വനം വകുപ്പ് വിദഗ്ധരുടെ ശാസ്ത്രീയ പരിശോധനയില്‍ മൂര്‍ഖന്‍ സ്വമേധയാ ഇങ്ങനെ കടിക്കില്ല എന്ന റിപ്പോര്‍ട്ട് എല്ലാം തെളിയിച്ചു! ദൃക്സാക്ഷികളില്ലാത്ത കേസില്‍ ശാസ്ത്രീയ തെളിവുകളാണ് വിധി നിര്‍ണയിക്കുന്നത്... വേഗത്തില്‍ കുറ്റാന്വേഷണം നടത്തിയ പൊലീസ് സംഘത്തിന് അവാര്‍ഡ് ശുപാര്‍ശ ചെയ്യുമെന്നും എസ് പി
ഉത്രയുടെ കയ്യില്‍ പാമ്പു കടിയേറ്റ 2 മുറിവുകളും തമ്മിലുള്ള അകല വ്യത്യാസം വെറും 5 സെന്റിമീറ്റര്‍. വനം വകുപ്പ് വിദഗ്ധരുടെ ശാസ്ത്രീയ പരിശോധനയില്‍ മൂര്‍ഖന്‍ സ്വമേധയാ ഇങ്ങനെ കടിക്കില്ല എന്നതാണ് റിപ്പോര്‍ട്ട്.
പാമ്ബുകളുടെ ജൈവശാസ്ത്ര പ്രത്യേകതകളും കുറ്റപത്രത്തില്‍ വിവരിക്കുന്നു. ദൃക്സാക്ഷികളില്ലാത്ത കേസില്‍ ശാസ്ത്രീയ തെളിവുകളാണ് വിധി നിര്‍ണയിക്കുന്നത്.
ഉത്രയുടെ പോസ്റ്റ്മോര്‍ട്ടം റിപ്പോര്‍ട്ട്, മൂര്‍ഖന്റെ പോസ്റ്റ്മോര്‍ട്ടം റിപ്പോര്‍ട്ട്, രാസപരിശോധന ഫലങ്ങള്‍, മൊബൈല്‍ ഫോണുകളുടെ ഫോറന്‍സിക് ഫലം എന്നിവ കുറ്റപത്രത്തോടൊപ്പം ഉണ്ട്. ഉത്രയുടെയും സൂരജിന്റെയും വീടുകളിലെ മുറികളിലേക്കു പാമ്ബുകള്‍ക്ക് സ്വമേധയാ കടക്കാന്‍ സാഹചര്യമില്ലെന്നാണ് ഇരു വീടുകളും സന്ദര്‍ശിച്ച എട്ടംഗ വിദഗ്ധസമിതി റിപ്പോര്‍ട്ട്.
അണലിയുടെ കടിയേറ്റ ഉത്ര രക്ഷപ്പെടുമെന്ന് ഉറപ്പായപ്പോള്‍ തന്നെ സൂരജ് രണ്ടാം കൊലപാതക ശ്രമം ആസൂത്രണം ചെയ്തെന്നും കുറ്റപത്രത്തിലുണ്ട്. ഇതിനായി പാമ്ബ് പിടിത്തക്കാരന്‍ ചാവറുകാവ് സുരേഷിന്റെ പക്കല്‍ നിന്നു മൂര്‍ഖന്‍ പാമ്ബിനെ വാങ്ങി.
യുട്യൂബിലുടെ പാമ്ബുകളെക്കുറിച്ചുള്ള വിവരങ്ങളും പ്രത്യേകതകളും പരിശീലനവും നേടിയാണ് കൊലപാതകം ആസൂത്രണം ചെയ്തത്.
കേസില്‍ പൊലീസ് നടത്തിയത് വ്യത്യസ്തമായ അന്വേഷണമെന്ന് എസ്പി ഹരിശങ്കര്‍ പറഞ്ഞു. കുറ്റാന്വേഷണത്തോടൊപ്പം പാമ്ബുകളുടെ രീതികളെക്കുറിച്ച്‌ ഗവേഷണവും നടത്തി. വിദേശത്ത് നിന്നുള്ള പാമ്ബ് വിദഗ്ധരുടെ സഹായവും തേടി.
വേഗത്തില്‍ കുറ്റാന്വേഷണം നടത്തിയ പൊലീസ് സംഘത്തിനെ എസ്പി അനുമോദിച്ചു. ഇവര്‍ക്ക് അവാര്‍ഡ് ശുപാര്‍ശ ചെയ്യുമെന്നും അദ്ദേഹം അറിയിച്ചു.
https://www.facebook.com/Malayalivartha
