ഇന്ത്യയുടെ മെട്രോമാന്‍ ഇ ശ്രീധരന് സര്‍വ്വ പിന്തുണയും അറിയിച്ച് മോഹന്‍ലാല്‍ രംഗത്ത്. ഇനി കേരളത്തില്‍ വികസന പ്രവര്‍ത്തനങ്ങള്‍ക്കില്ലെന്ന മെട്രോമാന്‍ ഇ ശ്രീധരന്റെ വാക്കുകള്‍ വേദനിപ്പിച്ചെന്ന് ബ്ലോഗില്‍ കുറിച്ച് മോഹന്‍ലാല്‍. കേരളത്തിന്റെ വികസന ആവശ്യങ്ങള്‍ ശ്രീധരനെന്ന വ്യക്തിയെ കേരളത്തിന് വേണം. ശ്രീധരന്റെ വില മലയാളി അറിയുന്നു. അതുകൊണ്ട് മടുത്ത് മടങ്ങരുതെന്ന അഭ്യര്‍ത്ഥനയാണ് മോഹന്‍ലാല്‍ മുന്നോട്ട് വയ്ക്കുന്നത്.
 വികസനം ആഗ്രഹിക്കുന്നവരാണ് മലയാളികള്‍. അതിന്റെ മുന്നില്‍ നിന്ന് ഉറപ്പോടെയും സത്യസന്ധമായും നയിക്കാന്‍ പ്രിയപ്പെട്ട ശ്രീധരന്‍ സാര്‍...... അങ്ങ് വേണം. അങ്ങയുടെ സായാഹ്നങ്ങള്‍ യവ്വനത്തിന്റെ നട്ടുച്ചയെക്കാള്‍ സര്‍ഗ്ഗാത്മകവും ക്രിയാത്മകവുമാണെന്ന് എന്ന് ഞങ്ങള്‍ തിരിച്ചറിയുന്നു. വിശ്വസിക്കുന്നു. അലോസരപ്പെടുത്തുന്ന എന്തെങ്കിലും ഉണ്ടായിട്ടുണ്ടെങ്കില്‍ ഈ നാടിനെ സ്‌നേഹിക്കുന്ന ഒരു മലയാളി എന്ന നിലയില്‍ അങ്ങയോട് ക്ഷമ ചോദിക്കുന്നുവെന്നും മോഹന്‍ലാല്‍ വിശദീകരിക്കുന്നു. ശ്രീധരന്‍ ഇന്ത്യക്ക് നല്‍കിയ സംഭാവനകള്‍ എണ്ണി പറയുന്നതാണ് ലാലിന്റെ ബ്ലോഗ്. ഒരുമിച്ച് പത്മശ്രീ വാങ്ങാനായതും അദ്ദേഹവുമായുള്ള ഓര്‍മ്മകളും പങ്കുവയ്ക്കുന്നുമുണ്ട്.

തിരുവനന്തപുരത്തേയും കോഴിക്കോട്ടേയും ലൈറ്റ് മെട്രോ നിര്‍മ്മാണവുമായി ബന്ധപ്പെട്ട വിവാദങ്ങളാണ് ശ്രീധരനെ കൊണ്ട് വേദനയോടെ പലതും പറയിച്ചത്. കൊച്ചി മെട്രോയുടെ നിര്‍മ്മാണ പ്രവര്‍ത്തനങ്ങള്‍ക്കിടയിലും അരുതാത്തത് പലതുമുണ്ടായി. ഇതിനിടെയില്‍ ലൈറ്റ് മെട്രോ ശ്രീധരന്റെ നേതൃത്വത്തില്‍ ഡല്‍ഹി മെട്രോ റെയില്‍ കോര്‍പ്പറേഷനെ ഏല്‍പ്പിക്കുന്നതിനെ സിപിഐ(എം) പോലും ചോദ്യം ചെയ്തു. ആഗോള ടെന്‍ഡര്‍ വിളിക്കണമെന്ന് വി ശിവന്‍കുട്ടി എംഎല്‍എ ആവശ്യമുന്നിയിച്ചു. ഇതോടെയാണ് മനസ്സ് മടത്ത് ഇനി കേരളത്തിലെ വികസന പദ്ധതികളുമായി സഹകരിക്കില്ലെന്ന് ശ്രീധരന്‍ പറഞ്ഞത്. ഈ സാഹചര്യത്തിലാണ് മോഹന്‍ലാലിന്റെ ബ്ലോഗ്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha