സെക്യൂരിറ്റി ജീവനക്കാരന്‍ ചന്ദ്രബോസിനെ കൊലപ്പെടുത്തിയ കേസിലെ പ്രതി നിസാമിനെ രക്ഷിക്കാന്‍ ഡിജിപി കെ.എസ്. ബാലസുബ്രഹ്മണ്യം ഇടപെട്ടതിന്റെ തെളിവുകള്‍ ചീഫ് വിപ്പ് പി.സി. ജോര്‍ജ് മാധ്യമങ്ങള്‍ക്കു നല്കി. തെളിവുകള്‍ അടങ്ങിയ സിഡി നേരത്തേ ആഭ്യന്തരമന്ത്രിക്കും മുഖ്യമന്ത്രിക്കും ജോര്‍ജ് കൈമാറിയിരുന്നു. ഇതിനുശേഷമാണു തിരുവനന്തപുരത്ത് വാര്‍ത്താസമ്മേളനം വിളിച്ച് സിഡി പരസ്യപ്പെടുത്തിയത്.
നിസാമിനെ രക്ഷിക്കാന്‍ ഡിജിപി ബാലസുബ്രഹ്മണ്യത്തിന്റെ നിര്‍ദേശപ്രകാരം പോലീസ് ആസ്ഥാനത്തിന്റെ ഭരണ ചുമതലയുണ്ടായിരുന്ന മുന്‍ ഡിജിപി എം.എന്‍. കൃഷ്ണമൂര്‍ത്തിയാണു മുന്‍ തൃശൂര്‍ കമ്മീഷണര്‍ ജേക്കബ് ജോബിനെ വിളിച്ചത്. നിസാമിനെ രക്ഷിക്കാന്‍ എന്തെങ്കിലും മാര്‍ഗമുണ്‌ടോ എന്നു കൃഷ്ണമൂര്‍ത്തി ചോദിക്കുന്നത് ശബ്ദരേഖയില്‍ വ്യക്തമാണ്. മന്ത്രിയുടെ താത്പര്യപ്രകാരമാണോ എന്ന് ജേക്കബ് ജോബ് തിരിച്ചു ചോദിച്ചപ്പോള്‍, അല്ല സ്വാമി ആവശ്യപ്പെട്ടിട്ടാണെന്നു കൃഷ്ണമൂര്‍ത്തി മറുപടി പറയുകയും ചെയ്തു. സ്വാമി എന്ന് ഉദ്ദേശിക്കുന്നത് ബാലസുബ്രഹ്മണ്യത്തെയാണ്.
ഡിജിപി അത്ര ശുദ്ധനല്ലെന്നും അമിത വിനയം കാണിക്കുന്നവനെ സൂക്ഷിക്കണമെന്നും ജോര്‍ജ് പറഞ്ഞു. ബിജെപി സര്‍ക്കാര്‍ കേന്ദ്രത്തില്‍ അധികാരത്തില്‍ വന്നപ്പോള്‍ മൂന്ന് സുപ്രധാന സ്ഥാനങ്ങളിലേക്ക് അദ്ദേഹം നിയമനത്തിനു ശ്രമിച്ചിരുന്നു. സിബിഐ ഡയറക്ടര്‍ സ്ഥാനം ഒഴിവുവന്നപ്പോഴും ശ്രമം നടത്തിയെങ്കിലും മറ്റു ചില കേസുകള്‍ കണക്കിലെടുത്ത് അവസാന നിമിഷം ഒഴിവാക്കപ്പെടുകയായിരുന്നുവെന്നും ജോര്‍ജ് പറഞ്ഞു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha