കൊലപാതക കേസിലെ പ്രതിയടക്കം 3 പേര് കഞ്ചാവ് കടത്തിന് പിടിയില്
വയനാട് ജില്ലയിലെ വൈത്തിരിയില് 3 പേരെ കഞ്ചാവ് കേസില് പൊലീസ് അറസ്റ്റ് ചെയ്തു. തമിഴ്നാട്ടിലെ കോടനാട് എസ്റ്റേറ്റ് കൊലപാതക കേസിലെ പ്രതിയടക്കം പൊഴുതന പെരുംങ്കോട സ്വദേശി കാരാട്ട് വീട്ടില് ജംഷീര് അലി (35), കല്പറ്റ ഗൂഡലായ്കുന്ന് കൊളപറമ്പന് വീട്ടില് മിദ്ലാജ് (27), കല്പറ്റ ചുഴലി മാമ്പറ്റപറമ്പില് വീട്ടില് മുഹമ്മദ് ഷിനാസ് (20) എന്നിവരാണ് പിടിയിലായത്. ഇവരുടെ കൈയില് നിന്ന് 3. 380 കിലോ കഞ്ചാവും പിടികൂടി.
പോക്സോ കേസ് ഉള്പ്പെടെയുള്ള മറ്റു കേസുകളിലും ഇയാള് പ്രതിയാണ്.റിസോര്ട്ടുകളിലും ഹോംസ്റ്റേകളിലും വിദ്യാര്ഥികള്ക്കിടയിലും വില്പന നടത്താനാണ് ഇവര് കഞ്ചാവ് സൂക്ഷിച്ചിരുന്നതെന്ന് പൊലീസ് പറഞ്ഞു. പ്രതികളെ ഇന്ന് കോടതിയില് ഹാജരാക്കും. കൂടുതല് അന്വേഷണത്തിനായി പ്രതികളെ കസ്റ്റഡിയില് വാങ്ങുമെന്ന് ജില്ലാ പൊലീസ് മേധാവി ആര്. ഇളങ്കോ അറിയിച്ചു.
ജില്ലാ പൊലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് വൈത്തിരി പൊലീസ്, വൈത്തിരി പൂഞ്ചോലയിലെ ഹോംസ്റ്റേ കേന്ദ്രീകരിച്ച് പരിശോധ നടത്തിയത്. പ്രതികളില് നിന്ന് 3. 380 കിലോ കഞ്ചാവ് കൂടാതെ 35520 രൂപ, ഒരു കാര്, ഒരു ബൈക്ക് എന്നിവയും പിടികൂടി. പിടിയിലായ ജംഷീര് അലി തമിഴ്നാട്ടിലെ കോടനാട് എസ്റ്റേറ്റ് കൊലപാതക കേസിലെ മൂന്നാം പ്രതിയാണ്.
https://www.facebook.com/Malayalivartha