വി. ശിവന്‍കുട്ടി നിയമസഭയില്‍ ചെയ്തതെല്ലാം കുറഞ്ഞ് പോയെന്ന് ജി. സുധാകരന്‍. നിയമസഭ ജനാധിപത്യത്തിന്റെ ശ്രീകോവിലല്ല, മാങ്ങാത്തൊലിയാണ് മന്ത്രിയായും നിയമസഭാംഗമായും പതിറ്റാണ്ടോളം പ്രവര്‍ത്തിച്ച സുധാകരനാണ് ഇപ്പോള്‍ നിയമസഭയെ മാങ്ങാത്തൊലിയോട് ഉപമിച്ചത്. സഭയില്‍ അമ്പലമൊന്നും പണിതുവച്ചിട്ടില്ലല്ലോ. അവിടെ മുസ്ലിമും ക്രിസ്ത്യാനിയും ഉള്ളതല്ലേ. പിന്നെന്തിനാണ് ശ്രീകോവിലായി ഉപമിക്കുന്നത്.
ആലപ്പുഴയില്‍ കെ എം മാണിക്കെതിരെ എല്‍ ഡി എഫ് സംഘടിപ്പിച്ച കളക്ടറേറ്റ് ഉപരോധത്തിലെ അദ്ധ്യക്ഷപ്രസംഗത്തിലാണ് ജി സുധാകരന്‍ ഇങ്ങനെ തട്ടിവിട്ടത്. അരുവിക്കരയില്‍ ഉമ്മന്‍ ചാണ്ടി തോറ്റുതുന്നം പാടും. ജോര്‍ജും നാടാര്‍ വിഭാഗവും ഒന്നിച്ചിട്ടുണ്ട്. നിയമസഭയില്‍ മാണി നിലനില്‍ക്കുന്നിടത്തോളംകാലം പ്രക്ഷോഭം തുടരുമെന്ന് സുധാകരന്‍ പറഞ്ഞു.
സ്പീക്കറുടെ ചേംബറിലെ മേശപ്പുറത്ത് ശിവന്‍കുട്ടി ചാടിക്കയറിയതില്‍ തെറ്റില്ല. വേറെ എവിടെ കയറാനാണ്? മറ്റെവിടെയെങ്കിലും കയറാന്‍ കഴിഞ്ഞിരുന്നുവെങ്കില്‍ അവിടെയും കയറിയേനെ.
നിയമസഭ ജനാധിപത്യത്തിന്റെ പൊതുകേന്ദ്രമാണ്. ശ്രീകോവിലുമായി ഉപമിക്കുന്നത് മനസില്‍ ഹിന്ദുത്വ അജണ്ടയുള്ളവരാണ്. അതിന്റെ ഉത്തമ ഉദാഹരണമാണ് സ്പീക്കര്‍ മതനേതാക്കളെ കാണാന്‍ പോയത്. നിയമസഭയുടെ ചരിത്രത്തിലാദ്യമായാണ് ഒരു സ്പീക്കര്‍ ഇരുവിഭാഗം മതനേതാക്കളെ കാണാന്‍ പോയത്. കാരണം മനസില്‍ മതം നിറഞ്ഞുനില്‍ക്കുന്നു.
അടുത്ത തെരഞ്ഞെടുപ്പില്‍ മല്‍സരിച്ചു ജയിച്ച് മന്ത്രിയാകാനുള്ള പുറപ്പാടാണ് സ്പീക്കര്‍ ഇപ്പോള്‍ നടത്തുന്നത്. സരിതക്കേസുണ്ടായപ്പോള്‍ മുഖ്യമന്ത്രി രാജിവെക്കണമെന്ന മോഹം മാണിക്കുണ്ടായിരുന്നു. എന്നാല്‍ നടപ്പായില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha