കേരള കോണ്‍ഗ്രസ് വൈസ് ചെയര്‍മാന്‍ പി സി ജോര്‍ജിനെ മാറ്റാന്‍ നീക്കം. അച്ചടക്കനടപടി സ്വീകരിക്കുമെന്നാണ് സൂചന. മുന്നണിയെയും പാര്‍ട്ടിയെയും പ്രതിസന്ധിയിലാക്കിയാണ് പി സി ജോര്‍ജ്ജ് ഇതുവരെയും മുന്നോട്ട് പോയത്. ഇനി ഒത്തുപോകാന്‍ സാധിക്കില്ലെന്നാണ് കേരള കോണ്‍ഗ്രസ് എം ഇപ്പോള്‍ വ്യക്തമാക്കിയിരിക്കുന്നത്. യാതൊരു ഒത്തുതീര്‍പ്പിനുമില്ലെന്നാണ് കേരള കോണ്‍ഗ്രസ് എം നേതാക്കള്‍ വ്യക്തമാക്കുന്നത്.
ജോര്‍ജിനെ ഒഴിവാക്കി മാണിയുടെ വീട്ടില്‍ പാര്‍ട്ടി എംഎല്‍എമ്മാര്‍ യോഗം ചേര്‍ന്നിരുന്നു. തുടര്‍ന്നാണ് തീരുമാനത്തിലെത്തിയിരിക്കുന്നത്. ജോര്‍ജിനെതിരെ നടപടിയെടുത്തില്ലെങ്കില്‍ പാര്‍ട്ടിയുടെ കെട്ടുറപ്പും വിശ്വാസ്യതയും നഷ്ടപ്പെടുമെന്ന് എംഎല്‍എമാര്‍ അഭിപ്രായപ്പെട്ടു. ജോര്‍ജിനെ ചീഫ് വിപ്പ് സ്ഥാനത്തു നിന്നും മാറ്റണമെന്നും ആവശ്യമുയര്‍ന്നിട്ടുണ്ട്. ഇതിനെ തുടര്‍ന്ന് കെ എം മാണി മുഖ്യമന്ത്രിയുമായി ചര്‍ച്ച ചെയ്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha