വിദേശ വനിതയെ പീഡിപ്പിച്ചു എന്ന പരാതിയെത്തുടർന്ന് കൊച്ചിയിൽ രണ്ട് പേർ അറസ്‌റ്റിൽ..തായ്‌ലൻഡ് സ്വദേശിനിയായ വിദേശവനിതയാണ് പീഡനത്തിന് ഇരയായത് .. മലപ്പുറം സ്വദേശികളായ മുഹമ്മദ് ഇൻസാഫ്, അൻസാരി എന്നിവരെയാണ് കൊച്ചി സെൻട്രൽ പോലീസ് അറസ്‌റ്റ് ചെയ്‌തത്. ഹോട്ടൽ മുറിയിൽ വെച്ചാണ് യുവതി പീഡനത്തിന് ഇരയായത്

ഇന്നലെയാണ് പീഡനത്തിന് ഇരയായായ വിവരം യുവതി ഹോട്ടൽ അധികൃതരെ അറിയിക്കുകയും തുടർന്ന് പോലീസിൽ പരാതി നൽകുകയും ചെയ്തത് . അൻസാരിയാണ് ഹോട്ടലിൽ മുറിയെടുത്തത്.

നിരവധി തവണ കേരളത്തിൽ എത്തിയിരുന്ന യുവതിയുടെ അടുത്ത പരിചയക്കാരനാണ് പ്രതികളിലൊരാളായ മുഹമ്മദ് ഇൻസാഫ്. യുവതിയുടെ മകൻ മലപ്പുറത്തെ ഒരു വിദ്യാഭ്യാസസ്ഥാപനത്തിലാണ് പഠിക്കുന്നതിനാൽ മകനെ കാണാനായി ഇവർ സ്ഥിരമായി കേരളത്തിൽ എത്തിയിരുന്നു. യാത്രകളിൽ യുവതിക്ക് സഹായം നൽകിയിരുന്നത് മുഹമ്മദ് ഇൻസാഫായിരുന്നു.

ബുധനാഴ്‌ച രാത്രി ഹോട്ടൽ മുറിയിലേക്ക് ക്ഷണിച്ച ശേഷം ഇരുവരും യുവതിയെ പീഡിപ്പിക്കുകയായിരുന്നു.
മുഹമ്മദ് ഇൻസാഫിനൊപ്പമാണ് യുവതി ഹോട്ടലിൽ എത്തിയത്. തുടർന്ന് അൻസാരിയും എത്തുകയായിരുന്നു എന്ന് പരാതിയിൽ പറയുന്നു .