പൊങ്കാലയിടാന് സിനിമാ താരങ്ങളും മന്ത്രി പത്നിമാരും, പക്ഷേ താരങ്ങളില് താരമായി സരിത എസ് നായര്
ആറ്റുകാല് പൊങ്കാലയിടാന് സരിതാനായരെത്തി. എല്ലാത്തവണയും ആറ്റുകാലില് എത്തുമെങ്കിലും എത്തവണയത് പുതിയ ജീവിതത്തിന്റെ തുടക്കത്തിന് വേണ്ടിയെന്ന് മാത്രം. വാര്ത്ത എവിടയുണ്ടോ അവിടെ സരിതാ എസ് നായരെത്തുമെന്ന് വിമര്ശകരും കോലാഹലങ്ങള്ക്ക് കാത്തിരിക്കുന്നരും പറയുമെങ്കിലും സരിത അതൊന്നും മൈന്റ് ചെയ്യാറില്ല. തന്റെ വഴി താന്തന്നെ തെരഞ്ഞെടുക്കും. അതിന് അമ്മയുടെ അനുഗ്രഹം വേണം. അതുകൊണ്ട് തന്നെ ആറ്റുകാല് പൊങ്കാല ഒഴിവാക്കാനും പറ്റില്ല.
സരിത എത്തിയതോടെ ചാനലുകളും ഫോട്ടോഗ്രാഫര്മാരും സിനിമാ താരങ്ങളെ ഉപേക്ഷിച്ച് സരിതയുടെ പിറകേയായി. എല്ലാവരും സരിതയുടെ പൊങ്കാല ആഘോഷമാക്കി ജനങ്ങളിലെത്തിച്ചു. സരിതയക്കൂടാതെ പ്രമുഖ ടിവി സിനിമാ താരങ്ങളും പൊങ്കാലയിട്ടു.നടിമാരായ കല്പ്പന, ചിപ്പി, അപര്ണ നായര്, ടി.ടി. ഉഷ, കാര്ത്തിക, വിജയകുമാരി, ഗായിക രാജലക്ഷ്മി, ആനി തുടങ്ങിയവരും പൊങ്കാലയിട്ടു.
ഗവര്ണര് പി. സദാശിവത്തിന്റെ ഭാര്യ സരസ്വതി, എ.കെ. ആന്റണിയുടെ ഭാര്യ എലിസബത്ത്, മന്ത്രി കെ.പി. മോഹനന്റെ ഭാര്യ ഹേമജ, മന്ത്രി വി എസ്. ശിവകുമാറിന്റെ ഭാര്യ സിന്ധു തുടങ്ങിയവരും പൊങ്കാലയര്പ്പിച്ചു. ഗവര്ണറുടെ പത്നി ആറ്റുകാല് ക്ഷേത്ര പരിസരത്തു തന്നെ പൊങ്കാലയിട്ടു. വഴുതയ്ക്കാട് കോട്ടണ്ഹില്ലിനു സമീപം എലിസബത്തും മന്ത്രിമന്ദിരമായ വഴുതയ്ക്കാട് സാനഡുവിനു മുന്പില് ഹേമജവും മണക്കാട് ഉജ്ജയിനി ക്ഷേത്രത്തിനു മുന്പില് സിന്ധുവും പൊങ്കാലയര്പ്പിച്ചു.
നടിയും സംവിധായകന് ഷാജി കൈലാസിന്റെ ഭാര്യയുമായ ആനി ക്ഷേത്രത്തിനു സമീപത്തെ ബന്ധുഗൃഹ പരിസരത്താണു ഭര്തൃസഹോദരി ശാന്തിക്കൊപ്പം പൊങ്കാല അര്പ്പിച്ചത്. കല്പ്പന, അപര്ണ നായര് എന്നിവര് തമ്പാനൂര് ഹോട്ടല് എസ്പി ഗ്രാന്ഡ് ഡെയ്സിനു മുന്പിലും ടി.ടി. ഉഷ, കാര്ത്തിക, വിജയകുമാരി തുടങ്ങിയവര് ആറ്റുകാല് പരിസരത്തും പൊങ്കാലയിട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
