നല്‍കിയ 32 പേര്‍ക്ക് രണ്ടാഴ്ചയ്ക്കകം കൈവശരേഖ നല്‍കാന്‍ മുഖ്യമന്ത്രി നിര്‍ദ്ദേശം നല്‍കി. ബാക്കിയുള്ളവര്‍ രണ്ടാഴ്ചയ്ക്കകം അപേക്ഷിച്ചാല്‍ രേഖ നല്‍കാനും തീരുമാനമായി. റോഡ്, വൈദ്യുതി തുടങ്ങിയ ആവശ്യങ്ങളും അംഗീകരിച്ചതായി മുഖ്യമന്ത്രി അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha