വനത്തില് പ്രസവിച്ച ആദിവാസി യുവതിയുടെ എല്ലാ ചെലവും ഡിവൈഎഫ്ഐ ഏറ്റെടുത്തു
ഗൂഡ്രിക്കല് റേഞ്ചില് കൊച്ചാണ്ടി ചെക്ക്പോസ്റ്റിനു സമീപം വനത്തില് പ്രസവിച്ച ആദിവാസി യുവതിക്കു താങ്ങായി ഡിവൈഎഫ്ഐ. ലോക്ഡൗണ് നിയന്ത്രണങ്ങള്ക്കിടയില് പത്തനംതിട്ട ജനറല് ആശുപത്രി കോവിഡ് ആശുപത്രിയാക്കി മാറ്റിയതിനാല് പ്രസവത്തിനു ശേഷമുള്ള ചികിത്സയ്ക്കായി കഴിഞ്ഞ ദിവസം പത്തനംതിട്ടയില് നിന്ന് അടൂര് ജനറല് ആശുപത്രിയില് എത്തിക്കേണ്ടി വന്നു.
സുമിത്രയുടെ എല്ലാ ചെലവും ഡിവൈഎഫ്ഐ അടൂര് ബ്ലോക്ക് കമ്മിറ്റി ഏറ്റെടുക്കുകയായിരുന്നു. മൂന്നു നേരത്തെ ഭക്ഷണവും യുവതിക്കും കുഞ്ഞിനുമുള്ള വസ്ത്രവും ആവശ്യമുള്ള മരുന്നും വാങ്ങി നല്കി.
യുവതി ഇന്നലെ ആശുപത്രി വിട്ടപ്പോള് ബ്ലോക്ക് കമ്മിറ്റിയുടെ ചെലവില് വാഹനം സംഘടിപ്പിച്ച് ആങ്ങമൂഴിയിലുള്ള വീട്ടില് എത്തിക്കുകയും ചെയ്തു. ജില്ലാ സെക്രട്ടറി ബി. നിസാം, ബ്ലോക്ക് പ്രസിഡന്റ് മുഹമ്മദ് അനസ്, സെക്രട്ടറി അഖില് പെരിങ്ങനാട്, ശ്രീനി മണ്ണടി എന്നിവര് നേതൃത്വം നല്കി.
https://www.facebook.com/Malayalivartha