സംസ്ഥാനത്തെ 14 ജില്ലകളിലും കൊവിഡ് മരണങ്ങള്‍ സ്ഥിരീകരിച്ചു കഴിഞ്ഞു. കേരളത്തില്‍ സമൂഹവ്യാപനം ശക്തമാകുന്ന സാഹചര്യത്തിലും ഉറവിടം അറിയാത്ത കൊവിഡ് കേസുകള്‍ വര്‍ധിക്കുന്ന സാഹചര്യത്തിലും പ്രതിരോധ പ്രവര്‍ത്തനങ്ങള്‍ ശക്തമാക്കേണ്ടതുണ്ടെന്ന് മുഖ്യമന്ത്രി പിണറായി വിജയന്‍ വ്യക്തമാക്കി

ആദ്യം കൊവിഡ് പ്രതിരോധ പ്രവര്‍ത്തനങ്ങളില്‍ പേരു കേട്ട കേരളം ഇപ്പോള്‍ കൊവിഡ് കുതിപ്പില്‍ വിറങ്ങലിച്ചിരിക്കുകയാണ്. സമ്പര്‍ക്ക രോഗികളും ഉറവിടം അറിയാത്ത രോഗികളും ഉയരുന്നതാണ് കൊവിഡ് കേസുകള്‍ കുതിക്കുന്നതിന്റെ പ്രധാന കാരണം.

എന്നാല്‍, കഴിഞ്ഞ കുറച്ച് ദിവസങ്ങളായി സംസ്ഥാനത്ത് പ്രതിദിനം രോഗബാധ മൂലം മരിക്കുന്നവരുടെ എണ്ണം കൂടുകയാണ്. മറ്റു സംസ്ഥാനങ്ങളെ അപേക്ഷിച്ച് സംസ്ഥാനത്ത് കൊവിഡ് മരണനിരക്ക് കുറവാണ് ..

എന്നാൽ കേരളത്തില്‍ ജൂലായ് 26 വരെ മരിച്ചവരുടെ കണക്ക് പരിശോധിച്ചാല്‍ 60 വയസ്സിനു മുകളിലുള്ളവരാണ് അതില്‍ ഏറ്റവും അധികം മരിച്ചത്. ആകെ മരിച്ചവരില്‍ 35.59 % വും 60-69 വയസ്സുള്ളവരാണ്. മരിച്ചവരില്‍ 29.5 % 70-79 വയസ്സുള്ളവരാണ്. 60 വയസ്സില്‍ മുകളില്‍ മരിച്ചവരുടെ ആകെ കണക്കെടുക്കുമ്പോള്‍ അത് 68.85 % വരും

കേരളത്തില്‍ ഇതുവരെ മരിച്ചവരില്‍ 37.29 ശതമാനവും സംസ്ഥാനത്തിന് പുറത്തുനിന്നെത്തിയവരാണ്. 22.03 % പേര്‍ക്ക് യാതൊരു വിധത്തിലുള്ള യാത്രാ ചരിത്രവും ഉണ്ടായിരുന്നില്ലെന്നാണ് കണക്കുകള്‍ വ്യക്തമാക്കുന്നത്. സര്‍ക്കാരിന്റെ കണക്കില്‍ സമ്പര്‍ക്ക രോഗികളില്‍ മരിച്ചവര്‍ 5.08 % ആണ്. എന്നാല്‍, ഉറവിടം അറിയാത്ത കേസുകളാണ് മരിച്ചവരില്‍ 35.59 % പേരും

സംസ്ഥാനത്ത് കൊവിഡ് ബാധിച്ച് മരിച്ചവരില്‍ 35.59 ശതമാനം പേരും ഉറവിടം അറിയാത്ത കേസുകളാണെന്ന് കണക്കുകള്‍. 60 നും 69 നും ഇടയില്‍ പ്രായമുള്ള മരിച്ചവരില്‍ ഏഴു പേര്‍ കേരളത്തിനു പുറത്തു നിന്നെത്തിയവരാണ്.

രണ്ട് പേര്‍ക്ക് സമ്പര്‍ക്കത്തിലൂടെയാണ് കൊവിഡ് ബാധിച്ചത്. 60-79 വയസ്സ് പ്രായമുള്ളവരില്‍ ഉറവിടം അറിയാത്ത കൊവിഡ് മരണങ്ങള്‍ വര്‍ധിക്കുന്നത് ആശങ്ക വര്‍ധിപ്പിച്ചിട്ടുണ്ട്. കഴിഞ്ഞ ഒരാഴ്ചയ്ക്കിചെ കേരളത്തിനു പുറത്തു നിന്നെത്തി മരിച്ചത് ഒരാള്‍ മാത്രമാണ്. ബാക്കിയെല്ലാ കൊവിഡ് കേസുകളും ഉറവിടം വ്യക്തമല്ല.

സംസ്ഥാനത്തെ കണക്കുകള്‍ പ്രകാരം, ഇതുവരെ 61 പേരാണ് കൊവിഡ് ബാധിച്ച് മരിച്ചത്. ഇതില്‍ 47 പേര്‍ക്കും മറ്റു പല രോഗങ്ങളും ഉണ്ടായിരുന്നു. ഇത് ആശങ്കപ്പെടുത്തുന്നതാണ്. ആരോഗ്യ വകുപ്പിന്റെ കണക്ക് പ്രകാരം സംസ്ഥാനത്തെ വയോജനങ്ങളില്‍ 10 % പേര്‍ കാന്‍സര്‍, ഹൃദ്രോഗ, വൃക്കരോഗ ചികിത്സയില്‍ ഉള്ളവരാണ്.

പ്രമേഹം, ഉയര്‍ന്ന രക്തസമ്മര്‍ദം, ശ്വാസകോശ രോഗങ്ങള്‍ എന്നിവയുള്ളവരുമാണ്. വയോജനങ്ങളില്‍ 59 % പേരും ഏതെങ്കിലും രോഗത്തിന് സ്ഥിരമായി മരുന്ന് കഴിക്കുന്നവര്‍ ആയിരുന്നു.