എല്.ഡി.എഫില് തുറന്ന പോരിനൊരുങ്ങി സി.പി.ഐ; ജോസ് കെ. മാണിയെ എല്.ഡി.എഫിലെടുക്കുന്നതിനെതിരെ നിലപാട് കടുപ്പിച്ച് കാനം രാജേന്ദ്രന്; 65 ലെ ചരിത്രം കോടിയേരി ഒന്നു കൂടി പഠിക്കണമെന്നും കാനം
ജോസ് കെ. മാണിയെ ഇടതുമുന്നണിയിലെടുക്കുന്നതിനെ വിമര്ശിച്ച് സി.പി.ഐ സംസ്ഥാന സെക്രട്ടറി കാനം രാജേന്ദ്രന് രംഗത്ത്. ജോസ് പക്ഷം വിലപേശുന്ന പാര്ട്ടിയാണ്. മൂന്നു മുന്നണിയുമായി വിലപേശന് നടത്തപകയാണവര്. ഇത്തരത്തിലൊരു പാര്ട്ടിയെ ഇടതുപക്ഷത്തിന് ആവശ്യമില്ലെന്ന് അദ്ദേഹം പഞ്ഞു. ഇത് സാമൂഹിക അകലം പാലിക്കേണ്ട സമയമാണ്. ഇത്തരക്കാരുമായി കൃത്യമായ അകലം പാലിക്കണം. തുടര് ഭരണത്തിന് തുരങ്കം വയ്ക്കുന്ന നിലപാടുകള് സ്വീകരിക്കരുതെന്നും അദ്ദേഹം സി.പി.എം നേതൃത്വത്തിനോട് ആവശ്യപ്പെട്ടു.
ജോസ് വിഭാഗത്തെ സി.പി.എം നേരത്തെ എല്.ഡി.എഫിലേക്ക് സ്വാഗതം ചെയ്തിരുന്നു. എത്രയും വേഗം നിലപാട് സ്വീകരിക്കമെന്ന നിര്ദേശമാണ് സി.പി.എം ജോസ് വിഭാഗത്തിന് നല്കിയത്. ജോസ് വിഭാഗം കേരള കോണ്ഗ്രസ് എമ്മിലെ ശക്തമായ വിഭാഗമാണെന്ന് സി.പി.എം വിലയിരുത്തിയിരുന്നു. ഇതിന്റെ അടിസ്ഥാനത്തില് സി.പി.എം സെക്രട്ടറി കോടിയേരി ബാലകൃഷ്ണന് ജോസ് വിഭാഗത്തെ പരോക്ഷമായി എല്.ഡി.എഫിലേക്ക് സ്വാഗതം ചെയ്യുകയും ചെയ്തു. ഇതിനെ സ്വാഗതം ചെയ്യുന്ന നിലപാട് ജോസ് വിഭാഗം സ്വീകരിക്കുകയും ചെയ്തു. ജോസ് വിഭാഗത്തെ സ്വാഗതം ചെയ്യുന്നതിനൊപ്പം അന്ന് സി.പി.ഐയുടെ നിലപാടിനെയും കോടിയേരി വിമര്ശിച്ചിരുന്നു. ഇതിനുള്ള മറുപടിയും ഇന്ന് കാനം രാജേന്ദ്രന് നല്കിയിരിക്കുകയാണ്. 1965 ലെ ചരിത്രം കോടിയേരി ഒന്നു കൂടി പരിശോധിക്കുന്നത നല്ലതാണെന്നും ശക്തമായ ഭാഷയില് അദ്ദേഹം വ്യക്തമാക്കി. അന്ന് ലീഗുമായി ചേര്ന്നാണ് സി.പി.എം മത്സരിച്ചത്. ഒറ്റക്കാണ് മത്സരിച്ചത് എന്നതിനെ ഒരു അടിസ്ഥാനമില്ലെന്നും അദ്ദേഹം ചൂണ്ടിക്കാട്ടി. സി.പി.ഐ നിലപാട് കടുപ്പിച്ചതോടെ എല്.ഡി.എപിനുള്ളില് സി.പി.എം-സി.പി.ഐ പോര് മുറുകയാണ്.
https://www.facebook.com/Malayalivartha
