ക്യാന്‍സര്‍ രോഗിയായ ആദ്യഭ്യര്യയെ മറ്റൊരു വിവാഹത്തിന് വേണ്ടി ഒഴിവാക്കിയ കെപിസിസി ജനറല്‍ സെക്രട്ടറി ടി സിദ്ദിഖിനെതിരെ കൂടുതല്‍ പരാതികളുമായി ആദ്യ ഭാര്യ നസീമ കോടതിയെ സമീപിച്ചു. കോഴിക്കോട് കുടുംബ കോടതിയിലും, ഫസ്റ്റ്ക്ലാസ് മജിസ്‌ട്രേറ്റ് കോടതിയിലുമായി എട്ട് കേസുകളാണ് മുന്‍ ഭാര്യ ഫയല്‍ ചെയ്തിരിക്കുന്നത്. ഇതില്‍ ഗാര്‍ഹിക പീഡനമുള്‍പ്പെടെ സിദ്ദിഖിനെതിരെ ആരോപിക്കുന്ന പാരതിയും ഉണ്ട്. വെള്ളപേപ്പറില്‍ എഴുതി തയ്യാറാക്കിയ താലാഖ് താന്‍ അംഗീകരിക്കുന്നില്ലെന്നും നിയമപരമായി സിദ്ദിഖിന്റെ രണ്ടാം വിവാഹം നിലനില്‍ക്കുന്നതല്ലെന്നുമുള്ള വാദമാണ് നസീമ കോടതിയില്‍ ഉയര്‍ത്തിയിരിക്കുന്നത്. കൃത്യമായ നഷ്ടപരിഹാരം തരാതെയുള്ള വിവാഹമോചനം സാധുവല്ലെന്നും നസീമയുടെ അഭിഭാഷകര്‍ വാദിക്കുന്നു. സിദ്ദീഖിനെതിരെ കേസെടുക്കണമെന്നും നസീമ പരാതിയില്‍ പറയുന്നു.
അര്‍ഹമായ നഷ്ടപരിഹാരം തരാത്ത വിവാഹമോചനം താന്‍ അംഗീകരിക്കില്ലെന്നും താന്‍ ആവശ്യപ്പെട്ടിട്ടല്ല സിദ്ദിഖ് തന്നെ താലാഖ് ചൊല്ലിയതെന്നും അവര്‍ പറയുന്നു. നഷ്ടപരിഹാരം ലഭിച്ചില്ലെങ്കില്‍ നിയമ നടപടിയുമായി ഏതറ്റം വരെ പോകാനും ഒരുക്കമാണെന്നാണ് നസീമയുടെ പക്ഷം. കേസില്‍ നസീമയുടെ മൊഴി രേഖപ്പെടുത്തിയ കോടതി സിദ്ദിഖിന് ഹാജരാകണമെന്ന് കാണിച്ച് നോട്ടീസ് അയക്കും.ഇതിന്റെ വിചാരണ തുടങ്ങാനിരിക്കെയാണ് മറ്റു കെസുകളുമായി നസീമ രംഗത്തെത്തിയിരിക്കുന്നത്.
വിവാഹ ജീവിതത്തിന്റെ തുടക്കകാലം മുതല്‍ അനുസരണയില്ലാത്ത ഭാര്യയുടെ രോഗത്തിന്റെ പേരില്‍ വോട്ട് പിടിച്ചതെന്തിനെന്നും നസീമ ചോദിക്കുന്നുണ്ട്.താനുമായുള്ള വിവാഹ ബന്ധം നിലനില്ക്കുമ്പോള്‍ തന്നെ ഇപ്പോള്‍ വിവാഹം കഴിച്ച സ്ത്രീയുമായി സിദ്ദിഖിനുണ്ടായിരുന്ന ബന്ധം തെളിയിക്കാനാവശ്യമായ രേഖകളൂം മറ്റും ഇവര്‍ വിചാരണ വേളയില്‍ കോടതിക്ക് മുന്‍പാകെ ഹാജരാക്കുമെന്നും അറിയുന്നു.നേരത്തെ ഗാര്‍ഹിക പീഡനം ചൂണ്ടിക്കാട്ടി കുടുംബ കോടതിയില്‍ നസീമ കേസ് ഫയല്‍ ചെയ്തിരുന്നു.കോടതിയുടെ മേല്‍നോട്ടത്തില്‍ കേസ് അന്വേഷിക്കണമെന്ന നസീമയുടെ ആവശ്യവും അംഗീകരിക്കപ്പെട്ടു.
തൃശൂരിലെ മനുഷ്യാവകാശ പ്രവര്‍ത്തകയും ഗാര്‍ഗി സ്ത്രീവിമോചന പ്രസ്ഥാനത്തിന്റെ പ്രവര്‍ത്തകയുമായ അഡ്വക്കേറ്റ് ആശ ഉണ്ണിത്താന്‍, അഡ്വ.ക്കേറ്റ് ജഹാംഗീര്‍ റസാക് പാലേരി എന്നിവരാണ് നസീമക്കായി കോടതിയില്‍ ഹാജരായത്. നസീമയെ വിവാഹം കഴിക്കുന്ന സമയത്ത് അവരുടെ ബന്ധുക്കള്‍ നല്കിയ 100 പവനോളം വരുന്ന സ്വര്‍ണ്ണവും മറ്റും സിദ്ദിഖ് നഷ്ടപ്പെടുത്തിയെന്നും മക്കള്‍ക്ക് നസീമയുടെ മാതാപിതാക്കള്‍ അണിയിച്ച 20 പവന്‍ വരുന്ന ആഭരണങ്ങളും കെപിസിസി ജനറല്‍ സെക്രട്ടറി തന്റെ ആവശ്യത്തിനായി ഉപയോഗിച്ചെന്നുമാണ് നസീമയുടെ ആരോപണം.
തലാഖില്‍ സിദ്ദിഖ് എഴുതി ചേര്‍ത്ത സ്ത്രീവിരുദ്ധ പരാമര്‍ശങ്ങള്‍ ഉയര്‍ത്തിക്കാട്ടാനാണ് ഗാര്‍ഗി സ്ത്രീ വിമോചന വേദിയുടെ തീരുമാനം. നസീമ വിവാഹ ജീവിതത്തിന്റെ തുടക്കം മുതല്‍ തന്നെ തീരെ അനുസരണയില്ലാത്തവളാണെന്നായിരുന്നു തലാഖിനായുള്ള കാരണമായി കെപിസിസി ജനറല്‍ സെക്രട്ടറി പറഞ്ഞിരുന്നത്. ഇത് അങ്ങേയറ്റം പ്രതിഷേധാര്‍ഹമാണെന്ന് ആശ ഉണ്ണിത്താന്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha