ശ്രീലങ്കന് പ്രധാനമന്ത്രിയ്ക്ക് വന് സുരക്ഷാ വീഴ്ച; സംഭവം അതീവ ഗൗരവത്തോടെ കാണുമെന്ന് അധികൃതര്
ഗുരുവായൂര് ക്ഷേത്ര സന്ദര്ശനത്തിനായി ശ്രീലങ്കന് പ്രധാനമന്ത്രി റനില് വിക്രമസിംഗെ വിമനത്താവളത്തില് നിന്നും പറത്ത് വരുന്നതിനിടെ വന് സുരക്ഷാ പാളിച്ച. ഇന്ന് രാവിലെ ശ്രീലങ്കന് എയര്വേഴ്സില് നെടുമ്പാശ്ശേരിയില് വിമാനമിറങ്ങിയ ശേഷം പുറത്തേക്ക് വരുന്നതിനിടെയാണ് ഗുരുതര വീഴ്ചയുണ്ടായത്. വിക്രമസിംഗെയ്ക്ക് ഇന്ത്യയില് സുരക്ഷാ ഭീഷണിയുണ്ടെന്ന കേന്ദ്ര രഹസ്യാന്വേഷണ വിഭാഗത്തിന്റെ മുന്നറിയിപ്പ് നിലനില്ക്കുമ്പോഴാണ് കേരളത്തിലെത്തിയ വിക്രമസിംഗെയുടെ അകമ്പടി വാഹനം സുരക്ഷാക്രമീകരണം മറകടന്നത്. ഇന്ത്യയില് നിന്നുള്ള മത്സ്യബന്ധന തൊഴിലാളികള് ശ്രീലങ്കന് സമുദ്രാതിര്ത്തി ലംഘിച്ചാല് അവര്ക്കു നേരെ വെടിവെയ്ക്കാന് നാവിക സേനയ്ക്ക് അധികാരമുണ്ടെന്ന വിക്രമസിംഗെയുടെ പ്രസ്താവന കടുത്ത പ്രതിഷേധങ്ങള്ക്ക് ഇടയാക്കിയിരുന്നു.ഇതിനെ തുടര്ന്ന് റനില് വിക്രമസിംഗെയ്ക്ക് കനത്ത സുരക്ഷ ഏര്പ്പെടുത്തിയിരുന്നു
രാവിലെ 8.26 ന് നെടുമ്പാശ്ശേരിയില് വിമാനമിറങ്ങിയ റനില് വിക്രമസിംഗെ നാലാം ഗേറ്റിലൂടെ പുറത്ത് വരുന്നതിനിടെയാണ് പ്രോട്ടോക്കോള് ലംഘനം അടക്കമുള്ള വീഴ്ച സംഭവിച്ചത്. പ്രോട്ടോകോള് അനുസരിച്ച് ആദ്യം വാണിങ് പൈലറ്റ്,? പൈലറ്റ്,? മൊബൈല് ജാമര് ഇതിന് പിന്നിലായി പ്രധാനമന്ത്രിയുടെ വാഹനം എന്നീ ക്രമത്തിലാണ് സഞ്ചരിക്കേണ്ടത്. അകമ്പടിയായി മാര്ഷല് ഉള്പ്പെടെ പന്ത്രണ്ടോളം വാഹനങ്ങളും ഉണ്ടാകണം. എന്നാല് നാലാം ഗേറ്റിലൂടെ പ്രധാനമന്ത്രിയുടെ വാഹനം പുറത്തെത്തി പത്തുമിനിറ്റോളം അകമ്പടി വാഹനങ്ങളൊന്നും പ്രധാനമന്ത്രിയുടെ വാഹനത്തെ അനുഗമിച്ചിരുന്നില്ല. തൊട്ടടുത്തുള്ള പെട്രോള് പമ്പ് വരെ റനില് വിക്രമസിഗെ സഞ്ചരിച്ച ശേഷമാണ് സുരക്ഷ ഉദ്യോഗസ്ഥരടക്കം ഇക്കാര്യം ശ്രദ്ധിക്കുന്നത്.
ആകാശ യാത്ര സുരക്ഷിതമല്ലെന്ന മുന്നറിയിപ്പിനെത്തുടര്ന്ന് ഹെലികോപ്ടര് യാത്ര ഒഴിവാക്കിയാണ് എയര്ലൈന്സ് വിമാനത്തില് പ്രധാനമന്ത്രിയെത്തിയത്. എഡിജിപി പത്മകുമാറിന്റെയും ഐജി അജിത്കുമാറിന്റെയും നേതൃത്വത്തില് ആയിരത്തോളം പൊലീസുകാര്ക്കാണ് സുരക്ഷാചുമതലയുണ്ടായിരുന്നത്. ഇന്നലെ രാവിലെയും വൈകിട്ടും നിരവധി തവണ പ്രധാനമന്ത്രിയുടെ യാത്രയുടെ റിഹേഴ്സല് നടത്തിയിട്ടും വീഴ്ചയുണ്ടായത് ഗൗരവമായാണ് സംസ്ഥാന പൊലീസും കരുതുന്നത്. ഇന്നു വൈകിട്ടു നാലിനു ശ്രീലങ്കന് എയര്ലൈന്സ് വിമാനത്തില് വിക്രമസിംഗെ കൊളംബോയിലേക്കു മടങ്ങും. സുരക്ഷാ ഭീഷണി നിലനില്ക്കുന്നതിനാല് പ്രധാനമന്ത്രി താമസിക്കുന്ന മാരിയറ്റ് ഹോട്ടലിലും കനത്ത സുരക്ഷ ഒരുക്കിയിരുന്നു. ഇന്ത്യയില് നിന്നുള്ള മത്സ്യബന്ധന തൊഴിലാളികള് അതിര്ത്തി ലങ്കിച്ചാല് വെടിവെക്കുമെന്ന പ്രസ്താവനയാണ് അദ്ദേഹത്തെ വിവാദത്തിലാക്കിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
