ഏകദിന സന്ദര്‍ശനത്തിനായി ശ്രീലങ്കന്‍ പ്രധാനമന്ത്രി റനില്‍ വിക്രമസിംഗെ ഇന്ന് രാവിലെ കൊച്ചിയിലെത്തി. രാവിലെ 8.35 ന് കൊളംബോയില്‍ നിന്നുമുള്ള പ്രത്യേക വിമാനത്തിലാണു കൊച്ചിയിലെത്തിയത്. ഗുരുവായൂര്‍ ക്ഷേത്രദര്‍ശനത്തിനായി എത്തിയ ശ്രീലങ്കന്‍ പ്രധാനമന്ത്രിയും അഞ്ചംഗ സംഘവും വൈകുന്നേരം 4.15 ന് കൊളംബോയ്ക്കു മടങ്ങും. നെടുമ്പാശേരിയിലെ സ്വകാര്യഹോട്ടലില്‍ വിശ്രമത്തിനു ശേഷം വിക്രമസിംഗെ 9.20നു ഗുരുവായൂര്‍ക്കു യാത്ര തിരിച്ചു.

അദ്ദേഹത്തോടൊപ്പം പത്‌നി പ്രഫ. മൈത്രി വിക്രമസിംഗെ, ഹിന്ദുമത കാര്യ, പുനര്‍നിര്‍മ്മാണ മന്ത്രി സി.എം. സ്വാമിനാഥന്‍, റിട്ട. ഡപ്യൂട്ടി ഇന്‍സ്‌പെക്ടര്‍ ജനറല്‍ ഡബ്ല്യു. ഡബ്ല്യു. വിക്രമസിംഗെ, പിഎസ്ഒ അശോക് അരിയവന്‍, സുരക്ഷ ഉദ്യോഗസ്ഥന്‍ ഡബ്ല്യു. ഹെര്‍ത്ത് എന്നിവരുമുണ്ടായിരുന്നു. സംസ്ഥാന സര്‍ക്കാര്‍ അതിഥിയായെത്തിയ പ്രധാനമന്ത്രിയേയും സംഘത്തേയും വിമാനത്താവളത്തില്‍ ചീഫ് സെക്രട്ടറി ജിജി തോംസണ്‍, കളക്ടര്‍ എം.ജി. രാജമാണിക്യം, എഡിജിപി പത്മകുമാര്‍ എന്നിവരുടെ നേതൃത്വത്തില്‍ സ്വീകരിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha