കന്യാസ്ത്രീയെ പീഡിപ്പിച്ച കേസില്‍ ബിഷപ്പ് ഫ്രാങ്കോ മുളയ്ക്കലിന്റെ വിടുതല്‍ ഹര്‍ജി ഹൈക്കോടതി തള്ളി. ബിഷപ്പ് വിചാരണ നേരിടണമെന്ന് കോടതി പറഞ്ഞു. നേരത്തെ കോട്ടയം സെഷന്‍ കോടതിയും ഫ്രാങ്കോ മുളയ്ക്കലിന്റെ വിടുതല്‍ ഹര്‍ജി തള്ളിയിരുന്നു. ഇതു ചോദ്യം ചെയ്താണ് ബിഷപ്പ് ഹൈക്കോടതിയെ സമീപിച്ചത്. കേസ് നിലനില്‍ക്കില്ലെന്ന വാദം ഹൈക്കോതി അംഗീകരിച്ചില്ല. ബിഷപ്പിനെതിരായ കുറ്റപത്രത്തിലെ തെളിവുകള്‍ വിചാരണയ്ക്ക് പര്യാപ്തമാണെന്നാണ് ഹൈക്കോടതി കണ്ടെത്തിയത്. ഇതിന്റെ അടിസ്ഥാനത്തിലാണ് വിടുതല്‍ ഹര്‍ജി തള്ളിയത്.

2018 ജൂണ്‍ 26നാണു കുറവിലങ്ങാട് മഠത്തിലെ കന്യാസ്ത്രീയാണ് ബിഷപ്പിനെതിരെ ലൈംഗിക പീഡന പരാതി നല്‍കിയത്. നാലുമാസം നീണ്ട അന്വേഷണത്തിനു ശേഷം ബിഷപ്പ് ഫ്രാങ്കോയെ അറസ്റ്റ് ചെയ്തു. 25 ദിവസത്തെ ജയില്‍ വാസത്തിനു ശേഷമാണ് ബിഷപ്പിന് ജാമ്യം ലഭിച്ചത്.