ഇത്രയ്ക്ക് വേണ്ടിയിരുന്നോ... അരുന്ധതി റോയ്, നല്ലയാളാണ്, കടുത്ത മദ്യപാനിയും തലക്ക് വെളിവില്ലാത്ത സ്ത്രീയുമെന്ന് അഡ്വ. ജയശങ്കര്‍; അവര്‍ എട്ടുമണി കഴിഞ്ഞാല്‍ മദ്യപിച്ച് ബോധമില്ലാത്ത സ്ത്രീ; ജയശങ്കറിന്റെ സ്ത്രീവിരുദ്ധ പരാമര്‍ശനത്തിനെതിരെ കടുത്ത വിമര്‍ശനം
മലയാളത്തിലെ ശക്തനായ രാഷ്ട്രീയ വിമര്‍ശകനാണ് അഡ്വ. എ. ജയശങ്കര്‍. പലപ്പോഴും രാഷ്ട്രീയം നോക്കാതെ ന്യായത്തിന്റെ ഭാഗത്ത് നിന്നും രൂക്ഷ വിമര്‍ശനം നടത്തുന്നയാളാണ് ജയശങ്കര്‍. ആരേയും ഭയക്കാതെ തനിക്ക് പറയാനുള്ളത് മുഖത്ത് നോക്കി പറയുന്നയാള്‍. അതിനാല്‍ തന്നെ ചാനല്‍ ചര്‍ച്ചയില്‍ ജയശങ്കറിന് പ്രത്യേക പരിഗണനയുണ്ട്. എഴുത്തുകാരിയും സാമൂഹികപ്രവര്‍ത്തകയുമായ അരുന്ധതി റോയ്‌ക്കെതിരെ നടത്തിയ പരാമര്‍ശം ഇപ്പോള്‍ വിവാദമാകുകയാണ്.
അരുന്ധതി റോയ്‌ക്കെതിരെ അപകീര്‍ത്തികരമായ പരാമര്‍ശവുമായി ജയശങ്കര്‍ കഴിഞ്ഞ ദിവസമാണ് രംഗത്തെത്തിയത്. അരുന്ധതി റോയ്, നല്ലയാളാണ്, കടുത്ത മദ്യപാനിയും തലക്ക് വെളിവില്ലാത്ത സ്ത്രീയും. അവര്‍ എട്ടുമണി കഴിഞ്ഞാല്‍ മദ്യപിച്ച് ബോധമില്ലാത്ത സ്ത്രീയുമാണെന്നാണ് ജയശങ്കരുടെ പരാമര്‍ശം. എറണാകുളം ഗവ. ലോ കോളേജില്‍ മഹാത്മാ ഗാന്ധി രക്തസാക്ഷി ദിനവുമായി ബന്ധപ്പെട്ട് സംഘടിപ്പിച്ച പാനല്‍ ചര്‍ച്ചയിലാണ് അഡ്വ. ജയശങ്കര്‍ സ്ത്രീവിരുദ്ധമായ പരാമര്‍ശം നടത്തിയത്.
പരിപാടിയില്‍ പ്രഭാഷകനായി എത്തിയ അഡ്വ. ജയശങ്കര്‍ തന്റെ പ്രഭാഷണത്തില്‍ ഉടനീളം സ്ത്രീ വിരുദ്ധ പരാമര്‍ശങ്ങള്‍ നടത്തുകയും പ്രശസ്ത എഴുത്തുകാരിയും മാന്‍ ബുക്കര്‍ െ്രെപസ് ജേതാവുമായ അരുന്ധതി റോയിയുടെ സ്ത്രീത്വത്തെ അപമാനിക്കുകയും ചെയ്തു. മഹാത്മാ ഗാന്ധിയുടെ നവജീവന്‍ പ്രസിദ്ധീകരണത്തിലെ , ജാതിവ്യവസ്ഥയെ സംബന്ധിച്ച പരാമര്‍ശത്തെ അധികരിച്ച് സദസ്സില്‍ നിന്ന് ചോദ്യം ഉന്നയിക്കുകയുണ്ടായി. ചോദ്യത്തിന് മറുപടിയായി എവിടെയെങ്കിലും കേട്ട കുറച്ച് കുറച്ച് കാര്യങ്ങള്‍ എടുത്ത് വിലയിരുത്തുന്നത് ശരിയല്ല എന്ന് അഡ്വ. ജയശങ്കര്‍ പറഞ്ഞു. പ്രസ്താവന കേരള ലിറ്ററേചര്‍ ഫെസ്റ്റില്‍ അരുന്ധതി റോയ് തന്റെ സെഷനില്‍ പറഞ്ഞതാണെന്ന് പറഞ്ഞപ്പോളായിരുന്നു അരുന്ധതി റോയ്‌ക്കെിരായ പരാമര്‍ശം.
സംഭവവുമായി ബന്ധപ്പെട്ട് എസ്എഫ്‌ഐ കമ്മീഷണര്‍ക്ക് പരാതി നല്‍കി. ഇത് തികഞ്ഞ സ്ത്രീ വിരുദ്ധവും ആധുനിക സമൂഹത്തിന് നിരക്കാത്തതുമാണെന്ന് പരാതിയില്‍ പറയുന്നു. നാളെയുടെ പ്രതീക്ഷയായ വിദ്യാര്‍ഥികള്‍ പഠിക്കുന്ന കലാലയത്തില്‍ മാതൃകയാകേണ്ടവരില്‍ നിന്നും ഏറ്റവും സ്ത്രീ വിരുദ്ധമായ പ്രസ്താവനയാണ് ഉണ്ടായതെന്നും എസ്എഫ്‌ഐ നല്‍കിയ പരാതിയില്‍ പറയുന്നു.
മാന്‍ ബുക്കര്‍ സമ്മാനത്തിനര്‍ഹയായ ആദ്യ ഇന്ത്യന്‍ വനിതയാണ് പകുതി മലയാളി കൂടിയായ അരുന്ധതി റോയ്. ദി ഗോഡ് ഓഫ് സ്മാള്‍ തിങ്‌സ് എന്ന കൃതിക്ക് 1997ലാണ് ബുക്കര്‍ പുരസ്‌കാരം ലഭിച്ചത്.
1961ല്‍ നവംബര്‍ 24 മേഘാലയയിലെ ഷില്ലോങ്ങിലാണ് ജനനം. മാതാവ് കോട്ടയം, അയ്മനം സ്വദേശിനി മേരി റോയ്. പിതാവ് രാജീബ് റോയ്, ഒരു ബംഗാളി ബ്രാഹ്മണനായിരുന്നു. ബാല്യകാലം കേരളത്തില്‍ ചിലവഴിച്ചു. പഠനത്തിനു ശേഷം ആര്‍കിടെക്റ്റ്, എയ്‌റോബിക് പരിശീലക എന്നീ നിലകളില്‍ ജോലി ചെയ്തു.
എഴുത്തുകാരി എന്നതിലുമുപരിയായി അറിയപ്പെടുന്ന ഒരു സാമൂഹികപ്രവര്‍ത്തക കൂടിയാണ് റോയ്. കേരളത്തിലെ കോട്ടയത്തിനടുത്തുള്ള അയ്മനം എന്ന ഗ്രാമം പശ്ചാത്തലമാക്കിയുള്ള നോവലാണ് ഗോഡ് ഓഫ് സ്‌മോള്‍ തിങ്ങ്‌സ്. അരുന്ധതി റോയിയുടെ പ്രസിദ്ധീകരിക്കപ്പെട്ട ആദ്യ നോവലാണിത്. ആ വര്‍ഷം ലോകത്തിലേറ്റവും കൂടുതല്‍ വിറ്റഴിഞ്ഞ കൃതികളിലൊന്നായിരുന്നു ഇത്. നോവല്‍ പ്രസിദ്ധീകരിച്ച് അഞ്ചു മാസത്തിനുള്ളില്‍ തന്നെ 350,000ത്തിലധികം പ്രതികള്‍ ലോകമെമ്പാടും വിറ്റഴിഞ്ഞു. 24 ഭാഷകളിലേക്ക് നോവല്‍ തര്‍ജ്ജമ ചെയ്യപ്പെട്ടു. അങ്ങനെ ലോകം അറിയപ്പെടുന്ന എഴുത്തുകാരിയായി മാറി.
https://www.facebook.com/Malayalivartha
