വിഴിഞ്ഞം പദ്ധതിക്ക് വേണ്ടി കബോട്ടാഷ് നിയമത്തില്‍ ഇളവ് നല്‍കുമെന്ന് കേന്ദ്രമന്ത്രി നിതിന്‍ ഗഡ്ഗരി മുഖ്യമന്ത്രി ഉമ്മന്‍ചാണ്ടിക്ക് ഉറപ്പു നല്‍കിയെന്ന് അദ്ദേഹം പറയുന്നുണ്ടെങ്കിലും പദ്ധതി നടക്കാന്‍ വിദൂര സാധ്യത പോലുമില്ലെന്നാണ് ബിജെപിയുടെ കേരള ഘടകം കരുതുന്നത്. ഡല്‍ഹിയില്‍ പ്രധാനമന്ത്രിയെ കാണാനെത്തിയ മുഖ്യമന്ത്രിക്ക് സന്ദര്‍ശാനാനുമതി പോലും നല്‍കാത്തതത് ബിജെപി സംസ്ഥാന നേതൃത്വത്തിന്റെ ഇടപെടല്‍ കാരണമാണ്. ഉമ്മന്‍ചാണ്ടിയെ സഹായിച്ചതു കൊണ്ട് ബിജെപിക്ക് ഒരു നേട്ടവുമില്ലെന്നാണ് സംസ്ഥാന നേതൃത്വം പ്രധാനമന്ത്രിയെ അറിയിച്ചത്.
കബോട്ടാഷ് നിയമത്തില്‍ ഇളവ് ലഭിക്കാത്തതിനാല്‍ കമ്പനികള്‍ ടെണ്ടര്‍ നടപടികളില്‍ നിന്നും പിന്‍മാറുന്നു എന്നാണ് ഉമ്മന്‍ചാണ്ടിയുടെ പക്ഷം. വിദേശ കപ്പലുകള്‍ ചരക്ക് നേരിട്ട് തുറമുഖത്തെത്തിക്കുന്നത് വിലക്കുന്നതാണു കബോട്ടാഷ് നിയമം. പുറങ്കടലില്‍ നങ്കൂരമിടുന്ന വിദേശകപ്പലുകില്‍ നിന്നും ഇന്ത്യന്‍ കപ്പലുകള്‍ ചരക്ക് തുറമുഖത്തെത്തിക്കും എന്നാണ് കബോട്ടാഷ് നിയമം അനുശാസിക്കുന്നത്.

അതിനിടെ വിഴിഞ്ഞം ടെണ്ടര്‍ എടുക്കുമെന്ന് പറയപ്പെടുന്ന അദാനി ഗ്രൂപ്പിന് വിഴിഞ്ഞത്തിനു പകരം കുളച്ചലിനോടാണ് താത്പര്യം. പ്രധാനമന്ത്രി നരേന്ദ്രമോഡിയുമായി ഏറെ അടുപ്പം പുലര്‍ത്തുന്നവരാണ് അദാനി ഗ്രൂപ്പ്. തങ്ങള്‍ ഏത് തെരഞ്ഞെടുക്കണം എന്ന് ഗൗതം അദാനി നേരിട്ട് മോഡിയോട് ചോദിച്ചിട്ടുണ്ട്. അദ്ദേഹം ഇതുവരെയും മനസു തുറന്നിട്ടില്ല. നിതിന്‍ ഗഡ്ഗരി പറഞ്ഞാലൊന്നും പദ്ധതി നടക്കില്ലെന്ന് ഉമ്മന്‍ചാണ്ടിക്കറിയാം എല്ലാ സാധ്യതയും മനസിലാക്കി മാത്രമേ വിഴിഞ്ഞം വേണോ കുളച്ചല്‍ വേണോ എന്ന് അദാനി ഗ്രൂപ്പ് തീരുമാനിക്കുകയുള്ളൂ. വിഴിഞ്ഞം തുറമുറ പദ്ധതി നടപ്പിലാക്കണമെങ്കില്‍ അദാനിയെ കൂടെ നിര്‍ത്തണമെന്ന് ഉമ്മന്‍ചാണ്ടിക്കറിയാം. അദാനിയുമായി ഇത് സംബന്ധിച്ച് ഉമ്മന്‍ചാണ്ടി ഫോണില്‍ സംസാരിച്ചു കഴിഞ്ഞു.

കേരളത്തില്‍ പണം മുടക്കാന്‍ ഒരു കമ്പനിയും തയ്യാറല്ല. തൊഴിലാളി സമരം കാരണം കൊച്ചി മെട്രോ പോലും ഇഴയുന്നു. കേന്ദ്രമന്ത്രി പൊന്‍ രാധാകൃഷ്ണന്റെ മണ്ഡലമാണ് കുളച്ചല്‍. നരേന്ദ്രമോഡിയുടെ മാനസപുത്രനാണ് പൊന്‍ രാധാകൃഷ്ണന്‍. കേരളത്തിനാകട്ടെ വിഴിഞ്ഞത്തിനുവേണ്ടി പറയാന്‍ ആരുമില്ല. ഒ. രാജഗോപാല്‍ ഉണ്ടെങ്കിലും അദ്ദേഹത്തിന് മോഡിയെ കാണാന്‍ അനുമതി പോലും കിട്ടില്ല. കേരളത്തില്‍ ബിജെപി ജയിക്കാന്‍ പോകുന്നില്ലെന്നും പൊന്‍ രാധാകൃഷ്ണന്‍ നരേന്ദ്രമോഡിയെ അറിയിച്ചിട്ടുണ്ട്. അതേ സമയം വികസനം വന്നാല്‍ തമിഴ് മക്കള്‍ ഒപ്പം നില്‍ക്കുമെന്നും കേന്ദ്രമന്ത്രി പ്രധാനമന്ത്രിയോട് പറഞ്ഞു. അദ്ദേഹം ഉപരിതല കപ്പല്‍ ഗതാഗതം സ്വീകരിച്ചതു തന്നെ കുളച്ചല്‍ തുറമുഖത്തിന് വേണ്ടിയാണ്. വെറുതെ കോടിയേരിയുടെ സഖാക്കള്‍ക്ക് ചെങ്കൊടി പിടിക്കാന്‍ അദാനി വരുമോ കേരളത്തില്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha