വെള്ളിയാഴ്ചത്തെ യുദ്ധ സമാനമായ അന്തരീക്ഷത്തില്‍ നിന്നും ശാന്തതയോടെ നിയമസഭയ്ക്ക് തുടക്കം. ബജറ്റ് അവതരണവുമായി ബന്ധപ്പെട്ട ബഹളങ്ങള്‍ക്ക് ശേഷം തിങ്കളാഴ്ച സഭ സമ്മേളിച്ചപ്പോള്‍ പ്രതിപക്ഷം ചോദ്യോത്തരവേളയുമായി സഹകരിച്ചു. ചോദ്യോത്തരവേളയില്‍ തന്നെ പ്രതിപക്ഷം പ്രതിഷേധം ഉയര്‍ത്തുമെന്ന് കരുതിയെങ്കിലും അംഗങ്ങള്‍ മന്ത്രിമാരോട് ചോദ്യങ്ങള്‍ ഉന്നയിക്കുകയായിരുന്നു. ശാന്തമായാണ് ചോദ്യോത്തരവേള നടന്നതും. 
അതേസമയം വെള്ളിയാഴ്ച സഭയിലുണ്ടായ ബഹളത്തിനിടെ പ്രതിപക്ഷ എം.എല്‍.എമാരെ, വാച്ച് ആന്‍ഡ് വാര്‍ഡിനെ ഉപയോഗിച്ച് ആക്രമിച്ചെന്ന് ചൂണ്ടിക്കാട്ടി പ്രതിപക്ഷ ഉപനേതാവ് കോടിയേരി ബാലകൃഷ്ണന്‍ അടിയന്തര പ്രമേയത്തിന് നോട്ടീസ് നല്‍കി. 
ഇതേസമയം, സഭയില്‍ മോശമായി പെരുമാറിയ എം.എല്‍.എമാര്‍ക്കെതിരെ നടപടി എടുക്കുമെന്ന് ഉറപ്പായി. നടപടി ആവശ്യപ്പെടുന്ന പ്രമേയം മുഖ്യമന്ത്രി ഉമ്മന്‍ചാണ്ടി ശൂന്യവേളയില്‍ സഭയില്‍ അവതരിപ്പിക്കും. എം.എല്‍.എമാരുടെ നടപടി അച്ചടക്ക ലംഘനമാണെന്നും അതിനാല്‍ നടപടി എടുത്തേ മതിയാവു എന്നും പ്രമേയത്തില്‍ മുഖ്യമന്ത്രി ആവശ്യപ്പെടും.
എന്നാല്‍ വനിതാ എം.എല്‍.എമാര്‍ക്കെതിരെ കൈയേറ്റം നടത്തിയവര്‍ക്കെതിരെ പ്രതിപക്ഷവും നടപടി ആവശ്യപ്പെടും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha