രാജ്യസഭാ തെരഞ്ഞെടുപ്പില് എല്ഡിഎഫ് സ്ഥാനാര്ത്ഥികള്ക്ക് വോട്ട് ചെയ്യണമെന്ന് ആര്എസ്പിയോടും ജനതാദളിനോടും അഭ്യര്ഥിച്ച് വിഎസ്, അറിയില്ലെന്ന് കോടിയേരി
രാജ്യസഭാ തെരഞ്ഞെടുപ്പില് എല്ഡിഎഫ് സ്ഥാനാര്ത്ഥികള്ക്ക് വോട്ട് ചെയ്യണമെന്ന് ആര്എസ്പിയോടും ജനതാദളിനോടും അഭ്യര്ഥിച്ച് വിഎസ് അച്യുതാനന്ദന്. സി ദിവാകരനാണ് ഇത് സംബന്ധിച്ച് വെളിപ്പെടുത്തല് നടത്തിയത്. എന്നാല് ഇതിനെക്കുറിച്ച് അറിയില്ലെന്നായിരുന്നു കോടിയേരിയുടെ പരാമര്ശം. സംഭവത്തെക്കുറിച്ച് പ്രതികരിക്കാന് വിഎസും വിസമ്മതിച്ചു. പാര്ട്ടികോണ്ഗ്രസില് നിന്ന് മടങ്ങിയെത്തിയപ്പോള് തന്നെ വിഎസ് ഇതു സംബന്ധിച്ച് സൂചന നല്കിയിരുന്നു.
പാര്ട്ടി ജനറല് സെക്രട്ടറിയായ സീതാറാം യെച്ചൂരി ഇടതുപക്ഷത്തെ ശക്തിപ്പെടുത്തുന്നതിന്റെ ഭാഗമായാണ് വിഎസിന്റെ ഈ കരുനീക്കം. ഇടത് മുന്നണിക്കായി മത്സരിക്കുന്ന സിപിഐയുടെ കെ രാജന് അനുകൂലമായി വോട്ട് ചെയ്യണമെന്നാണ് വി എസ് ഇരുപാര്ട്ടികളോടും ആവശ്യപ്പെട്ടത്. ഇതോടെ ആര്എസ്പിയേയും വീരേന്ദ്രകുമാറിന്റെ ജനതാദളിനേയും ഇടതു പക്ഷത്ത് എത്തിക്കാന് വി എസ് നേരിട്ട് ശ്രമിക്കുമെന്നും ഉറപ്പായി.
ആര്എസ്പിയും ജെഡിയുവും യുഡിഎഫിന്റെ ഭാഗമാണ്. സാധാരണ ഗതിയില് മറ്റൊരു മുന്നണിയുടെ ഭാഗമായ കക്ഷികളോട് വോട്ട് ചോദിക്കുക പതിവില്ല. അതാണ് വി എസ് തെറ്റിക്കുന്നത്. വിശാഖപട്ടണത്ത് നിന്ന് മടങ്ങിയത്തിയ വി എസ് ആര്എസ്പി, ജനതാദള് കക്ഷികളെ മുന്നണിയിലെത്തിക്കാന് ശ്രമിക്കുമെന്ന സൂചന നല്കിയിരുന്നു. അതിന് തൊട്ട് പിറകെയാണ് എല്ലാ കീഴ് വഴക്കങ്ങളും ലംഘിച്ചുള്ള നീക്കം. വി എസ് ചര്ച്ച നടത്തിയ കാര്യം സിപിഐ നേതാവ് സി ദിവാകരനാണ് പുറത്തുവിട്ടത്. അനുകൂല തീരുമാനം പ്രതീക്ഷിക്കുന്നതായി വി എസ് വ്യക്തമാക്കിയെന്നും ദിവാകരന് കൂട്ടിച്ചേര്ത്തു. എന്നാല് ചര്ച്ചയെ പറ്റി അറിയില്ലെന്നായിരുന്നു സിപിഐ(എം) സെക്രട്ടറി കോടിയേരി ബാലകൃഷ്ണന്റെ പ്രതികരണം.
നിയമസഭയില് വൈകിട്ട് നാലു മണിവരെയാണ് രാജ്യസഭ തിരഞ്ഞെടുപ്പ്. അഞ്ചുമണിക്കാണ് വോട്ടെണ്ണല്. വയലാര് രവി(കോണ്ഗ്രസ്), പി.വി. അബ്ദുല് വഹാബ്(മുസ്ലിംലീഗ്), കെ.കെ. രാഗേഷ്(സിപിഐ(എം)), കെ. രാജന്(സിപിഐ)എന്നിവരാണു സ്ഥാനാര്ത്ഥികള്. ഇവരില് ആദ്യത്തെ മൂന്നുപേര് ജയിക്കാനാണു സാധ്യത. 139 പേര്ക്കാണു തിരഞ്ഞെടുപ്പില് വോട്ടവകാശം ഉള്ളത്. ഇതില് 73 പേര് യുഡിഎഫുകാരും 65 പേര് എല്ഡിഎഫുകാരുമാണ്. ഒരു മുന്നണിയിലും പെടാത്ത കെ.ബി. ഗണേശ്കുമാറാണു മറ്റൊരു വോട്ടര്. ആദ്യ റൗണ്ടില് തന്നെ ജയിക്കാന് കിട്ടേണ്ടത് 35 പ്രഥമ പരിഗണനാ വോട്ടാണ്. ആര്എസ്പിയും ജെഡിയുവും മുന്നണി മാറി വോട്ട് ചെയ്താല് സിപിഐ സ്ഥാനാര്ത്ഥിക്ക് ജയിക്കാം. ഈ സാഹചര്യത്തിലാണ് വലതു മുന്നണിയുമായി തെറ്റി നില്ക്കുന്ന രണ്ട് കക്ഷികളോടുമുള്ള വിഎസിന്റെ വോട്ട് അഭ്യര്ത്ഥന.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
