കോവിഡ് നിരീക്ഷണത്തിലുള്ളയാൾ തൂങ്ങി മരിക്കാന് ശ്രമം; കയര്പൊട്ടി നിലത്തുവീണ യുവാവിനെ ആശുപത്രിയിലാക്കി
വീട്ടില് കൊവിഡ് നിരീക്ഷണത്തില് കഴിയവെ തൂങ്ങിമരിക്കാന് ശ്രമിച്ച യുവാവ് കയര്പൊട്ടി നിലത്തുവീണു. അവശനിലയിലായ ഇയാളെ പൊലീസും ആരോഗ്യപ്രവര്ത്തകരും ചേര്ന്ന് ആശുപത്രിയിലാക്കി. കണ്ണൂര്, പാനൂരിടുത്ത് പാത്തിപാലത്താണ് സംഭവം. ഗള്ഫില് നിന്ന് മൂന്ന് ദിവസം മുമ്ബാണ് ഇയാള് നാട്ടിലെത്തിയത്.
അമ്മ ഭക്ഷണവുമായി എത്തിയപ്പോഴാണ് യുവാവിനെ അവശനിലയില് കണ്ടത്. തുടര്ന്ന് ആരോഗ്യപ്രവര്ത്തകരെയും പൊലീസിനെയും വിവരമറിയിക്കുകയായിരുന്നു. ഇയാളുടെ ആരോഗ്യനില തൃപ്തികരമാണെന്ന് ആശുപത്രി വൃത്തങ്ങള് അറിയിച്ചു.ആത്മഹത്യാ ശ്രമത്തിന് പിന്നില് സാമ്ബത്തിക പ്രശ്നങ്ങളാണെന്നാണ് സൂചന. ഇയാള്ക്ക് ലക്ഷങ്ങളുടെ കടബാദ്ധ്യത ഉണ്ടെന്നാണ് സൂചന. യുവാവിനെ ആശുപത്രിയിലെത്തിക്കാന് സഹായിച്ച രണ്ടുപേരെ നിരീക്ഷണത്തിലാക്കി.
https://www.facebook.com/Malayalivartha