മാന് വേട്ട നടത്തി ഇറച്ചി പാചകം ചെയ്ത് കഴിക്കുകയും വില്ക്കുകയും ചെയ്ത സംഭവത്തില് മൂന്നു പേര് പിടിയില്; മൂന്നു പേര്ക്കായി തിരച്ചില്
ചെതലയം കൊമ്പന്മൂല ഗോത്ര കോളനിയിലെ ഗംഗന് (45), ശശികുമാര്(35), ചെതലയം ആറാം മൈല് മേടയില് അബ്ദുല് അസീസ്( 50) എന്നിവരെ മാന് വേട്ട നടത്തി ഇറച്ചി പാചകം ചെയ്ത് കഴിക്കുകയും വില്ക്കുകയും ചെയ്ത സംഭവത്തില് അറസ്റ്റുചെയ്തു.
ഗംഗനും ശശികുമാറും മറ്റു രണ്ടു പേരും ചേര്ന്നാണ് മാനിനെ കെണി വച്ച് പിടികൂടിയത്. ഇറച്ചി വാങ്ങാനെത്തിയ ആളാണ് അബ്ദുല് അസീസ്. മാനിനെ വേട്ടയാടിയ രണ്ടു പേരെയും ഇറച്ചി വാങ്ങിയ ഒരാളെയും പിടികിട്ടാനുണ്ട്.
കുറിച്യാട് റേഞ്ച് ഓഫിസര് പി.രതീശന്, ഡപ്യൂട്ടി റേഞ്ചര് ഇ. ബൈജു നാഥ്, സെക്ഷന് ഫോറസ്റ്റ് ഓഫിസര്മാരായ കെ.കെ. ബൈജു, എം.കെ.ശശി, ബിഎഫ്ഒമാരായ കെ.ആര്.മണികണ്ഠന്, ഹനീഷ് ശേഖര്, വിവേക് പത്മനാഭന്, ടി. ആദര്ശ് എന്നിവര് അറസ്റ്റിന് നേതൃത്വം നല്കി.
ഇറച്ചിയുമായി കാറില് മടങ്ങവെയാണ് അബ്ദുല് അസീസിനെ പിടികൂടിയത്. 2018-ലെ മാന്വേട്ട കേസിലും അബ്ദുല് അസീസ് പ്രതിയാണ്. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു. ദേഹാസ്വാസ്ഥ്യം അനുഭവപ്പെട്ടതിനാല് അബ്ദുല് അസീസിനെ ആശുപത്രിയിലാക്കി.
https://www.facebook.com/Malayalivartha
