നിയമസഭയില്‍ വനിതാ എംഎല്‍എമാരെ പീഡിപ്പിച്ചുവെന്നത് കള്ളക്കഥയാണെന്ന് ഉമ്മന്‍ ചാണ്ടി. സ്ത്രീകളെ സംരക്ഷിക്കുന്ന നിയമം ദുരുപയോഗപ്പെടുത്തണമെന്ന് പറയുന്നതിനെ അംഗീകരിക്കില്ലെന്നും ഉമ്മന്‍ ചാണ്ടി വിശദീകരിച്ചു. ലൈംഗികാതിക്രമത്തിന് നിയമസഭ വേദിയാകുന്നത് താന്‍ കണ്ടിട്ടില്ലെന്നും മുഖ്യമന്ത്രി വിശദീകരിച്ചു. സഭയ്ക്കുള്ളില്‍ ഭരണപക്ഷ എംഎല്‍എമാര്‍ ലഡു വിതരണം നടത്തിയത് ശരിയായില്ലെന്നും മുഖ്യമന്ത്രി പറഞ്ഞു. നൂറുകണക്കിന് ആളുകള്‍ കൂടിനില്‍ക്കുന്ന സ്ഥലത്ത് എങ്ങനെ ലൈംഗിക ആക്രമണം നടക്കുമെന്നാണ് പറയുന്നത്. പ്രതിപക്ഷം സ്ത്രീസുരക്ഷാ നിയമത്തെപ്പോലും അപഹസിക്കുകയാണെന്നും മുഖ്യമന്ത്രി പറഞ്ഞു.
ആരെന്തു പറഞ്ഞാലും താന്‍ കെഎം മാണിക്ക് ഒപ്പമാണെന്ന് പ്രഖ്യാപിച്ച് മുഖ്യമന്ത്രി ഉമ്മന്‍ ചാണ്ടി. നിയമസഭയില്‍ പ്രതിപക്ഷം വനിതാ എംഎല്‍എമാരെ ചാവേറുകളായി ഉപയോഗിക്കുകയായിരുന്നു. ചാവേറുകളായി സംഘര്‍ഷ സ്ഥലത്തേക്ക് സ്ത്രീകളെ പറഞ്ഞുവിട്ടിട്ട് ലൈംഗിക ആക്രമണം നടന്നുവെന്ന് പറയുന്നത് ദുഃഖകരമാണ്.
പീഡനത്തിന്റെ ചിത്രങ്ങള്‍ അവതരിപ്പിച്ചവരെന്താണ് അതിന്റെ വിഡിയോ ദൃശ്യങ്ങള്‍ കാട്ടാത്തത്. പ്രതിപക്ഷം ദുഷ്പ്രചരണം നടത്തുകയാണെന്നും ഉമ്മന്‍ ചാണ്ടി പറഞ്ഞു. സഭയില്‍ ലഡുവിതരണം നടത്തിയത് ശരിയായില്ല. എന്നാല്‍ സ്പീക്കറുടെ ഡയസ് തകര്‍ത്തതും ലഡുവിതരണം ചെയ്തതും ഒരുപോലെ കാണാന്‍ കഴിയുമോയെന്നും അദ്ദേഹം ചോദിച്ചു. വിഡിയോ ദൃശ്യങ്ങള്‍ ഒന്നിച്ചിരുന്നു കാണാന്‍ പ്രതിപക്ഷത്തെ വെല്ലുവിളിക്കുന്നുവെന്നും മുഖ്യമന്ത്രി പറഞ്ഞു.
ധനമന്ത്രി മാണിയുമായി ബന്ധപ്പെട്ട് ഉയരുന്ന കോണ്‍ഗ്രസ് നേതാക്കളുടെ പ്രതികരണങ്ങള്‍ വ്യക്തിപരമാണ്. കോണ്‍ഗ്രസ് പാര്‍ട്ടിയുടെ നിലപാട് യുഡിഎഫ് ചെയര്‍മാന്‍ എന്ന നിലയില്‍ താനും കെപിസിസി പ്രസിഡന്റും വിശദീകരിച്ചിട്ടുണ്ട്. ധനമന്ത്രിയെ പരസ്യമായി വിമര്‍സിക്കുന്ന വക്തക്കാളെ പാര്‍ട്ടിക്ക് ആവശ്യമുണ്ടോ എന്ന് തീരുമാനിക്കേണ്ടത് കെപിസിസി പ്രസിഡന്റാണ്. മാണി തെറ്റു ചെയ്തതായി കരുതുന്നില്ല. ഒരു അന്വേഷണത്തിലും മാണിക്ക് എതിരെ തെളിവ് ലഭിച്ചിട്ടില്ല. മാദ്ധ്യമവാര്‍ത്തകളുടെ അടിസ്ഥാനത്തിലാണ് താനീ നിഗമനത്തിലെത്തിയതെന്നും മുഖ്യമന്ത്രി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha