രാജ്യത്താകമാനം കൊറോണ വ്യാപനത്തെ തുടർന്ന് ലോക്ക് ഡൗണ്‍ നീട്ടിയ സാഹചര്യത്തില്‍ ഇത്തവണ കേരളചരിത്രത്തിൽ ആദ്യമായി തൃശ്ശൂർ പൂരം പൂർണമായും ഉപേക്ഷിച്ചു. ചരിത്രത്തിലാദ്യമായിട്ടാണ് പൂരം പൂർണമായും ഉപേക്ഷിക്കുന്നത് എന്നത് ഏവരെയും അമ്ബരപ്പിലാഴ്ത്തുന്നു എങ്കിലും രാജ്യത്തിന്റെ സുരക്ഷയ്ക്ക് പൂർണ പിന്തുണ നൽകി ഐക്യം പ്രകടിപ്പിക്കുകയാണ്.

അതോടൊപ്പം തന്നെ ചടങ്ങായി പോലും പൂരം നടത്തേണ്ടതില്ലെന്നാണ് ഭാരവാഹികള്‍ ധാരണയിലെത്തിയിരിക്കുന്നത്. ഇന്ന് രാവിലെ 11 മണിക്ക് തൃശ്ശൂരിൽ ചേർന്ന മന്ത്രിതലയോഗത്തിലാണ് തീരുമാനം കൈക്കൊണ്ടത്. ആയതിനാൽ തന്നെ മന്ത്രിമാരുടെ തീരുമാനത്തോട് 100 ശതമാനവും യോജിക്കുന്നതായി പാറമേക്കാവ്, തിരുവമ്പാടി ദേവസ്വങ്ങൾ വ്യക്തമാക്കിയിരിക്കുകയാണ്. ഉത്സവങ്ങളുടെ നാടായ കേരളത്തിൽ തൃശൂർ പൂരം പൂർണമായും മാറ്റിവയ്ക്കുന്നത് ആർക്കും താങ്ങാനാകുന്നില്ല. എന്നിരുന്നാൽ തന്നെയും അതെല്ലാം കേരളത്തിന്റെ ഭാവിക്കായി മാത്രം.

അതേസമയം ജില്ലയിലെ മന്ത്രിമാരായ എ സി മൊയ്തീൻ, വി എസ് സുനില്‍ കുമാര്‍, സി രവീന്ദ്രനാഥ് എന്നിവരുടെ നേതൃത്വത്തിലാണ് ചർച്ച നടന്നത് തന്നെ. നിശ്ചയിച്ചത് പ്രകാരം മെയ് 2 നാണ് തൃശ്ശൂർ പൂരം നടക്കേണ്ടിയിരുന്നത്. എന്നാൽ ലോക്ക് ഡൗണ്‍ മെയ് 3വരെ നീട്ടിയതോടെ പൂരത്തിന്‍റെ ഒരുക്കങ്ങളെല്ലാം പാറമേക്കാവ് - തിരുവമ്പാടി ദേവസ്വങ്ങള്‍ നിര്‍ത്തിവച്ചിരിക്കുകയാണ് ചെയ്തത്. ഒരൊറ്റ ആനയുടെ പുറത്ത് എഴുന്നള്ളിപ്പും പേരിന് മാത്രം മേളവുമായി നടത്താനായിരുന്നു നേരത്തെയുളള തീരുമാനം. ഇത് പോലും വേണ്ടെന്നാണ് ഇപ്പോഴുള്ള ധാരണ.